Areda–ն և Asal–ը կանխատեսում են Էրդողանի հաղթանակը ընտրությունների առաջին փուլում

© Sputnik / Сергей ГунеевՌեջեփ Թայիփ Էրդողան
Ռեջեփ Թայիփ Էրդողան - Sputnik Արմենիա, 1920, 13.05.2023
Բաժանորդագրվեք
НовостиTelegram
Areda կենտրոնի հետազոտությունն անցկացվել է մայիսի 11-12-ը՝ 25 հազար մարդու մասնակցությամբ։ Asal ընկերության հարցմանը մասնակցել է ավելի քան երկու հազար մարդ: Այն անցկացվել է մայիսի 10-12-ը:
ԵՐԵՎԱՆ, 13 մայիսի – Sputnik. Areda և Asal հետազոտական կենտրոնների տվյալների համաձայն՝ Թուրքիայի գործող նախագահ Ռեջեփ Թայիփ Էրդողանը կհաղթի նախագահական ընտրությունների առաջին փուլում: Տեղեկությունը հայտնում է ՌԻԱ Նովոստին։
Թուրքիայի բարձրագույն ընտրական հանձնաժողովի որոշմամբ՝ մայիսի 4-ից դադարեցվել է մայիսի 14-ի համընդհանուր ընտրությունների վերաբերյալ հասարակական կարծիքի հարցումների հրապարակումը: Դրանք թույլատրվում է հրապարակել բացառապես ուղեկցող բացատրությամբ, թե ով է պատվիրել և ֆինանսավորել ուսումնասիրությունը:
Areda կենտրոնի հետազոտությունն անցկացվել է մայիսի 11-12-ը՝ 25 հազար մարդու մասնակցությամբ։ Այն առաջիններից մեկն է, որն անցկացվել է մրցավազքից թեկնածու Մուհարեմ Ինջեի դուրս գալուց հետո։ Կենտրոնը չի նշել ֆինանսավորման աղբյուրը:
Ըստ արդյունքների՝ Էրդողանի օգտին պատրաստ է քվեարկել հետազոտության մասնակիցների 51,3, Քըլըչդարօղլուի օգտին՝ 44,2 տոկոսը:
Թուրքիայում ընտրությունները կավարտվեն առաջին փուլով և Քըլըչդարօղլուի հաղթանակով. ORC
Երրորդ թեկնածու Սինան Օհանը ստացել է ձայների գրեթե 4 տոկոսը։
Asal ընկերության հետազոտությունը ցույց է տվել, որ Էրդողանը կստանա ձայների 50,6%-ը, Քըլըչդարօղլուն՝ 46,3%-ը: Հետազոտությունն անցկացվել է մայիսի 10-12-ը, Ինջեի հայտարարությունից հետո մասնակիցներին կրկին զանգահարել են և պարզել, թե մնացած երեք թեկնածուներից ում օգտին են քվեարկելու: Հետազոտությանը մասնակցել է ավելի քան երկու հազար մարդ, սխալվելու հավանականությունը 2,5 է, հետազոտության համար միջոցներ է տրամադրել հենց Asal կենտրոնը։
Memleket կուսակցության առաջնորդ Ինջեն իր թեկնածությունը հանելու մասին հայտարարել է ընտրություններից երեք օր առաջ, այժմ նախագահական աթոռի համար կպայքարեն երեք քաղաքական գործիչներ՝ գործող նախագահ Ռեջեփ Թայիփ Էրդողանը, յոթ ընդդիմադիր կուսակցությունների թեկնածու Քեմալ Քըլըչդարօղլուն և Ata կոալիցիայի թեկնածու Սինան Օհանը:
Թուրքիայում կայանալիք ընտրությունների արդյունքը կորոշեն չկողմնորոշվածները. Սենջար
Թուրքիայում նախագահական և խորհրդարանական ընտրությունները նախատեսված են մայիսի 14-ին: Նախագահական ընտրությունների երկրորդ փուլը, եթե ոչ մի թեկնածու չհավաքի ձայների 50 տոկոսը, նշանակված է մայիսի 28-ին:
Լրահոս
0