https://arm.sputniknews.ru/20230504/hajastanjan-irakanutjun-ishkhanutjunnery-mi-ban-en-pndum-tvery-bolvorvovin-ajl-ban-59169499.html
Հայաստանյան իրականություն. իշխանությունները մի բան են պնդում, թվերը՝ բոլորովին այլ բան
Հայաստանյան իրականություն. իշխանությունները մի բան են պնդում, թվերը՝ բոլորովին այլ բան
Sputnik Արմենիա
Հայտնի է, որ հայաստանցիները ավանդաբար խիստ հոռետեսորեն են վերաբերվում բոլոր սոցիոլոգիական հարցումներին։ 04.05.2023, Sputnik Արմենիա
2023-05-04T23:25+0400
2023-05-04T23:25+0400
2023-05-04T23:25+0400
արմեն դուլյան
5 րոպե դուլյանի հետ
իշխանություն
հայաստան
«թավշյա հեղափոխություն»
հարցում
https://cdn.am.sputniknews.ru/img/2222/88/22228814_0:0:1600:901_1920x0_80_0_0_1c93481dbaa777c0a0c22ccf464cf3b8.jpg
Հայաստանյան իրականություն. իշխանությունները մի բան են պնդում, թվերը՝ բոլորովին այլ բան
Sputnik Արմենիա
Հայաստանյան իրականություն. իշխանությունները մի բան են պնդում, թվերը՝ բոլորովին այլ բան
Եվ դա միանգամայն հասկանալի է, քանզի մենք ելնում ենք պարզունակ սկզբունքից՝ այն ամենը, ինչ չի համապատասխանում իմ պատկերացումներին, կա′մ կատարյալ սուտ է, կա′մ խեղաթյուրված ու կեղծված, կամ էլ պարզապես պատվեր է։ Այնինչ, ողջ աշխարհում այս կամ այն հարցի նկատմամբ հանրության վերաբերմունքի բացահայտման ավելի արդյունավետ միջոց չկա, քան սոցիոլոգիական հարցումները, որոնք կոնկրետ թվերով ցույց են տալիս նաև, թե որքանով են իշխանության պնդումները համապատասխանում իրականությանը։ Եկեք հենց այդ տեսանկյունից էլ վերլուծենք Միջազգային հանրապետական ինստիտուտի հարցումների արդյունքները, որոնք հրապարակվեցին այս շաբաթ։Վերցնենք Հայաստանի ներկա իշխանությունների երևի թե ամենահայտնի կարգախոսը՝ «Ապագա կա»։ Մի ժամանակ՝ թավշյա հեղափոխությունից անմիջապես հետո, շարքային քաղաքացիների ճնշող մեծամասնությունը հաստատ կիսում էր ապագայի նկատմամբ իշխանությունների լավատեսությունը, որովհետև 2018-ին բնակչության երեք քառորդը համոզված էր՝ Հայաստանն ընթանում է ճիշտ ուղղությամբ։ Այժմ պատկերը շատ կտրուկ փոխվել է՝ հարցվածների 35 տոկոսը վախ ունի ապագայի հանդեպ, իսկ 20 տոկոսն ասել է՝ լրիվ կորցրել եմ հավատս։ Այսինքն, հարցված հայաստանցիների մեծ մասը՝ 55 տոկոսը, բոլորովին վստահ չէ, որ «Ապագա կա»։ Ադրբեջանական ծրագրի իրագործման լավագույն պայմանները հենց մենք ենք ստեղծելԻշխանությունների մյուս հայտնի կարգախոսը՝ Հայաստանը ժողովրդավարության բաստիոն է դարձել։ Վերջին հարցումներով բացահայտված պատկերը, սակայն, այսպիսին է՝ Հայաստանում ժողովրդավարության զարգացմամբ բավարարված է բնակիչների ընդամենը 17 տոկոսը, իսկ մեկ երրորդը համոզված է՝ ոչ մի փոփոխություն էլ տեղի չի ունենում։ Այսինքն, այն թեզը, թե պատերազմում