https://arm.sputniknews.ru/20230517/henrikh-mkhitarjany-mkani-saljard-e-stacel-vnasvatsqi-lrjutjan-astitshany-derevs-hajtni-che-59751233.html
Հենրիխ Մխիթարյանը մկանի սալջարդ է ստացել. վնասվածքի լրջության աստիճանը դեռևս հայտնի չէ
Հենրիխ Մխիթարյանը մկանի սալջարդ է ստացել. վնասվածքի լրջության աստիճանը դեռևս հայտնի չէ
Sputnik Արմենիա
Հայ անվանի ֆուտբոլիստ Հենրիխ Մխիթարյանն առաջինն է, որ Չեմպիոնների լիգայում հասել է ակումբային ամենահեղինակավոր մրցաշարի եզրափակիչ։ Սակայն եզրափակիչում նրա... 17.05.2023, Sputnik Արմենիա
2023-05-17T17:13+0400
2023-05-17T17:13+0400
2023-05-17T17:30+0400
հենրիխ մխիթարյան
հենրիխ մխիթարյան
ֆուտբոլ
ֆուտբոլիստ
վնասվածք
https://cdn.am.sputniknews.ru/img/07e7/05/0a/59458414_0:68:1600:969_1920x0_80_0_0_c475fe360d911fae11a65eca9a519232.jpg
ԵՐԵՎԱՆ, 17 մայիսի – Sputnik, Խաչիկ Չախոյան. Միլանի «Ինտերի» ֆուտբոլիստ Հենրիխ Մխիթարյանի վնասվածքի աստիճանի լրջությունը պարզ կլինի 2-3 օրվա ընթացքում։ Այս մասին գրում է իտալական մամուլը։Մայիսի 16-ին Չեմպիոնների լիգայի 2022/23 մրցաշրջանի կիսաեզրափակիչ «Միլան»–«Ինտեր» դիմակայության պատասխան խաղում, հանդիպման 42-րդ րոպեին Մխիթարյանը վնասվածքի պատճառով փոխարինվեց, ու այս պահին դեռևս հարցական է, թե կխաղա արդյոք նա Չեմպիոնների լիգայի եզրափակիչում։Մինչև եզրափակիչ դեռևս բավականին ժամանակ կա։ Այն կայանալու է Ստամբուլում հունիսի 10-ին։ «Միլանի» հետ պատասխան խաղից հետո պարզ դարձավ, որ հայ ֆուտբոլիստը ձախ ազդրի վնասվածք է ստացել։Sputnik Արմենիայի տվյալներով` Մխիթարյանը ձախ ազդրի քառագլուխ մկանի սալջարդ է ստացել։ Բժշկական զննումը կտա վնասվածքի իրական գնահատականը, նաև վերականգնվելու համար նախատեսված ժամանակը պարզ կդառնա։ Մինչ այդ հարկավոր է առնվազն 2 կամ 3 օր, որպեսզի մկանը հանգստանը, ու կատարվի բուժզննում։Եթե Մխիթարյանը վերականգնվի առնվազն 2 շաբաթվա ընթացքում, ապա անկասկած կմասնակցի ՉԼ-ի եզրափակիչին։ «Ինտերի» գլխավոր մարզիչ Սիմոնե Ինձագին արդեն իսկ հայտարարել է, որ Հենրիխը արժանի է եզրափակիչում խաղալուն, ու թիմի առանցքային ֆուտբոլիստներից մեկն է։Իտալական «Ինտերի» կազմում Մխիթարյանը, հաշվի առնելով նաև ընկերական հանդիպումները, արդեն անցկացրել է 59 խաղ ու դարձել 10 գոլի հեղինակ։Իսկ «Ինտերի» հիմնական հաջողությունները Չեմպիոնների լիգայում եղել են 20-րդ դարի 60-ական թվականներին։ 1963/64 և 1964/65 մրցաշրջաններում «Ինտերը» երկու անգամ հաղթել է ակումբային ամենահեղինակավոր մրցաշարում։ Հաջորդ ու առայժմ վերջին հաղթանակը «ներաձուրիները»` Ժոզե Մոուրինյոյի գլխավորությամբ, տոնել են 2009/10 մրցաշրջանում,երբ եզրափակիչում 2։0 հաշվով հաղթեցին «Բավարիային»։ Հիմա «Ինտերը» եզրափակիչում մրցելու է կամ «Մանչեսթեր Սիթիի», կամ էլ «Ռեալի» հետ (պատասխան խաղը կայանալու է մայիսի 17-ին)։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հենրիխ մխիթարյան, հենրիխ մխիթարյան, ֆուտբոլ, ֆուտբոլիստ, վնասվածք
