https://arm.sputniknews.ru/20230508/khachaturvovi-iravunqneri-khakhtum-e-pastabany-nakhnakan-datalsumnery-drnpak-anelu-masin-59343175.html
Խաչատուրովի իրավունքների խախտում է. փաստաբանը` նախնական դատալսումները դռնփակ անելու մասին
Խաչատուրովի իրավունքների խախտում է. փաստաբանը` նախնական դատալսումները դռնփակ անելու մասին
Sputnik Արմենիա
Փաստաբանները վստահեցրին` դատարանն իրավունք չուներ նախնական դատալսումները դռնփակ ռեժիմով քննարկել։ 08.05.2023, Sputnik Արմենիա
2023-05-08T18:14+0400
2023-05-08T18:14+0400
2023-05-08T18:49+0400
միհրան պողոսյան
փաստաբան
գրիգորի խաչատուրով
դատ
https://cdn.am.sputniknews.ru/img/07e7/03/14/56951640_0:0:1512:852_1920x0_80_0_0_94a0b82804e9c18a8238d36b39193418.jpg
ԵՐԵՎԱՆ, 8 մայիսի – Sputnik. ՀՀ ՊՆ 3-րդ բանակային կորպուսի նախկին հրամանատար Գրիգորի Խաչատուրովի իրավունքի խախտում է նախնական դատալսումները դռնփակ անելը։ Այս մասին լրագրողների հետ զրույցում Խաչատուրովի գործով դատական նիստից հետո ասաց Խաչատուրովի փաստաբան Միհրան Պողոսյանը։Փաստաբանը կարևորեց, որ մեղադրող կողմն ընդունել է մի հանգամանք` Գրիգորի Խաչատուրովին վերաբերող դրվագներում գաղտնի փաստական տվյալներ, ապացույցներ չկան։ Պողոսյանի խոսքով, քանի որ այս գործին ևս մի քանի գործ է միացված, որոնք ընդհանրապես չեն վերաբերում Գրիգորի Խաչատուրովին, այդ պատճառով ընդհանուր գործը գաղտնի է քննվում։ Փաստաբանական խումբն այս փաստը գնահատում է որպես Խաչատուրովի հրապարակային դատաքննության իրավունքի խախտում։ Հաջորդ դատական նիստին, լրամշակելով իրենց գործողությունները` պաշտպանները քայլեր կձեռնարկեն այդ ուղղությամբ։Միհրան Պողոսյանը վստահ է` դատական նիստերը դռնբաց անելու իրավունքը սահմանափակելու առումով հատուկ նպատակ կա, իսկ իրենց պաշտպանյալն անօրինական կալանքի տակ է գտնվում։ Դատախազությունը և քննչական մարմինները ստում են. Գրիգորի Խաչատուրովի փաստաբաններՀաջորդ դատական նիստերի վերաբերյալ խնդիրներ են առաջացել, քանի որ դատավարության մասնակիցները պետք է հարմարեցնեն իրենց գրաֆիկը, որպեսզի կարողանան մասնակցել։ Ներկա պահին մյուս դատական նիստը նախնական տվյալներով կայանալու է մայիսի 10-ին, սակայն փաստաբան Միհրան Պողոսյանը շեշտեց` ամենայն հավանականությամբ այն չի կայանա, քանի որ անձամբ ինքն այդ օրը 4 այլ դատական գործով ծանրաբեռնված է։Նշենք, որ Խաչատուրովի նկատմամբ վարույթ նախաձեռնվեց այն բանից հետո, երբ ՀՀ գլխավոր դատախազ Աննա Վարդապետյանը ԱԺ-ի հավանությունը ստացավ ՊՆ նախկին ղեկավար Սեյրան Օհանյանի նկատմամբ քրեական հետապնդում սկսելու համար։ Նախկին բարձրաստիճան զինվորականները մեղադրվում են 2 զորամասի տարածքների վաճառքի հետ կապված խարդախությունների մեջ։ Հիշեցնենք` փետրվարի 21-ին Գրիգորի Խաչատուրովի նկատմամբ հանրային քրեական հետապնդում է հարուցվել պաշտոնեական դիրքի օգտագործմամբ հանցավոր ճանապարհով ձեռք բերված առանձնապես խոշոր չափերով անշարժ գույքն օրինականացնելու (փողերի լվացման) համար։ Նա ձերբակալվել էր։Դատախազությունը միջնորդություն էր ներկայացրել նրան կալանավորելու համար։ Սակայն Հակակոռուպցիոն դատարանի դատավոր Տիգրան Դավթյանը մերժել էր միջնորդությունը։ Խաչատուրովը նույն օրը դատարանի դահլիճից ազատ էր արձակվել։Փետրվարի 24-ին ՀՀ գլխավոր դատախազությունը հատուկ վերանայման բողոք էր ներկայացրել ՀՀ վերաքննիչ քրեական դատարան Գրիգորի Խաչատուրովի նկատմամբ խափանման միջոց կալանքի միջնորդությունը մերժելու որոշման դեմ:Մարտի 16-ին Վերաքննիչ դատարանը դատախազության բողոքը քննելուց հետո Գրիգորի Խաչատուրովին կալանավորելու որոշում էր կայացրել։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