պարտվել ենք, Հայաստանի սահմանները չենք կարողանում պահպանել, արժանապատիվ կյանք չենք ապահովում, բայց գոնե ժողովրդավարության հաստատման բնագավառում հսկայական նվաճումների ենք հասել, էլի ոչ մի քննադատության չի դիմանում։Եվ իշխանությունների երրորդ հիմնարար պնդումը՝ համակարգային կոռուպցիան Հայաստանում իսպառ վերացվել է։ Այս հավաստիացումը մի հազար անգամ հնչել է խորհրդարանում, երբ ընդդիմությունը մեջբերել է միզազգային հերթական կազմակերպության գնահատականը՝ կոռուպցիան Հայաստանում վերացված չի։ Սրան անմիջապես հետևում է իշխանության ներկայացուցիչների անդրադարձը. «Բայց մենք երբեք չէինք էլ ասում, որ Հայաստանում կոռուպցիա չկա, մենք միայն փաստում էինք, որ վերացրել ենք համակարգային կոռուպցիան»։ Բայց դառնանք Միջազգային հանրապետական ինստիտուտի հարցման արդյունքներին։ Հարցվածների 41 տոկոսը շարունակում է համարել, որ կոռուպցիան շատ մեծ խնդիր է մեր երկրում։Իհարկե, իշխանությունները, ինչպես միշտ, կարող են առարկել, թե մարդկանց մոտ գերիշխում են սխալ պատկերացումները, որոնք մնացել են «տխրահռչակ նախկիններից»։ Սակայն մի′ մոռացեք, որ երբ «Թրանսփարենսի ինթերնեշնլ» կազմակերպությունը հերթական անգամ նկարագրում է կոռուպցիայի վիճակը աշխարհի երկրներում, հատուկ շեշտում է, որ իր գնահատականները հիմնված են հենց կոռուպցիայի ընկալման վրա։ Ու եթե որևէ մեկը չի հավատում այդ ցուցակներին, պարտավոր է բացատրել, թե ինչու է կարծում, որ իր երկրում կոռուպցիա չկա, բայց, չգիտես ինչու, համոզված է, որ չինովնիկները կոռումպացված են։Եվ վերջապես մեր հավերժական վեճի մասին, երբ քաղաքացիների մի մասը պնդում է՝ եթե ընտրությունները այսօր լինեին, ներկա վարչապետին ընդհանրապես որևէ մեկը ձայն չէր տա, այնինչ, հայաստանցիների մյուս մասը համոզված է՝ Նիկոլ Փաշինյանի վարկանիշը առաջվա պես շատ բարձր է։ Միջազգային հանրապետական ինստիտուտի հարցումների արդյունքները թույլ են տալիս հանգել բավական պարադոքսալ եզրակացության՝ երկու պնդումներն էլ ճիշտ են և երկու պնդումներն էլ սխալ են։Հիշում եք, չէ՞, թե ինչպիսի ֆանտաստիկ վարկանիշ ուներ Նիկոլ Փաշինյանը ուղիղ 5 տարի առաջ։ Հիմա այդ ցուցանիշը նվազել է մինչև ընդամենը 13 տոկոս, բայց… Կարո՞ղ եք կռահել, թե ո՞վ է Հայաստանի երկրորդ ամենահեղինակավոր գործիչը։ Այո′, շատ ճիշտ եք՝ Արարատ Միրզոյանը, բայց նրա վարկանիշը չի անցնում 2 տոկոսից։ Իսկ երրորդ տեղում ընթացող Ռոբերտ Քոչարյանը ունի ընդամենը 1-տոկոսանոց աջակցություն՝ ճիշտ այնքան, որքան առաջին հնգյակը եզրափակող Արամ Սարգսյանը և Ալեն Սիմոնյանը։Եվ ուրեմն, համաձայնե′ք, ընտրողների ընդամենը 13 տոկոսի վստահությունը վայելող ղեկավարը աշխարհի ցանկացած երկրում կհամարվեր լրիվ ձախողված, բայց, ինչպես ասում են Սևանի ավազանի բնակիչները, ձուկ չեղած տեղը խեցգետինն էլ է ձուկ։
