https://arm.sputniknews.ru/20230511/patmakan-iradardzutjun-erebunin-ev-ermitazhy-hamagvortsakcutjan-hamadzajnagir-en-kazmel-59503608.html
Պատմական իրադարձություն. «Էրեբունին» և «Էրմիտաժը» համագործակցության համաձայնագիր են կազմել
Պատմական իրադարձություն. «Էրեբունին» և «Էրմիտաժը» համագործակցության համաձայնագիր են կազմել
Sputnik Արմենիա
Թանգարանների ներկայացուցիչները վստահ են, որ համագործակցությունը թույլ կտա մեծացնել հայ-ռուսական հարաբերությունների ներուժը: 11.05.2023, Sputnik Արմենիա
2023-05-11T21:00+0400
2023-05-11T21:00+0400
2023-05-11T21:00+0400
էրմիտաժ
էրեբունի
թանգարան
համաձայնագիր
միքայել բադալյան
միխայիլ պիոտրովսկի
https://cdn.am.sputniknews.ru/img/07e7/05/0b/59486980_0:0:1600:901_1920x0_80_0_0_60955fb57f5d486d4eb1dcc9a6bc32c2.jpg
ԵՐԵՎԱՆ, 11 մայիսի - Sputnik. «Էրեբունի» պատմահնագիտական արգելոց-թանգարանը և «Էրմիտաժ» գեղարվեստական-պատմամշակութային թանգարանը համագործակցության համաձայնագիր են ստորագրել: Երկու թանգարանների ղեկավարություններն այս իրադարձությունը պատմական և նշանակալի են համարում երկկողմ համագործակցության համար:Թանգարանների ղեկավարների միջև պայմանավորվածությունը ձեռք էր բերվել փետրվարին «Էրեբունի» պատմահնագիտական արգելոց-թանգարանի տնօրեն Միքայել Բադալյանի Սանկտ-Պետերբուրգ կատարած այցի ժամանակ: Այդ ժամանակ էլ նախանշվել էին փոխշահավետ համագործակցության ուղղությունները։Նրա խոսքով` վերոնշյալ համաձայնագիրը պայմանավորվածությունների և նախագծերի մի ամբողջ համալիրի իրականացում է նախատեսում: Մասնավորապես, «Էրեբունիում» կբացվի «Էրմիտաժի» անկյուն։ Դա թույլ կտա բարձրացնել արգելոց-թանգարանի գրավչությունը։ Բացի այդ, «Էրեբունի» թանգարանի այցելուների մեծ մասը ռուս զբոսաշրջիկներ են։ Երևանն իր հերթին առաջարկել է Էրմիտաժի «Ուրարտու» սրահում ուրարտական շրջանի մոնումենտալ սեպագրերի ցուցահանդես կազմակերպել:Բացի այդ, «Էրմիտաժի» մասնագետ-հնագետները մայիսի 16-ին կժամանեն Հայաստան և կմիանան Կարմիր բլուրի պեղումներին, իսկ Գիտությունների ազգային ակադեմիայի հայ վերականգնողները վերապատրաստում կանցնեն պետական Էրմիտաժի հայտնի լաբորատորիայում:Միխայիլ Պիոտրովսկին վերանշանակվել է Էրմիտաժի գլխավոր տնօրենի պաշտոնումԲադալյանը նշեց, որ Հայաստանում կան վերականգնողներ, մետաղից և կերամիկայից պատրաստված իրերի և առարկաների վերականգնման մասնագետներ, սակայն տեքստիլի վերականգնմամբ եզակի մարդիկ են զբաղվում: Եվ դա այն դեպքում, երբ հենց Հայաստանում է պահվում ուրարտական տեքստիլի ամենամեծ հավաքածուն։ «Էրմիտաժում» հիանալի մասնագետներ կան, որոնք անհրաժեշտ օգնություն և աջակցություն կցուցաբերեն հայ մասնագետներին։«Էրմիտաժը» «Էրեբունի» թանգարանին կաջակցի նաև համապատասխան գրականությամբ:«Միայն այն փաստը, որ «Էրեբունին» ներկայացված կլինի «Էրմիտաժում», բարձրացնում է նրա հեղինակությունը», - ասաց նա:Բացի այդ, «Արտիս Ֆուտուրա» հիմնադրամի աջակցությամբ «Էրեբունին» և «Էրմիտաժը» համատեղ աշխատում են «Թեյշեբաինի» բուկլետի վրա, որի նախաբանը կգրի անձամբ Պիոտրովսկին:Ռուս գործընկերներին էլ կարող է հետաքրքրել ուրարտական