միհրան պողոսյան, փաստաբան, գրիգորի խաչատուրով, դատ
միհրան պողոսյան, փաստաբան, գրիգորի խաչատուրով, դատ
Խաչատուրովի իրավունքների խախտում է. փաստաբանը` նախնական դատալսումները դռնփակ անելու մասին
18:14 08.05.2023 (Թարմացված է: 18:49 08.05.2023) Փաստաբանները վստահեցրին` դատարանն իրավունք չուներ նախնական դատալսումները դռնփակ ռեժիմով քննարկել։
ԵՐԵՎԱՆ, 8 մայիսի – Sputnik. ՀՀ ՊՆ 3-րդ բանակային կորպուսի նախկին հրամանատար Գրիգորի Խաչատուրովի իրավունքի խախտում է նախնական դատալսումները դռնփակ անելը։ Այս մասին լրագրողների հետ զրույցում Խաչատուրովի գործով դատական նիստից հետո ասաց Խաչատուրովի փաստաբան Միհրան Պողոսյանը։
«Մենք նիստի ընթացքում պնդում էինք, որ Գրիգորի Խաչատուրովի վերաբերյալ որևէ դրվագ չկա, որը պետք է գաղտնիության շղարշով պատված լինի։ Մի շարք իրավական հիմնավորումներ ներկայացրինք, որ դատարանն իրավունք չուներ նախնական դատալսումները դռնփակ ռեժիմով քննարկել, և մենք այդ մասով միջնորդություն ենք ներկայացրել, որպեսզի դրանք դռնբաց անցկացվեն։ Դատարանը մերժել է այդ միջնորդությունը։ Հիմք է ընդունվել այն հանգամանքը, որ գլխավոր դատախազությունն այս քրեական գործին տվել է գաղտնիության «շղարշ»»,– նշեց Պողոսյանը։
Փաստաբանը կարևորեց, որ մեղադրող կողմն ընդունել է մի հանգամանք` Գրիգորի Խաչատուրովին վերաբերող դրվագներում գաղտնի փաստական տվյալներ, ապացույցներ չկան։ Պողոսյանի խոսքով, քանի որ այս գործին ևս մի քանի գործ է միացված, որոնք ընդհանրապես չեն վերաբերում Գրիգորի Խաչատուրովին, այդ պատճառով ընդհանուր գործը գաղտնի է քննվում։ Փաստաբանական խումբն այս փաստը գնահատում է որպես Խաչատուրովի հրապարակային դատաքննության իրավունքի խախտում։
Հաջորդ դատական նիստին, լրամշակելով իրենց գործողությունները` պաշտպանները քայլեր կձեռնարկեն այդ ուղղությամբ։
Միհրան Պողոսյանը վստահ է` դատական նիստերը դռնբաց անելու իրավունքը սահմանափակելու առումով հատուկ նպատակ կա, իսկ իրենց պաշտպանյալն անօրինական կալանքի տակ է գտնվում։
Հաջորդ դատական նիստերի վերաբերյալ խնդիրներ են առաջացել, քանի որ դատավարության մասնակիցները պետք է հարմարեցնեն իրենց գրաֆիկը, որպեսզի կարողանան մասնակցել։ Ներկա պահին մյուս դատական նիստը նախնական տվյալներով կայանալու է մայիսի 10-ին, սակայն փաստաբան Միհրան Պողոսյանը շեշտեց` ամենայն հավանականությամբ այն չի կայանա, քանի որ անձամբ ինքն այդ օրը 4 այլ դատական գործով ծանրաբեռնված է։
Նշենք, որ Խաչատուրովի նկատմամբ վարույթ նախաձեռնվեց այն բանից հետո, երբ ՀՀ գլխավոր դատախազ Աննա Վարդապետյանը ԱԺ-ի հավանությունը ստացավ ՊՆ նախկին ղեկավար Սեյրան Օհանյանի նկատմամբ քրեական հետապնդում սկսելու համար։ Նախկին բարձրաստիճան զինվորականները մեղադրվում են 2 զորամասի տարածքների վաճառքի հետ կապված խարդախությունների մեջ։
Հիշեցնենք` փետրվարի 21-ին
Գրիգորի Խաչատուրովի նկատմամբ հանրային քրեական հետապնդում է հարուցվել պաշտոնեական դիրքի օգտագործմամբ հանցավոր ճանապարհով ձեռք բերված առանձնապես խոշոր չափերով անշարժ գույքն օրինականացնելու (փողերի լվացման) համար։ Նա ձերբակալվել էր։
Դատախազությունը միջնորդություն էր ներկայացրել նրան կալանավորելու համար։ Սակայն Հակակոռուպցիոն դատարանի դատավոր Տիգրան Դավթյանը
մերժել էր միջնորդությունը։ Խաչատուրովը նույն օրը դատարանի դահլիճից ազատ էր արձակվել։
Փետրվարի 24-ին ՀՀ գլխավոր դատախազությունը հատուկ
վերանայման բողոք էր ներկայացրել ՀՀ վերաքննիչ քրեական դատարան Գրիգորի Խաչատուրովի նկատմամբ խափանման միջոց կալանքի միջնորդությունը մերժելու որոշման դեմ:
Մարտի 16-ին Վերաքննիչ դատարանը դատախազության բողոքը քննելուց հետո Գրիգորի Խաչատուրովին
կալանավորելու որոշում էր կայացրել։