https://arm.sputniknews.ru/20230501/mer-hasarakutjan-mi-masy-ajd-tvum-vorvosh-petakan-ajrer-hvognel-en-petutjun-unenaluc-59011566.html
Sputnik Արմենիա
media@sputniknews.com
+74956456601
MIA „Rosiya Segodnya“
2023
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
արմեն դուլյան, 5 րոպե դուլյանի հետ, իշխանություն, հայաստան, «թավշյա հեղափոխություն», հարցում
արմեն դուլյան, 5 րոպե դուլյանի հետ, իշխանություն, հայաստան, «թավշյա հեղափոխություն», հարցում
Հայաստանյան իրականություն. իշխանությունները մի բան են պնդում, թվերը՝ բոլորովին այլ բան
Հայտնի է, որ հայաստանցիները ավանդաբար խիստ հոռետեսորեն են վերաբերվում բոլոր սոցիոլոգիական հարցումներին։
Եվ դա միանգամայն հասկանալի է, քանզի մենք ելնում ենք պարզունակ սկզբունքից՝ այն ամենը, ինչ չի համապատասխանում իմ պատկերացումներին, կա′մ կատարյալ սուտ է, կա′մ խեղաթյուրված ու կեղծված, կամ էլ պարզապես պատվեր է։ Այնինչ, ողջ աշխարհում այս կամ այն հարցի նկատմամբ հանրության վերաբերմունքի բացահայտման ավելի արդյունավետ միջոց չկա, քան սոցիոլոգիական հարցումները, որոնք կոնկրետ թվերով ցույց են տալիս նաև, թե որքանով են իշխանության պնդումները համապատասխանում իրականությանը։
Եկեք հենց այդ տեսանկյունից էլ վերլուծենք Միջազգային հանրապետական ինստիտուտի հարցումների արդյունքները, որոնք հրապարակվեցին այս շաբաթ։
Վերցնենք Հայաստանի ներկա իշխանությունների երևի թե ամենահայտնի կարգախոսը՝ «Ապագա կա»։ Մի ժամանակ՝ թավշյա հեղափոխությունից անմիջապես հետո, շարքային քաղաքացիների ճնշող մեծամասնությունը հաստատ կիսում էր ապագայի նկատմամբ իշխանությունների լավատեսությունը, որովհետև 2018-ին բնակչության երեք քառորդը համոզված էր՝ Հայաստանն ընթանում է ճիշտ ուղղությամբ։ Այժմ պատկերը շատ կտրուկ փոխվել է՝ հարցվածների 35 տոկոսը վախ ունի ապագայի հանդեպ, իսկ 20 տոկոսն ասել է՝ լրիվ կորցրել եմ հավատս։ Այսինքն, հարցված հայաստանցիների մեծ մասը՝ 55 տոկոսը, բոլորովին վստահ չէ, որ «Ապագա կա»։
Իշխանությունների մյուս հայտնի կարգախոսը՝ Հայաստանը ժողովրդավարության բաստիոն է դարձել։ Վերջին հարցումներով բացահայտված պատկերը, սակայն, այսպիսին է՝ Հայաստանում ժողովրդավարության զարգացմամբ բավարարված է բնակիչների ընդամենը 17 տոկոսը, իսկ մեկ երրորդը համոզված է՝ ոչ մի փոփոխություն էլ տեղի չի ունենում։ Այսինքն, այն թեզը, թե պատերազմում պարտվել ենք, Հայաստանի սահմանները չենք կարողանում պահպանել, արժանապատիվ կյանք չենք ապահովում, բայց գոնե ժողովրդավարության հաստատման բնագավառում հսկայական նվաճումների ենք հասել, էլի ոչ մի քննադատության չի դիմանում։