դարաշրջանի հայ մասնագետ-գիտակների փորձը։ Իսկ Երևանը կարող է կամուրջ դառնալ ռուս և օտարազգի հնագետների և վերականգնողների միջև։Էրմիտաժի նշանավոր տնօրենը, կամ ինչպես Հովսեփ Օրբելին «ծռեց» թուրքական յաթաղանըԲադալյանը նաև հիշեցրեց, որ տարբեր ժամանակներում «Էրմիտաժը» ղեկավարել են այնպիսի հայտնի մարդիկ, ինչպիսիք են Իոսիֆ Օրբելին, Բորիս Պիոտրովսկին, որը երկար տարիներ աշխատել է մեր երկրում: Այսօր թանգարանը ղեկավարում է նրա որդին` Միխայիլ Պիոտրովսկին։ Միխայիլ Պիոտրովսկու մայրը`Հռիփսիմե Ջանփոլադյանը, խորհրդային ժամանակների ռուս գիտնական է, հայագետ և հնագետ-արևելագետ։Պետական Էրմիտաժի տնօրեն Միխայիլ Պիոտրովսկին իր հերթին ստորագրման արարողության ժամանակ նշեց համաձայնագրի կարևորությունը երկկողմ կապերի ամրապնդման առումով:Նա հիշեցրեց, որ Էրմիտաժը սերտորեն կապված է Կարմիր բլուրի հետ. Բորիս Պիոտրովսկու կատարած պեղումները, Հայաստանում և Սանկտ Պետերբուրգում արևելագիտական դպրոցների ստեղծման ուշագրավ պատմությունը և այլն:Երևանի քաղաքապետարանի զբոսաշրջության բաժնի ղեկավար Սեդա Աղբալյանը նույնպես Sputnik Արմենիայի հետ զրույցում կարևորեց ստորագրված փաստաթուղթը։ Նրա խոսքով` նման նախաձեռնությունները Երևանի թանգարաններին թույլ կտան իրենց տեղը զբաղեցնել թանգարանների համաշխարհային քարտեզի վրա, բարձրացնել իրենց ճանաչելիության աստիճանն ու հեղինակությունը:«Սա կարևոր է նաև երկու ժողովուրդների բարեկամության ամրապնդման համատեքստում»,-ասաց Աղբալյանը:Հավելենք, որ համագործակցության շրջանակում կկազմակերպվեն նաև փոխայցելություններ և համաժողովներ։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
էրմիտաժ, էրեբունի, թանգարան, համաձայնագիր, միքայել բադալյան, միխայիլ պիոտրովսկի
էրմիտաժ, էրեբունի, թանգարան, համաձայնագիր, միքայել բադալյան, միխայիլ պիոտրովսկի
Պատմական իրադարձություն. «Էրեբունին» և «Էրմիտաժը» համագործակցության համաձայնագիր են կազմել
Թանգարանների ներկայացուցիչները վստահ են, որ համագործակցությունը թույլ կտա մեծացնել հայ-ռուսական հարաբերությունների ներուժը:
ԵՐԵՎԱՆ, 11 մայիսի - Sputnik. «Էրեբունի» պատմահնագիտական արգելոց-թանգարանը և «Էրմիտաժ» գեղարվեստական-պատմամշակութային թանգարանը համագործակցության համաձայնագիր են ստորագրել: Երկու թանգարանների ղեկավարություններն այս իրադարձությունը պատմական և նշանակալի են համարում երկկողմ համագործակցության համար:
Թանգարանների ղեկավարների միջև պայմանավորվածությունը ձեռք էր բերվել փետրվարին «Էրեբունի» պատմահնագիտական արգելոց-թանգարանի տնօրեն Միքայել Բադալյանի Սանկտ-Պետերբուրգ կատարած այցի ժամանակ: Այդ ժամանակ էլ նախանշվել էին փոխշահավետ համագործակցության ուղղությունները։
«Մեզ համար չափազանց կարևոր է համագործակցությունը ռուս գործընկերների հետ։ Եվ «Էրմիտաժի» հետ փոխգործակցությունն այս համատեքստում առանձնահատուկ նշանակություն ունի»,-
Sputnik Արմենիային ասաց Բադալյանը։
