https://arm.sputniknews.ru/20230428/asrjany-kvolvonnajin-nerkajacrel-e-hhi-dem-adrbejani-razmakan-agresiaji-hetevanqnery-58889005.html
Ասրյանը Կոլոննային ներկայացրել է ՀՀ–ի դեմ Ադրբեջանի ռազմական ագրեսիայի հետևանքները
Ասրյանը Կոլոննային ներկայացրել է ՀՀ–ի դեմ Ադրբեջանի ռազմական ագրեսիայի հետևանքները
Sputnik Արմենիա
ՀՀ ԶՈւ ԳՇ պետը Ֆրանսիայի արտգործնախարարին ցույց է տվել, թե ներկայում Ջերմուկի ուղղությամբ որտեղով է անցնում հայ-ադրբեջանական սահմանը։ 28.04.2023, Sputnik Արմենիա
2023-04-28T12:13+0400
2023-04-28T12:13+0400
2023-04-28T12:17+0400
կատրին կոլոննա
էդվարդ ասրյան
ջերմուկ
ադրբեջան
հայ-ադրբեջանական
ֆրանսիա
հայաստան
https://cdn.am.sputniknews.ru/img/07e6/09/10/48423410_0:66:1264:777_1920x0_80_0_0_eb5d30e511b42c49fa3b89fb32e0afd5.jpg
ԵՐԵՎԱՆ, 28 ապրիլի – Sputnik. Հայաստանի զինված ուժերի գլխավոր շտաբի պետ Էդվարդ Ասրյանը Ֆրանսիայի արտաքին գործերի նախարար Կատրին Կոլոննային ներկայացրել է 2022 թվականի սեպտեմբերին Հայաստանի ինքնիշխան տարածքի դեմ Ադրբեջանի ռազմական ագրեսիայի հետևանքները։ Ասրյանն այդ իրավիճակի մասին Կոլոննայի հետ խոսել է Ջերմուկում գտնվելու ժամանակ։Նա հայտնել է, որ Ջերմուկի ուղղությամբ թշնամին ՀՀ ինքնիշխան տարածք է ներխուժել 60-ից ավել քառակուսի կիլոմետր մակերեսով. ներխուժումը ճակատով կազմում է մոտ 11 կիլոմետր, խորությամբ՝ ավելի քան 7 կիլոմետր։ԳՇ պետը նշել է, որ 2022 թ–ի սեպտեմբերի 13-14-ին Ադրբեջանը Հայաստանի ինքնիշխան տարածքի վրա հարձակվել է 5 ուղղությունով, որից 2-ը` Սյունիքի, 2-ը՝ Գեղարքունիքի, 1-ը՝ Վայոց Ձորի մարզերում։ Հարձակման ընթացքում Ադրբեջանը ակտիվորեն կիրառել է հրթիռային, հրետանային միջոցներ, անօդաչու թռչող սարքեր՝ հարվածներ հասցնելով ինչպես ռազմական, այնպես էլ տնտեսական ու քաղաքացիական օբյեկտներին։«Վնասներ կրել են նաև քաղաքացիական ենթակառուցվածքները, մասնավորապես, մինչ այսօր չի գործում Ջերմուկի ճոպանուղին։ Ցավոք, այդ գործողությունների ընթացքում ՀՀ զինված ուժերն էլ կորուստներ կրեցին, նաև քաղաքացիական անձնակազմ զոհվեց, ունեցանք տարածքային կորուստներ։ Ներկա պահին հակառակորդը մոտ 139 քառակուսի կիլոմետր գտնվում է Հայաստանի ինքնիշխան տարածքում»,- նշել է Ասրյանը։ՀՀ ԶՈւ ԳՇ պետը Ֆրանսիայի ԱԳ նախարարին տեղում ցույց տվեց նաև, թե Ջերմուկի ուղղությամբ որտեղով էր անցնում հայ-ադրբեջանական սահմանը մինչև Ադրբեջանի սեպտեմբերյան ագրեսիան և որտեղ են հիմա տեղակայված Ադրբեջանի զինված ուժերը։Հիշեցնենք` Ադրբեջանի ԶՈւ ստորաբաժանումները 2022 թ. սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:Սեպտեմբերի 14-ի ժամը 20։00-ից հայ-ադրբեջանական սահմանի երկայնքով հրադադարի ռեժիմ սահմանվեց, որը պարբերաբար խախտում է ադրբեջանական կողմը։
ջերմուկ
ադրբեջան
ֆրանսիա
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
