https://armeniasputnik.am/20230504/erevanum-anmah-gndi-qajlert-kanckacvi-kazmakerpichnery-manramasner-en-nerkajacrel-59156749.html
Երևանում «Անմահ գնդի» քայլերթ կանցկացվի. կազմակերպիչները մանրամասներ են ներկայացրել
Երևանում «Անմահ գնդի» քայլերթ կանցկացվի. կազմակերպիչները մանրամասներ են ներկայացրել
Երթը մեկնարկելու է Արաբկիրի Սուրբ Խաչ եկեղեցուն հարակից տարածքից, այնուհետև մասնակիցները շարժվելու են դեպի Հաղթանակի զբոսայգու Անմար կրակի հուշակոթող։ 04.05.2023, Sputnik Արմենիա
2023-05-04T15:22+0400
2023-05-04T15:22+0400
2023-05-04T15:30+0400
հայաստան
երևան
հայրենական մեծ պատերազմ
հայեր
երթ
/html/head/meta[@name='og:title']/@content
/html/head/meta[@name='og:description']/@content
https://cdnn1.img.armeniasputnik.am/img/1850/27/18502723_0:83:1600:983_1920x0_80_0_0_08f76d54ba15523acaec082322217b46.jpg
ԵՐԵՎԱՆ, 4 մայիսի - Sputnik. Մայիսի 9-ին Երևանում կանցկացվի «Անմահ գնդի» ավանդական երթը, որին, նախնական հաշվարկներով, կմասնակցի 5-7 հազար մարդ։ Sputnik Արմենիա մուլտիմեդիոն մամուլի կենտրոնում հրավիրված ասուլիսի ժամանակ այս մասին ասաց «Անմահ գունդն արտերկրում» պատմամշակութային հասարակական կազմակերպության հիմնադիր, գործադիր տնօրեն Էդմոն Հովհաննիսյանը։Նա տեղեկացրեց, որ երթը կմեկնարկի ժամը 12:00-ին Արաբկիրի Սուրբ Խաչ եկեղեցուն հարակից տարածքից: Այնուհետև ակցիայի մասնակիցները կշարժվեն դեպի Հաղթանակի զբոսայգի` անմար կրակի մոտ։ Հովհաննիսյանն ընդգծեց, որ ակցիայի նպատակն է հիշեցնել հայ ժողովրդի սխրանքների և Հայրենական պատերազմում ունեցած ավանդի մասին:«Նրանք մեր պապերն են, ծնողները, նրանք հիմա էլ իրենց օրինակով ցույց են տալիս, թե ինչպես է պետք պաշտպանել հայրենիքը»,-ասաց Հովհաննիսյանը:Նա նշեց, որ ակցիան քաղաքական չէ և անցյալն ու ներկան միավորելու նպատակ ունի: Այս պահին Հայաստանում ապրում է 67 վետերան, նրանցից ամենատարեցը 103 տարեկան է: Զանազան միջոցառումներին ակտիվ մասնակցություն են ունենում միայն 8–ը։ Այս ակցիային նրանք նույնպես կմասնակցեն, սակայն վետերաններին Անմար կրակի մոտ կտեղափոխեն մեքենաներով։ Երթին մասնակցող երեխաներին անվճար կբաժանեն ատրակցիոնների տոմսեր և պաղպաղակ:Ռեժիսոր Ռուբեն Հովհաննիսյանն իր հերթին հիշեցրեց, որ Հայրենական մեծ պատերազմի տարիներին Հայաստանում ապրել է 1,5 մլն քաղաքացի, որոնցից 600 հազարը մեկնել են ռազմաճակատ` պաշտպանելու Հայաստանն ու Մեծ հայրենիքը: Ավելի քան 100 հազար հայեր զորակոչվել են հակահիտլերյան կոալիցիայի երկրների զինված ուժեր։ Հայրենական մեծ պատերազմին մասնակցել են վեց