Նրա խոսքով` վերոնշյալ համաձայնագիրը պայմանավորվածությունների և նախագծերի մի ամբողջ համալիրի իրականացում է նախատեսում: Մասնավորապես, «Էրեբունիում» կբացվի «Էրմիտաժի» անկյուն։ Դա թույլ կտա բարձրացնել արգելոց-թանգարանի գրավչությունը։ Բացի այդ, «Էրեբունի» թանգարանի այցելուների մեծ մասը ռուս զբոսաշրջիկներ են։ Երևանն իր հերթին առաջարկել է Էրմիտաժի «Ուրարտու» սրահում ուրարտական շրջանի մոնումենտալ սեպագրերի ցուցահանդես կազմակերպել:
Բացի այդ, «Էրմիտաժի» մասնագետ-հնագետները մայիսի 16-ին կժամանեն Հայաստան և կմիանան Կարմիր բլուրի պեղումներին, իսկ Գիտությունների ազգային ակադեմիայի հայ վերականգնողները վերապատրաստում կանցնեն պետական Էրմիտաժի հայտնի լաբորատորիայում:
Բադալյանը նշեց, որ Հայաստանում կան վերականգնողներ, մետաղից և կերամիկայից պատրաստված իրերի և առարկաների վերականգնման մասնագետներ, սակայն տեքստիլի վերականգնմամբ եզակի մարդիկ են զբաղվում: Եվ դա այն դեպքում, երբ հենց Հայաստանում է պահվում ուրարտական տեքստիլի ամենամեծ հավաքածուն։ «Էրմիտաժում» հիանալի մասնագետներ կան, որոնք անհրաժեշտ օգնություն և աջակցություն կցուցաբերեն հայ մասնագետներին։
«Էրմիտաժը» «Էրեբունի» թանգարանին կաջակցի նաև համապատասխան գրականությամբ:
«Միայն այն փաստը, որ «Էրեբունին» ներկայացված կլինի «Էրմիտաժում», բարձրացնում է նրա հեղինակությունը», - ասաց նա:
Բացի այդ, «Արտիս Ֆուտուրա» հիմնադրամի աջակցությամբ «Էրեբունին» և «Էրմիտաժը» համատեղ աշխատում են «Թեյշեբաինի» բուկլետի վրա, որի նախաբանը կգրի անձամբ Պիոտրովսկին:
Ռուս գործընկերներին էլ կարող է հետաքրքրել ուրարտական դարաշրջանի հայ մասնագետ-գիտակների փորձը։ Իսկ Երևանը կարող է կամուրջ դառնալ ռուս և օտարազգի հնագետների և վերականգնողների միջև։
Բադալյանը նաև հիշեցրեց, որ տարբեր ժամանակներում «Էրմիտաժը» ղեկավարել են այնպիսի հայտնի մարդիկ, ինչպիսիք են Իոսիֆ Օրբելին, Բորիս Պիոտրովսկին, որը երկար տարիներ աշխատել է մեր երկրում: Այսօր թանգարանը ղեկավարում է նրա որդին` Միխայիլ Պիոտրովսկին։ Միխայիլ Պիոտրովսկու մայրը`Հռիփսիմե Ջանփոլադյանը, խորհրդային ժամանակների ռուս գիտնական է, հայագետ և հնագետ-արևելագետ։
Պետական Էրմիտաժի տնօրեն Միխայիլ Պիոտրովսկին իր հերթին ստորագրման արարողության ժամանակ նշեց համաձայնագրի կարևորությունը երկկողմ կապերի ամրապնդման առումով:
«Համաձայնագիրը շատ կարևոր է պատմականորեն։ Խոսքը ոչ միայն վաղեմի կապերի, այլև Էրեբունու, Կարմիր բլուրի և Էրմիտաժի միջև կապերի զարգացման, ինչպես նաև բլրի վրա համատեղ աշխատանքի վերսկսման մասին է»,-ասաց Պիոտրովսկին։
Նա հիշեցրեց, որ Էրմիտաժը սերտորեն կապված է Կարմիր բլուրի հետ. Բորիս Պիոտրովսկու կատարած պեղումները, Հայաստանում և Սանկտ Պետերբուրգում արևելագիտական դպրոցների ստեղծման ուշագրավ պատմությունը և այլն:
Երևանի քաղաքապետարանի զբոսաշրջության բաժնի ղեկավար Սեդա Աղբալյանը նույնպես
Sputnik Արմենիայի հետ զրույցում կարևորեց ստորագրված փաստաթուղթը։ Նրա խոսքով` նման նախաձեռնությունները Երևանի թանգարաններին թույլ կտան իրենց տեղը զբաղեցնել թանգարանների համաշխարհային քարտեզի վրա, բարձրացնել իրենց ճանաչելիության աստիճանն ու հեղինակությունը:
«Սա կարևոր է նաև երկու ժողովուրդների բարեկամության ամրապնդման համատեքստում»,-ասաց Աղբալյանը:
Հավելենք, որ համագործակցության շրջանակում կկազմակերպվեն նաև փոխայցելություններ և համաժողովներ։
