Երևանի փոխքաղաքապետ Գևորգ Սիմոնյանը շուտով ազատության մեջ կլինի

© Sputnik / Zara MikaԳևորգ Սիմոնյան
Գևորգ Սիմոնյան - Sputnik Արմենիա, 1920, 27.04.2023
Բաժանորդագրվեք
НовостиTelegram
Վերաքննիչ դատարանն ամբողջությամբ բեկանել է Առաջին ատյանի դատարանի որոշումը։
ԵՐԵՎԱՆ, 27 ապրիլի – Sputnik. Երևանի փոխքաղաքապետ Գևորգ Սիմոնյանը շուտով ազատության մեջ կլինի։ Տեղեկությունը Sputnik Արմենիային հայտնեց փաստաբան Էմին Խաչատրյանը։

«Վերաքննիչ դատարանն ամբողջությամբ բեկանել է Առաջին ատյանի դատարանի որոշումը, և Սիմոնյանը քիչ հետո ազատության մեջ կլինի»,–ասաց փաստաբանը։

Խաչատրյանը նշեց նաև, որ դատարանի որոշումը դեռ չեն ստացել, որպեսզի որոշման հիմքը տեսնեն, սակայն դատավորը հակիրճ ասել է` նման որոշում է կայացրել, քանի որ հիմնարար կասկածի շեմը դատարանը համարել է չհաղթահարված։ Այդ է պատճառը, որ Սիմոնյանի նկատմամբ այլ խափանման միջոց չի կիրառվել։
Հիշեցնենք` Հակակոռուպցիոն կոմիտեն քրեական գործ է հարուցել՝ կապված 2020-2021 թվականներին Covid-19 համաճարակի դեմ պայքարի ընթացքում կատարված չարաշահումների հետ։ Գործի շրջանակում կալանավորվել էին առողջապահության նախկին փոխնախարար, այժմ Երևանի փոխքաղաքապետ Գևորգ Սիմոնյանը, ինչպես նաև «Մեդլայն Կլինիկ» ԲԿ–ի տնօրեն Բաբկեն Շահումյանը։
Գործով ներգրավված են առողջապահության ոլորտի ևս 9 ներկայացուցիչներ։ Մամուլում տեղեկություններ են շրջանառվում, որ քրեական գործ կարող է հարուցվել նաև ՀՀ Ազգային ժողովի պատգամավոր, առողջապահության նախկին նախարար Արսեն Թորոսյանի դեմ։
Լրահոս
0