հայկական ազգային դիվիզիաներ, որոնցից հինգը կազմավորվել են արդեն պատերազմի սկսվելուց հետո:Ռեժիսորը հիշեց նաև հռչակավոր 89-րդ Կարմիր դրոշի Թամանյան հրաձգային դիվիզիայի մասին, որը կազմավորվել է Երևանում 1941 թվականի դեկտեմբերին։ Դիվիզիան իր ռազմական ուղին սկսել է Կովկասի նախալեռներում և մասնակցել է Սևաստոպոլի, Բալակլավայի, Կերչի ազատագրմանը։ Թամանյան թերակղզում ցուցաբերած հերոսության համար դիվիզիային շնորհվել է «Թամանյան» պատվավոր անվանումը։Ամբողջ պատերազմի ընթացքում դիվիզիան ավելի քան 900 բնակավայր է ազատագրել։ Գեներալ-մայոր Նվեր Սաֆարյանի հրամանատարությամբ 89-րդ դիվիզիան առաջիններից մեկն է հատել ԽՍՀՄ սահմանը, անցել ամբողջ Լեհաստանով և 1945-ի գարնանը մտել Երրորդ Ռեյխի մայրաքաղաք։ Բեռլինում գերմանական կայազորը պարտության մատնելու համար դիվիզիային շնորհվել է Կուտուզովի երկրորդ աստիճանի շքանշան։Հովհաննիսյանը նշեց, որ Հայաստանի համար շրջադարձային էր նաև Ստալինգրադի հաղթանակը: Ամենամեծ և ամենադաժան մարտերից մեկը սկիզբ դրեց Հայրենական մեծ պատերազմի ընթացքում արմատական փոփոխությանը։ Հայաստանում լավ գիտեն, որ Վոլգայի ճակատամարտում վճռվում էր նաև Կովկասի ճակատագիրը։ Ստալինգրադի ճակատամարտում տարած հաղթանակը կանխեց Գերմանիայի դաշնակից Թուրքիայի` Խորհրդային Հայաստանի վրա հարձակվելու ծրագրերը, ինչը թույլ տվեց խուսափել սարսափելի աղետից։«Միայն մի բան հիշի՛ր». Գետազատում բնակվող 100-ամյա վետերանը պատմում է իր կյանքի մասին
երևան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, երևան, հայրենական մեծ պատերազմ, հայեր, երթ
հայաստան, երևան, հայրենական մեծ պատերազմ, հայեր, երթ
Երևանում «Անմահ գնդի» քայլերթ կանցկացվի. կազմակերպիչները մանրամասներ են ներկայացրել
15:22 04.05.2023 (Թարմացված է: 15:30 04.05.2023) Երթը մեկնարկելու է Արաբկիրի Սուրբ Խաչ եկեղեցուն հարակից տարածքից, այնուհետև մասնակիցները շարժվելու են դեպի Հաղթանակի զբոսայգու Անմար կրակի հուշակոթող։
ԵՐԵՎԱՆ, 4 մայիսի - Sputnik. Մայիսի 9-ին Երևանում կանցկացվի «Անմահ գնդի» ավանդական երթը, որին, նախնական հաշվարկներով, կմասնակցի 5-7 հազար մարդ։
Sputnik Արմենիա մուլտիմեդիոն մամուլի կենտրոնում հրավիրված ասուլիսի ժամանակ այս մասին ասաց «Անմահ գունդն արտերկրում» պատմամշակութային հասարակական կազմակերպության հիմնադիր, գործադիր տնօրեն Էդմոն Հովհաննիսյանը։
Նա տեղեկացրեց, որ երթը կմեկնարկի ժամը 12:00-ին Արաբկիրի Սուրբ Խաչ եկեղեցուն հարակից տարածքից: Այնուհետև ակցիայի մասնակիցները կշարժվեն դեպի Հաղթանակի զբոսայգի` անմար կրակի մոտ։ Հովհաննիսյանն ընդգծեց, որ ակցիայի նպատակն է հիշեցնել հայ ժողովրդի սխրանքների և Հայրենական պատերազմում ունեցած ավանդի մասին:
«Նրանք մեր պապերն են, ծնողները, նրանք հիմա էլ իրենց օրինակով ցույց են տալիս, թե ինչպես է պետք պաշտպանել հայրենիքը»,-ասաց Հովհաննիսյանը:
Նա նշեց, որ ակցիան քաղաքական չէ և անցյալն ու ներկան միավորելու նպատակ ունի: Այս պահին Հայաստանում ապրում է 67 վետերան, նրանցից ամենատարեցը 103 տարեկան է: Զանազան միջոցառումներին ակտիվ մասնակցություն են ունենում միայն 8–ը։ Այս ակցիային նրանք նույնպես կմասնակցեն, սակայն վետերաններին Անմար կրակի մոտ կտեղափոխեն մեքենաներով։ Երթին մասնակցող երեխաներին անվճար կբաժանեն ատրակցիոնների տոմսեր և պաղպաղակ:
Ռեժիսոր Ռուբեն Հովհաննիսյանն իր հերթին հիշեցրեց, որ Հայրենական մեծ պատերազմի տարիներին Հայաստանում ապրել է 1,5 մլն քաղաքացի, որոնցից 600 հազարը մեկնել են ռազմաճակատ` պաշտպանելու Հայաստանն ու Մեծ հայրենիքը: Ավելի քան 100 հազար հայեր զորակոչվել են հակահիտլերյան կոալիցիայի երկրների զինված ուժեր։ Հայրենական մեծ պատերազմին մասնակցել են վեց հայկական ազգային դիվիզիաներ, որոնցից հինգը կազմավորվել են արդեն պատերազմի սկսվելուց հետո:
«Անհնար է մոռանալ նրանց սխրանքներն ու հերոսությունները, մենք պարտավոր ենք ամեն օր հիշել այդ մասին»,- ասաց Հովհաննիսյանը:
Ռեժիսորը հիշեց նաև հռչակավոր 89-րդ Կարմիր դրոշի Թամանյան հրաձգային դիվիզիայի մասին, որը կազմավորվել է Երևանում 1941 թվականի դեկտեմբերին։ Դիվիզիան իր ռազմական ուղին սկսել է Կովկասի նախալեռներում և մասնակցել է Սևաստոպոլի, Բալակլավայի, Կերչի ազատագրմանը։ Թամանյան թերակղզում ցուցաբերած հերոսության համար դիվիզիային շնորհվել է «Թամանյան» պատվավոր անվանումը։
Ամբողջ պատերազմի ընթացքում դիվիզիան ավելի քան 900 բնակավայր է ազատագրել։ Գեներալ-մայոր Նվեր Սաֆարյանի հրամանատարությամբ 89-րդ դիվիզիան առաջիններից մեկն է հատել ԽՍՀՄ սահմանը, անցել ամբողջ Լեհաստանով և 1945-ի գարնանը մտել Երրորդ Ռեյխի մայրաքաղաք։ Բեռլինում գերմանական կայազորը պարտության մատնելու համար դիվիզիային շնորհվել է Կուտուզովի երկրորդ աստիճանի շքանշան։
Հովհաննիսյանը նշեց, որ Հայաստանի համար շրջադարձային էր նաև Ստալինգրադի հաղթանակը: Ամենամեծ և ամենադաժան մարտերից մեկը սկիզբ դրեց Հայրենական մեծ պատերազմի ընթացքում արմատական փոփոխությանը։ Հայաստանում լավ գիտեն, որ Վոլգայի ճակատամարտում վճռվում էր նաև Կովկասի ճակատագիրը։ Ստալինգրադի ճակատամարտում տարած հաղթանակը կանխեց Գերմանիայի դաշնակից Թուրքիայի` Խորհրդային Հայաստանի վրա հարձակվելու ծրագրերը, ինչը թույլ տվեց խուսափել սարսափելի աղետից։
