https://arm.sputniknews.ru/20230507/arajin-dzeragric-minchev-sarjan-dilijanum-cucadrvum-e-hajkakan-1in-imersiv-filmy-59220121.html

Առաջին ձեռագրից մինչև Սարյան. Դիլիջանում ցուցադրվում է հայկական 1–ին իմերսիվ ֆիլմը

Առաջին ձեռագրից մինչև Սարյան. Դիլիջանում ցուցադրվում է հայկական 1–ին իմերսիվ ֆիլմը

Sputnik Արմենիա

Հայաստանում հայոց պատմության, արվեստի ու երաժշտության ներկայացման բացը մի խումբ մարդկանց ստիպեց նոր տեխնոլոգիանների կիրառմամբ ստեղծել իմերսիվ ֆիլմերի... 07.05.2023, Sputnik Արմենիա

2023-05-07T10:02+0400

2023-05-07T10:02+0400

2023-05-07T11:16+0400

դիլիջան

մարտիրոս սարյան

ֆիլմ

հայկական

https://cdn.am.sputniknews.ru/img/07e7/05/05/59217610_0:84:1600:984_1920x0_80_0_0_9a9241569162e26ba4a1c4bada602f4e.jpg

Արդեն մի քանի ամիս է` Դիլիջան քաղաքի այգում աշխատում է յուրահատուկ կինոթատրոն` ցուցադրվող 4 իմերսիվ ֆիլմերով, որոնցից մեկը, ի դեպ, հայկական արտադրության է։Տարածաշրջանում եզակի հարթակ` հատուկ էֆեկտների սիրահարների համար«Դիտարանը» նորագույն տեխնոլոգիաներով հագեցված՝ 4K սարքավորումներով, լիագմբեթ, 360 աստիճան ընդգրկումով, այսինքն` իմերսիվ հարթակ է։ Այս էֆեկտի շնորհիվ հանդիսատեսի մոտ տպավորություն է ստեղծվում, թե ինքը հենց ֆիլմի մեջ է, այլ ոչ թե դահլիճում նստած։Այս 4K սարքավորումները, իրենց որակով և տեխնիկական բնութագրով, միակն են տարածաշրջանում։ Սարքավորումները ներկրված են եվրոպական տարբեր երկրներից՝ Գերմանիայից, Ֆրանսիայից, Ավստրիայից, Հոլանդիայից և Դանիայից։Ցուցադրվող 3 ֆիլմերն արտասահմանյան արտադրության են։ Դրանցից 2–ը հատուկ պատանիների համար են. ուսուցողական են ու բացահայտում են երեխաներին հետաքրքրող մի շարք հարցեր` տիեզերքից մինչև դինոզավրեր։Ֆիլմերից մեկն էլ ձայնային և լուսային էֆեկտներով իմերսիվ շոու է։ Եվ վերջապես 4-րդը հայական արտադրության «Պատկերքն» է, որը ստեղծվել է հատուկ «Դիտարանում» ցուցադրելու համար։Անիի Հոնենց եկեղեցու եռաչափ վերակազմությունը Դիլիջանում«Պատկերքը» ֆիլմ է հայ մշակույթի ու արվեստի մասին։ Այստեղ ներկայացված է հայկական մշակույթի ընտրանին` 5-րդ դարից մինչև Մարտիրոս Սարյան։ Այն սկսվում է հայերեն առաջին ձեռագրից, հետո ցուցադրվում են տարբեր դարերի մատենագրություններ, մանրանկարներ, պատմական նշանակություն ունեցող կտավներ։Ֆիլմում մի դրվագ էլ ամբողջությամբ նվիրված է Անիի Տիգրան Հոնենց եկեղեցուն։ Եկեղեցու որմնանկարները, որոնք գտնվում են անմխիթար վիճակում, առաջին անգամ են վերարտադրվել, այն էլ` եռաչափ։ Ֆիլմի էֆեկտների շնորհիվ հանդիսատեսի մոտ տպավորություն է, թե իսկապես զբոսնում է եկեղեցում։Ֆիլմն ավարտվում է Մարտիրոս Սարյանի «Հայաստան» որմնանկարի մասին պատմող դրվագով։«Պատկերքում» հնչող երաժտությունը նույնպես հայկական է` կրկին 11–րդ դարից մինչև ժամանակից կոմպոզիտորներների ստեղծագործություններ։Նախագծի հեղինակները մի կարևոր սկզբունքով են առաջնորդվել` ամեն ինչ ներկայացնել պատմական ճշգրտությամբ։ Այդ իսկ պատճառով ֆիլմը ստեղծելու համար նրանք աշխատել են Մատենադարանի, Հայաստանի ազգային պատկերասրահի, Հայկական ճարտարապետությունն ուսումնասիրող հիմնադրամի, Մարտիրոս Սարյանի տուն-թանգարանի հետ։Դիլիջանը` նորարարական ցուցահանդեսների կենտրոնՆախագծի հեղինակները ցանկություն ունեն, որ «Դիտարանը» հարթակ դառնա ժամանակակից ստեղծագործողների համար և ֆիլմերից բացի այնտեղ ցուցադրվեն նաև ժամանակակից լուսանկարիչների, քանդակագործների ու նկարիչների ստեղծագործություններ։Արդեն հայկական արտադրության նոր ֆիլմերի գաղափարներ էլ ունեն։ Դրանցից մեկը կպատմի հայ ճարտարապետության, մյուսը` հայոց պատմության մասին։Նախագծի հեղինակները փաստում են` դժվար գործ է, բայց խոստանում են իրականացնել այն։Չնայած Դիլիջանն արդեն իսկ բավականին պահանջված զբոսաշրջային ուղղություն է Հայաստանում, բայց նախաձեռնության հեղինակները վստահ են` իրենց հարթակի շնորհիվ քաղաքն ավելի գրավիչ կդառնա։

դիլիջան

2023

Լուրեր

am_HY

դիլիջան, մարտիրոս սարյան, ֆիլմ, հայկական