Եվ իշխանությունների երրորդ հիմնարար պնդումը՝ համակարգային կոռուպցիան Հայաստանում իսպառ վերացվել է։ Այս հավաստիացումը մի հազար անգամ հնչել է խորհրդարանում, երբ ընդդիմությունը մեջբերել է միզազգային հերթական կազմակերպության գնահատականը՝ կոռուպցիան Հայաստանում վերացված չի։ Սրան անմիջապես հետևում է իշխանության ներկայացուցիչների անդրադարձը. «Բայց մենք երբեք չէինք էլ ասում, որ Հայաստանում կոռուպցիա չկա, մենք միայն փաստում էինք, որ վերացրել ենք համակարգային կոռուպցիան»։
Անկեղծ ասեմ, երբեք չեմ հասկացել՝ երբ մեկը կաշառք է տալիս այսինչ չինովնիկին, իր համար ի′նչ նշանակություն ունի՝ նա հետո դրա մի մասը փոխանցո՞ւմ է վերև, թե՞ ոչ։ Այսինքն, հասարակ քաղաքացու համար ինչ տարբերություն՝ իրենից կաշառք պահանջողը սովորակա՞ն կոռուպցիոներ է, թե՞ համակարգային կոռուպցիոներ։
Բայց դառնանք Միջազգային հանրապետական ինստիտուտի հարցման արդյունքներին։ Հարցվածների 41 տոկոսը շարունակում է համարել, որ կոռուպցիան շատ մեծ խնդիր է մեր երկրում։
Իհարկե, իշխանությունները, ինչպես միշտ, կարող են առարկել, թե մարդկանց մոտ գերիշխում են սխալ պատկերացումները, որոնք մնացել են «տխրահռչակ նախկիններից»։
Սակայն մի′ մոռացեք, որ երբ «Թրանսփարենսի ինթերնեշնլ» կազմակերպությունը հերթական անգամ նկարագրում է կոռուպցիայի վիճակը աշխարհի երկրներում, հատուկ շեշտում է, որ իր գնահատականները հիմնված են հենց կոռուպցիայի ընկալման վրա։ Ու եթե որևէ մեկը չի հավատում այդ ցուցակներին, պարտավոր է բացատրել, թե ինչու է կարծում, որ իր երկրում կոռուպցիա չկա, բայց, չգիտես ինչու, համոզված է, որ չինովնիկները կոռումպացված են։
Եվ վերջապես մեր հավերժական վեճի մասին, երբ քաղաքացիների մի մասը պնդում է՝ եթե ընտրությունները այսօր լինեին, ներկա վարչապետին ընդհանրապես որևէ մեկը ձայն չէր տա, այնինչ, հայաստանցիների մյուս մասը համոզված է՝ Նիկոլ Փաշինյանի վարկանիշը առաջվա պես շատ բարձր է։ Միջազգային հանրապետական ինստիտուտի հարցումների արդյունքները թույլ են տալիս հանգել բավական պարադոքսալ եզրակացության՝ երկու պնդումներն էլ ճիշտ են և երկու պնդումներն էլ սխալ են։
Հիշում եք, չէ՞, թե ինչպիսի ֆանտաստիկ վարկանիշ ուներ Նիկոլ Փաշինյանը ուղիղ 5 տարի առաջ։ Հիմա այդ ցուցանիշը նվազել է մինչև ընդամենը 13 տոկոս, բայց… Կարո՞ղ եք կռահել, թե ո՞վ է Հայաստանի երկրորդ ամենահեղինակավոր գործիչը։ Այո′, շատ ճիշտ եք՝ Արարատ Միրզոյանը, բայց նրա վարկանիշը չի անցնում 2 տոկոսից։ Իսկ երրորդ տեղում ընթացող Ռոբերտ Քոչարյանը ունի ընդամենը 1-տոկոսանոց աջակցություն՝ ճիշտ այնքան, որքան առաջին հնգյակը եզրափակող Արամ Սարգսյանը և Ալեն Սիմոնյանը։
Եվ ուրեմն, համաձայնե′ք, ընտրողների ընդամենը 13 տոկոսի վստահությունը վայելող ղեկավարը աշխարհի ցանկացած երկրում կհամարվեր լրիվ ձախողված, բայց, ինչպես ասում են Սևանի ավազանի բնակիչները, ձուկ չեղած տեղը խեցգետինն էլ է ձուկ։
