https://arm.sputniknews.ru/20230504/hujs-unenq-mvot-apagajum-bacel-camaqajin-sahmany-arevtri-hamar-simvonjany-ankarajum-59168671.html
Հույս ունենք մոտ ապագայում բացել ցամաքային սահմանը առևտրի համար. Սիմոնյանը` Անկարայում
Հույս ունենք մոտ ապագայում բացել ցամաքային սահմանը առևտրի համար. Սիմոնյանը` Անկարայում
Sputnik Արմենիա
ՀՀ ԱԺ նախագահը Անկարայում հայտարարել է, որ նախորդ տարվանից Հայաստանը և Թուրքիան հարաբերությունների կարգավորման գործընթաց են սկսել, որի շրջանակում հաջողվել է... 04.05.2023, Sputnik Արմենիա
2023-05-04T17:42+0400
2023-05-04T17:42+0400
2023-05-04T17:49+0400
ալեն սիմոնյան
հայաստան
թուրքիա
դիվանագետ
սահման
առևտուր
https://cdn.am.sputniknews.ru/img/07e4/0c/01/25577734_0:165:1600:1065_1920x0_80_0_0_d7c66baf42bd8508ab2ea073db8e8fd7.jpg
ԵՐԵՎԱՆ, 4 մայիսի – Sputnik. ՀՀ ազգային ժողովի նախագահ Ալեն Սիմոնյանն Անկարայում Սևծովյան տնտեսական համագործակցության խորհրդարանական վեհաժողովի ժամանակ հույս է հայտնել, որ մոտ ապագայում հնարավոր կլինի բացել Թուրքիայի հետ ցամաքային սահմանը միջազգային երթևեկության, առևտրի համար։ Տեղեկությունը հայտնում է ՀՀ ԱԺ աշխատակազմի մամուլի ծառայությունը։Նա հիշեցրել է, որ Հայաստան–Թուրքիա սահմանին գտնվող Մարգարայի կամուրջը, որը 30 տարի փակ էր, սակայն երկրում տեղի ունեցած ավերիչ երկրաշարժերից հետո բացվել է մարդասիրական բեռներ տեղափոխելու համար։ ԱԺ խոսնակը նաև կրկին զորակցություն է հայտնել Թուրքիայի կառավարությանն ու ժողովրդին փետրվարի 6-ի ավերիչ երկրաշարժի ժամանակ տասնյակ հազարավոր մարդկային կորուստների համար:Ըստ Սիմոնյանի` այդ ակնկալիքներն այսօր էլ մնում են նույնքան արդիական:ԱԺ նախագահը վստահեցրել է` որպես կազմակերպության հիմնադիր անդամ՝ Հայաստանը վերահաստատում է իր հանձնառությունը վեհաժողովի ներուժի լիարժեք օգտագործմանը՝ տարածաշրջանային տնտեսական համագործակցությունը խթանելու և կանոնադրական նպատակներն արդյունավետ իրականացնելու համար:ԱԺ նախագահ Ալեն Սիմոնյանի գլխավորած պատվիրակությունը մասնակցում է Սևծովյան տնտեսական համագործակցության խորհրդարանական վեհաժողովի հիմնադրման 30-ամյակին նվիրված գագաթնաժողովին, որին ներկա են անդամ պետությունների խորհրդարանների ղեկավարները։ Կայանալու է նաև Գլխավոր վեհաժողովի լիագումար նիստ:Հայաստանից Անկարա են մեկնել նաև ՔՊ-ականներ Բաբկեն Թունյանն ու Գևորգ Պապոյանը։Հիշեցնենք` Հայաստանի և Թուրքիայի միջև դիվանագիտական հարաբերություններ չկան, իսկ սահմանը 1993 թվականից փակ է Անկարայի նախաձեռնությամբ։ Երևանն ու Անկարան 2021 թվականի դեկտեմբերին հայտարարեցին, որ պատրաստ են հարաբերությունների կարգավորման հստակ քայլեր ձեռնարկել, և երկուստեք հատուկ ներկայացուցիչներ նշանակեցին, Անկարան՝ Վաշինգտոնում Թուրքիայի նախկին դեսպան Սերդար Քըլըչին, իսկ Հայաստանը՝ Ազգային ժողովի նախագահի տեղակալ Ռուբեն Ռուբինյանին։Ավելի ուշ ԱԳՆ-ն հայտարարեց, որ կողմերը համաձայնել են շարունակել լիարժեք կարգավորման բանակցությունները՝ առանց նախապայմանների։Հայաստանը փետրվարի 6-ի երկրաշարժերից հետո փրկարարների խումբ ուղարկեց Թուրքիա որոնողափրկարարական աշխատանքներին մասնակցելու համար։ Նաև մարդասիրական օգնության երկու խմբաքանակ ուղարկվեց Թուրքիա։ Բեռնատարները 30 տարվա մեջ առաջին անգամ հատեցին ցամաքային սահմանը Մարգարայի կամրջով։ Այնուհետև հայ փրկարարները նույն ճանապարհով վերադարձան հայրենիք։ Բացի այդ, Հայաստանի ԱԳՆ ղեկավար Արարատ Միրզոյանը փետրվարի 15-ին այցելեց Թուրքիա։ Մևլութ Չավուշօղլուի հետ բանակցություններից հետո կողմերը հայտարարեցին երկխոսության և սահմանների բացման գործընթացն արագացնելու մասին։ Համատեղ ճեպազրույցում խոսվեց նաև Անիի կամրջի վերականգնման և սահմանային ենթակառուցվածքների մասին։
թուրքիա
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ալեն սիմոնյան, հայաստան, թուրքիա, դիվանագետ, սահման, առևտուր
