«Ուրարտուն» դարձավ Հայաստանի գավաթակիր
21:07 13.05.2023 (Թարմացված է: 23:27 13.05.2023)
«Ուրարտուն» դարձավ Հայաստանի գավաթակիր
© Sputnik / Asatur Yesayants
Բաժանորդագրվել
Ֆուտբոլի Հայաստանի գավաթի խաղարկության եզրափակիչն իր մեջ բավականին լուրջ ինտրիգ էր պարունակում։
ԵՐԵՎԱՆ, 13 մայիսի – Sputnik, Խաչիկ Չախոյան. Ֆուտբոլի Հայաստանի գավաթի եզրափակիչում Երևանի «Ուրարտուն» 2։1 հաշվով հաղթեց «Շիրակին» և դարձավ այս մրցաշրջանի գավաթակիր։
«Ուրարտուն» դարձավ Հայաստանի գավաթակիր
© Sputnik / Asatur Yesayants
Գավաթի եզրափակիչ խաղում նման մեկնարկ, ինչպիսին եղավ «Ուրարտու»-«Շիրակ» եզրափակիչում, դժվար էր պատկերացնել։
Հանդիպման առաջին իսկ րոպեին Արազ Օզբիլիսի փոխանցումից հետո Դավիթ Խուրցիձեն գլխի հարվածով առաջ մղեց երևանյան թիմին, իսկ հինգ րոպե անց անկյունայինի փոխանցումից հետո Մուսա Բակայոկոն նույնպես գլխի հարվածով «Շիրակի» կազմում դարձավ պատասխան գոլի հեղինակ։
Մեկնարկային նման արդյունավետությունն առաջին հայացքից խոստանում էր գոլառատ եզրափակիչ։ Բայց թիմերը շատ արագ հասկացան, որ կոնցենտրացիայի պակասը մեկ ակնթարթում կարող է ճակատագրական հետևանքներ ունենալ։
Fastex Հայաստանի գավաթի «Ուրարտու» - «Շիրակ» հանդիպում
© Sputnik / Asatur Yesayants
Հետագայում պայքար ծավալվեց խաղադաշտի բոլոր հատվածներում, ընդ որում` ոչ միայն այնտեղ, որտեղ գնդակն էր։ Թիմերը բավականին լուրջ աշխատանք էին կատարում նաև առանց գնդակի։
Իսկ երկրորդ խաղակեսում մրցող կողմերն արդեն սկսեցին զգուշություն դրսևորել։ Բայց անկախ այդ զգուշությունից` գոլային ռեալ պահեր կողմերն ունեցան, ու այդ առումով առավելություն ուներ Դմիտրի Գունկոյի թիմը։
1/3
© Sputnik / Asatur Yesayants
Fastex Հայաստանի գավաթի «Ուրարտու» - «Շիրակ» հանդիպում
2/3
© Sputnik / Asatur Yesayants
Fastex Հայաստանի գավաթի «Ուրարտու» - «Շիրակ» հանդիպում
3/3
© Sputnik / Asatur Yesayants
Fastex Հայաստանի գավաթի «Ուրարտու» - «Շիրակ» հանդիպում
1/3
© Sputnik / Asatur Yesayants
Fastex Հայաստանի գավաթի «Ուրարտու» - «Շիրակ» հանդիպում
2/3
© Sputnik / Asatur Yesayants
Fastex Հայաստանի գավաթի «Ուրարտու» - «Շիրակ» հանդիպում
3/3
© Sputnik / Asatur Yesayants
Fastex Հայաստանի գավաթի «Ուրարտու» - «Շիրակ» հանդիպում
Ինչքան սպառվում էր ժամանակը, այդքան խաղը ներքին լարվածություն էր ստանում, ու այն հասավ գագաթնակետին, երբ յոթ րոպեի ընթացքում երկու անգամ դեղին քարտ ստանալով` խաղադաշտից հեռացվեց «Շիրակի» կազմում միակ գոլի հեղինակ Մուսա Բակայոկոն։
Հանդիպման 72-րդ րոպեին «Շիրակը» մնաց տասը ֆուտբոլիստով։ Իհարկե, սա արդեն հոգեբանական առավելություն էր տալիս «Ուրարտուին», բայց նաև պարզ էր, որ Գյումրիի թիմը ստիպված էր լինելու անցնել զանգվածային պաշտպանության։
Չնայած դրան` «Շիրակը» մրցակցին հնարավորություն տվեց սպառնալ սեփական դարպասին, ու տուգանային հրապարակի մատույցներից Կարեն Մելքոնյանի կատարած հարվածն արդեն անկասելի էր։ «Ուրարտուն» առաջ անցավ հաշվի մեջ՝ 2։1։
Մնացած հինգ րոպեների ու մրցավարի կողմից ավելացված 5 րոպեների ընթացքում «Շիրակն» արեց հնարավորը պարտությունից խուսափելու համար։ Մրցավարի եզրափակիչ սուլոցից հետո անգամ կրքերը չէին հադարտվում, ու խաղը սպասարկող լատվիացի մրցավար Անդրիյս Տրեյմանիսը ևս մեկ անգամ դիմեց կարմիր քարտի օգնությանը։
Նշենք, որ ֆուտբոլի Հայաստանի գավաթի խաղարկության եզրափակիչն իր մեջ բավականին լուրջ ինտրիգ էր պարունակում։ «Ուրարտու» - «Շիրակ» մրցակցությունում գյումրեցիների հաղթանակը թիմի համար ապահովում էր Կոնֆերենցիաների լիգայի հաջորդ խաղարկության մասնակցությունը, իսկ «Ուրարտուի» հաղթանակի դեպքում այդ իրավունքը ստանում էր Պրեմիեր լիգայում 4-րդ տեղը զբաղեցնող «Ալաշկերտը»։
Այսպիսով, «Ուրարտուն» հաղթեց 2։1 հաշվով ու դարձավ Հայաստանի գավաթակիր, միևնույն ժամանակ Կոնֆերենցիաների լիգայի ուղեգիր պարգևելով «Ալաշկերտին»։
Fastex Հայաստանի գավաթի «Ուրարտու» - «Շիրակ» հանդիպում
© Sputnik / Asatur Yesayants
Ստացվում է, որ Դմիտրի Գունկոյի թիմը կարող է դուբլ ձևակերպել 2022/23 մրցաշրջանում, եթե հաղթանակի հասնի Պրեմիեր լիգայի առաջնությունում։
Իսկ Պրեմիեր լիգայի առաջնության ավարտից 5 տուր առաջ «Ուրարտուն» գլխավորում է մրցաշարային աղյուսակը։