կատրին կոլոննա, էդվարդ ասրյան, ջերմուկ, ադրբեջան, հայ-ադրբեջանական, ֆրանսիա, հայաստան
կատրին կոլոննա, էդվարդ ասրյան, ջերմուկ, ադրբեջան, հայ-ադրբեջանական, ֆրանսիա, հայաստան
Ասրյանը Կոլոննային ներկայացրել է ՀՀ–ի դեմ Ադրբեջանի ռազմական ագրեսիայի հետևանքները
12:13 28.04.2023 (Թարմացված է: 12:17 28.04.2023) ՀՀ ԶՈւ ԳՇ պետը Ֆրանսիայի արտգործնախարարին ցույց է տվել, թե ներկայում Ջերմուկի ուղղությամբ որտեղով է անցնում հայ-ադրբեջանական սահմանը։
ԵՐԵՎԱՆ, 28 ապրիլի – Sputnik. Հայաստանի զինված ուժերի գլխավոր շտաբի պետ Էդվարդ Ասրյանը Ֆրանսիայի արտաքին գործերի նախարար Կատրին Կոլոննային ներկայացրել է 2022 թվականի սեպտեմբերին Հայաստանի ինքնիշխան տարածքի դեմ Ադրբեջանի ռազմական ագրեսիայի հետևանքները։ Ասրյանն այդ իրավիճակի մասին Կոլոննայի հետ խոսել է Ջերմուկում գտնվելու ժամանակ։
Նա հայտնել է, որ Ջերմուկի ուղղությամբ թշնամին ՀՀ ինքնիշխան տարածք է ներխուժել 60-ից ավել քառակուսի կիլոմետր մակերեսով. ներխուժումը ճակատով կազմում է մոտ 11 կիլոմետր, խորությամբ՝ ավելի քան 7 կիլոմետր։
«2020 թվականի 44-օրյա ռազմական գործողությունների ավարտից հետո Ադրբեջանի ԶՈւ առաջին քայլերը սկսվել էին 2021 թվականի մայիսի 12-ից։ 2021 թվականին նրանց գործողությունները նմանվել են փափուկ ուժի կիրառմամբ խնդիրների կատարման, իսկ 2022–ի սեպտեմբերի 13-14-ի գործողությունները ռազմական ագրեսիա էին Հայաստանի Հանրապետության հանդեպ»,– ասել է Ասրյանը։
ԳՇ պետը նշել է, որ 2022 թ–ի սեպտեմբերի 13-14-ին Ադրբեջանը Հայաստանի ինքնիշխան տարածքի վրա հարձակվել է 5 ուղղությունով, որից 2-ը` Սյունիքի, 2-ը՝ Գեղարքունիքի, 1-ը՝ Վայոց Ձորի մարզերում։ Հարձակման ընթացքում Ադրբեջանը ակտիվորեն կիրառել է հրթիռային, հրետանային միջոցներ, անօդաչու թռչող սարքեր՝ հարվածներ հասցնելով ինչպես ռազմական, այնպես էլ տնտեսական ու քաղաքացիական օբյեկտներին։
«Վնասներ կրել են նաև քաղաքացիական ենթակառուցվածքները, մասնավորապես, մինչ այսօր չի գործում Ջերմուկի ճոպանուղին։ Ցավոք, այդ գործողությունների ընթացքում ՀՀ զինված ուժերն էլ կորուստներ կրեցին, նաև քաղաքացիական անձնակազմ զոհվեց, ունեցանք տարածքային կորուստներ։ Ներկա պահին հակառակորդը մոտ 139 քառակուսի կիլոմետր գտնվում է Հայաստանի ինքնիշխան տարածքում»,- նշել է Ասրյանը։
ՀՀ ԶՈւ ԳՇ պետը Ֆրանսիայի ԱԳ նախարարին տեղում ցույց տվեց նաև, թե Ջերմուկի ուղղությամբ որտեղով էր անցնում հայ-ադրբեջանական սահմանը մինչև Ադրբեջանի սեպտեմբերյան ագրեսիան և որտեղ են հիմա տեղակայված Ադրբեջանի զինված ուժերը։
Հիշեցնենք` Ադրբեջանի ԶՈւ ստորաբաժանումները 2022 թ. սեպտեմբերի 13-ից Գորիսի, Սոթքի և Ջերմուկի ուղղությամբ
ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
Սեպտեմբերի 14-ի ժամը 20։00-ից հայ-ադրբեջանական սահմանի երկայնքով
հրադադարի ռեժիմ սահմանվեց, որը պարբերաբար խախտում է ադրբեջանական կողմը։
