https://arm.sputniknews.ru/20230427/pataskhanatvutjan-bery-chi-kareli-dnel-miajn-rdi-vra-aats-pahestazvori-spaneri-miutjun-58833606.html

Պատասխանատվության բեռը չի կարելի դնել միայն ՌԴ–ի վրա. ԱԱԾ պահեստազորի սպաների միություն

Պատասխանատվության բեռը չի կարելի դնել միայն ՌԴ–ի վրա. ԱԱԾ պահեստազորի սպաների միություն

Sputnik Արմենիա

Ընդգծվում է , որ «ամեն գնով խաղաղության հասնելու» ՀՀ իշխանությունների քաղաքականությունն իրականում բերում է մարդկային ու տարածքային նոր կորուստներ, մեծացնում... 27.04.2023, Sputnik Արմենիա

2023-04-27T15:47+0400

2023-04-27T15:47+0400

2023-04-27T15:47+0400

լաչինի միջանցք

ռուսաստան

հայաստան

ադրբեջան

հայ-ադրբեջանական

հայտարարություն

https://cdn.am.sputniknews.ru/img/07e7/04/17/58639430_0:201:1180:864_1920x0_80_0_0_78bdc02ac3c7e370be0ff5fa44450d47.jpg

ԵՐԵՎԱՆ, 27 ապրիլի – Sputnik. Արցախի ճակատագրի առաջնային պատասխանատուն Հայաստանն է: Ստեղծված իրավիճակում չի կարելի քաշվել մի կողմ և ողջ պատասխանատվության բեռը թողնել Ռուսաստանի վրա։ ԱԱԾ-ի պահեստազորի սպաների միությունը հայտարարություն է տարածել և իր խորը մտահոգությունը հայտնել օրերս Բերձորի (Լաչինի) միջանցքում տեղադրված ադրբեջանական անցակետի փաստի կապակցությամբ։«Պաշտոնական Բաքվի այս քայլը 2022 թվականի դեկտեմբերի 12–ից իրականացվող Արցախի շրջափակման համատեքստում է և բերում է իրավիճակի լարվածության աճին։ Կարևորելով ռուս խաղաղապահների առաքելությունն Արցախում՝ ակնկալում ենք, որ նոյեմբերի 9–ի հայտարարության շրջանակներում նրանք ի վերջո կապաշրջափակեն Արցախն ու նորմալ կենսագործության պայմաններ կապահովեն մեր 120 հազար հայրենակիցների համար»,–նշված է հայտարարության մեջ։Միևնույն ժամանակ ԱԱԾ-ի պահեստազորի սպաների միությունն արձանագրել է, որ իրենց համար անընդունելի են ՀՀ իշխանությունների տեսակետները Ղարաբաղյան հակամարտության ու հայ–ադրբեջանական հարաբերությունների կարգավորման վերաբերյալ։Ընդգծվում է , որ «ամեն գնով խաղաղության հասնելու» ՀՀ իշխանությունների քաղաքականությունն իրականում բերում է մարդկային ու տարածքային նոր կորուստներ, մեծացնում պատերազմի հավանականությունը։ԱԱԾ-ի պահեստազորի սպաների միությունը խնդրի ելքը տեսնում է միասնականության մեջ։Հիշեցնենք` 2022–ի դեկտեմբերի 12-ից Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։Այս տարվա փետրվարի 22-ին Արդարադատության միջազգային դատարանը Ադրբեջանի նկատմամբ հրատապ միջոց էր կիրառել` պարտադրելով ապաշրջափակել Լաչինի ճանապարհը։2 ամիս անց այս որոշումը ոչ միայն չի կիրառվել, այլև ապրիլի 23-ին Ադրբեջանն անցակետ է տեղադրել Լաչինի ճանապարհի վրա` այն ամբողջությամբ իր վերահսկողության տակ առնելով։

լաչինի միջանցք

ադրբեջան

2023

Լուրեր

am_HY

լաչինի միջանցք, ռուսաստան, հայաստան, ադրբեջան, հայ-ադրբեջանական, հայտարարություն