ալեն սիմոնյան, հայաստան, թուրքիա, դիվանագետ, սահման, առևտուր
Հույս ունենք մոտ ապագայում բացել ցամաքային սահմանը առևտրի համար. Սիմոնյանը` Անկարայում
17:42 04.05.2023 (Թարմացված է: 17:49 04.05.2023) ՀՀ ԱԺ նախագահը Անկարայում հայտարարել է, որ նախորդ տարվանից Հայաստանը և Թուրքիան հարաբերությունների կարգավորման գործընթաց են սկսել, որի շրջանակում հաջողվել է արձանագրել որոշակի ձեռքբերումներ, սակայն կան նաև խնդիրներ։
ԵՐԵՎԱՆ, 4 մայիսի – Sputnik. ՀՀ ազգային ժողովի նախագահ Ալեն Սիմոնյանն Անկարայում Սևծովյան տնտեսական համագործակցության խորհրդարանական վեհաժողովի ժամանակ հույս է հայտնել, որ մոտ ապագայում հնարավոր կլինի բացել Թուրքիայի հետ ցամաքային սահմանը միջազգային երթևեկության, առևտրի համար։ Տեղեկությունը հայտնում է
ՀՀ ԱԺ աշխատակազմի մամուլի ծառայությունը։
Նա հիշեցրել է, որ Հայաստան–Թուրքիա սահմանին գտնվող Մարգարայի կամուրջը, որը 30 տարի փակ էր, սակայն երկրում տեղի ունեցած ավերիչ երկրաշարժերից հետո բացվել է մարդասիրական բեռներ տեղափոխելու համար։ ԱԺ խոսնակը նաև կրկին զորակցություն է հայտնել Թուրքիայի կառավարությանն ու ժողովրդին փետրվարի 6-ի ավերիչ երկրաշարժի ժամանակ տասնյակ հազարավոր մարդկային կորուստների համար:
«Նախորդ տարվանից Հայաստանը և Թուրքիան հարաբերությունների կարգավորման գործընթաց են սկսել, որի շրջանակում հաջողվել է արձանագրել որոշակի ձեռքբերումներ, բայց և չլուծված խնդիրներն առայժմ շատ են: 30 տարի առաջ 2 երկրի խորհրդարանները հանձն են առել իրականացնելու իրենց ժողովուրդների հույսերն ու ակնկալիքները՝ օգտվելու բոլոր հնարավորություններից տարածաշրջանի երկրների միջև տարբեր ոլորտներում և մակարդակներում համագործակցության ընդլայնման համար»,– ասված է հաղորդագրությունում:
Ըստ Սիմոնյանի` այդ ակնկալիքներն այսօր էլ մնում են նույնքան արդիական:
ԱԺ նախագահը վստահեցրել է` որպես կազմակերպության հիմնադիր անդամ՝ Հայաստանը վերահաստատում է իր հանձնառությունը վեհաժողովի ներուժի լիարժեք օգտագործմանը՝ տարածաշրջանային տնտեսական համագործակցությունը խթանելու և կանոնադրական նպատակներն արդյունավետ իրականացնելու համար:
ԱԺ նախագահ
Ալեն Սիմոնյանի գլխավորած պատվիրակությունը մասնակցում է Սևծովյան տնտեսական համագործակցության խորհրդարանական վեհաժողովի հիմնադրման 30-ամյակին նվիրված գագաթնաժողովին, որին ներկա են անդամ պետությունների խորհրդարանների ղեկավարները։ Կայանալու է նաև Գլխավոր վեհաժողովի լիագումար նիստ:
Հայաստանից Անկարա են մեկնել նաև ՔՊ-ականներ
Բաբկեն Թունյանն ու Գևորգ Պապոյանը։
Հիշեցնենք` Հայաստանի և Թուրքիայի միջև դիվանագիտական հարաբերություններ չկան, իսկ սահմանը 1993 թվականից փակ է Անկարայի նախաձեռնությամբ։
Երևանն ու Անկարան 2021 թվականի դեկտեմբերին
հայտարարեցին, որ պատրաստ են հարաբերությունների կարգավորման հստակ քայլեր ձեռնարկել, և երկուստեք հատուկ ներկայացուցիչներ նշանակեցին, Անկարան՝ Վաշինգտոնում Թուրքիայի նախկին դեսպան
Սերդար Քըլըչին, իսկ Հայաստանը՝ Ազգային ժողովի նախագահի տեղակալ
Ռուբեն Ռուբինյանին։
Ավելի ուշ ԱԳՆ-ն հայտարարեց, որ կողմերը համաձայնել են շարունակել լիարժեք կարգավորման բանակցությունները՝ առանց նախապայմանների։
Հայաստանը փետրվարի 6-ի երկրաշարժերից հետո
փրկարարների խումբ ուղարկեց Թուրքիա որոնողափրկարարական աշխատանքներին մասնակցելու համար։ Նաև մարդասիրական օգնության երկու խմբաքանակ ուղարկվեց Թուրքիա։ Բեռնատարները 30 տարվա մեջ առաջին անգամ հատեցին ցամաքային սահմանը Մարգարայի կամրջով։ Այնուհետև հայ փրկարարները նույն ճանապարհով
վերադարձան հայրենիք։ Բացի այդ, Հայաստանի ԱԳՆ ղեկավար Արարատ Միրզոյանը փետրվարի 15-ին այցելեց Թուրքիա։
Մևլութ Չավուշօղլուի հետ բանակցություններից հետո կողմերը հայտարարեցին երկխոսության և
սահմանների բացման գործընթացն արագացնելու մասին։ Համատեղ ճեպազրույցում խոսվեց նաև
Անիի կամրջի վերականգնման և սահմանային ենթակառուցվածքների մասին։