հենրիխ մխիթարյան, հենրիխ մխիթարյան, ֆուտբոլ, ֆուտբոլիստ, վնասվածք
Հենրիխ Մխիթարյանը մկանի սալջարդ է ստացել. վնասվածքի լրջության աստիճանը դեռևս հայտնի չէ
17:13 17.05.2023 (Թարմացված է: 17:30 17.05.2023) Հայ անվանի ֆուտբոլիստ Հենրիխ Մխիթարյանն առաջինն է, որ Չեմպիոնների լիգայում հասել է ակումբային ամենահեղինակավոր մրցաշարի եզրափակիչ։ Սակայն եզրափակիչում նրա մասնակցությունը վնասվածքի պատճառով, ցավոք, հարցականի տակ է։
ԵՐԵՎԱՆ, 17 մայիսի – Sputnik, Խաչիկ Չախոյան. Միլանի «Ինտերի» ֆուտբոլիստ Հենրիխ Մխիթարյանի վնասվածքի աստիճանի լրջությունը պարզ կլինի 2-3 օրվա ընթացքում։ Այս մասին գրում է իտալական մամուլը։
Մայիսի 16-ին Չեմպիոնների լիգայի 2022/23 մրցաշրջանի կիսաեզրափակիչ «Միլան»–«Ինտեր» դիմակայության պատասխան խաղում, հանդիպման 42-րդ րոպեին Մխիթարյանը վնասվածքի պատճառով փոխարինվեց, ու այս պահին դեռևս հարցական է, թե կխաղա արդյոք նա Չեմպիոնների լիգայի եզրափակիչում։
Մինչև եզրափակիչ դեռևս բավականին ժամանակ կա։ Այն կայանալու է Ստամբուլում հունիսի 10-ին։ «Միլանի» հետ պատասխան խաղից հետո պարզ դարձավ, որ հայ ֆուտբոլիստը ձախ ազդրի վնասվածք է ստացել։
Sputnik Արմենիայի տվյալներով` Մխիթարյանը ձախ ազդրի քառագլուխ մկանի սալջարդ է ստացել։ Բժշկական զննումը կտա վնասվածքի իրական գնահատականը, նաև վերականգնվելու համար նախատեսված ժամանակը պարզ կդառնա։ Մինչ այդ հարկավոր է առնվազն 2 կամ 3 օր, որպեսզի մկանը հանգստանը, ու կատարվի բուժզննում։
Ցավոք, պատմությունը կարծես թե կրկնվում է։ Նախորդ մրցաշրջանում, երբ Մխիթարյանը հանդես էր գալիս իտալական մեկ այլ ակումբի՝ «Ռոմայի» կազմում ու ջալոռոսիների կազմում նվաճեց Կոնֆերենցիաների լիգայի գավաթը, էլի կիսաեզրափակչում ՝ «Լեսթերի» հետ խաղում, վնասվածք ստացավ ու, բաց թողնելով մի քանի հանդիպում, կարողացավ մասնակցել Կոնֆերենցիաների լիգայի խաղարկության եզրափակիչին, բայց խաղի մեկնարկից 17 րոպե անց փոխարինվեց։
Եթե Մխիթարյանը վերականգնվի առնվազն 2 շաբաթվա ընթացքում, ապա անկասկած կմասնակցի ՉԼ-ի եզրափակիչին։ «Ինտերի» գլխավոր մարզիչ
Սիմոնե Ինձագին արդեն իսկ հայտարարել է, որ Հենրիխը արժանի է եզրափակիչում խաղալուն, ու թիմի առանցքային ֆուտբոլիստներից մեկն է։
Իտալական «Ինտերի» կազմում Մխիթարյանը, հաշվի առնելով նաև ընկերական հանդիպումները, արդեն անցկացրել է 59 խաղ ու դարձել 10 գոլի հեղինակ։
Իսկ «Ինտերի» հիմնական հաջողությունները Չեմպիոնների լիգայում եղել են 20-րդ դարի 60-ական թվականներին։ 1963/64 և 1964/65 մրցաշրջաններում «Ինտերը» երկու անգամ հաղթել է ակումբային ամենահեղինակավոր մրցաշարում։ Հաջորդ ու առայժմ վերջին հաղթանակը «ներաձուրիները»` Ժոզե Մոուրինյոյի գլխավորությամբ, տոնել են 2009/10 մրցաշրջանում,երբ եզրափակիչում 2։0 հաշվով հաղթեցին «Բավարիային»։ Հիմա «Ինտերը» եզրափակիչում մրցելու է կամ «Մանչեսթեր Սիթիի», կամ էլ «Ռեալի» հետ (պատասխան խաղը կայանալու է մայիսի 17-ին)։
