https://arm.sputniknews.ru/20230518/erevani--nvor-nvorqi-nakhkin-taghapety-gumarner-e-juracrel-59781001.html
Երևանի Նոր Նորքի նախկին թաղապետը գումարներ է յուրացրել
Երևանի Նոր Նորքի նախկին թաղապետը գումարներ է յուրացրել
Sputnik Արմենիա
Ապրիլի 7-ի միջոցառումը ռեստորանում անցկացնելու անվան տակ յուրացրել են 1 միլիոն դրամից ավելի գումար։ 18.05.2023, Sputnik Արմենիա
2023-05-18T13:07+0400
2023-05-18T13:07+0400
2023-05-18T13:08+0400
երևան
թաղապետ
չարաշահում
գումար
https://cdn.am.sputniknews.ru/img/773/61/7736138_0:0:1600:901_1920x0_80_0_0_6d6b467db55e20af6055bacad0cf640a.jpg
ԵՐԵՎԱՆ, 18 մայիսի – Sputnik. Երևանի Նոր Նորք վարչական շրջանի նախկին ղեկավար Արմեն Ուլիխանյանը, պաշտոնեական դիրքն օգտագործելով, գումարներ է յուրացրել։ Տեղեկությունը հայտնում է ՀՀ քննչական կոմիտեի մամուլի ծառայությունը։Մասնավորապես, դեռ 2016 թվականին` նախնական համաձայնության գալով միջոցառումներ կազմակերպող ՍՊԸ տնօրենի և վարչական շրջանի ղեկավարի աշխատակազմի ֆինանսական բաժնի պետի հետ, «Մայրության և գեղեցկության» տոնին նվիրված միջոցառում կազմակերպելու պատրվակով յուրացնել այդ միջոցառման կազմակերպման և անցկացման համար նախատեսված գումարը:Օրինակ` կեղծ փաստաթղթեր են կազմվել, թե միջոցառում են կազմակերպել ռեստորանում, ինչն իրականում տեղի չի ունեցել։ Նշված ՍՊԸ հաշվեհամարին փոխանցվել է միջոցառման համար նախատեսված 1.500.000 ՀՀ դրամ, որը կանխիկացվել է ընկերության տնօրենը։Բացի այդ, վարչական շրջանի նախկին ղեկավարն ու ֆինանսական բաժնի պետը նաև տարբեր ընկերություններից ապօրինի կերպով պահանջել են հավելյալ` վարձավճարից ավելի գումար վճարել վարչական շենքում վարձակալած տարածքների համար։Քննությամբ պարզվել է նաև, որ ֆինանսական բաժնի պետը, օգտագործելով պաշտոնեական դիրքը, աշխատակազմի համար ձեռք բերված գրենական պիտույքների բաշխման ցուցակներում ուռճացրել է ծախսերը`յուրացնելով 1.443.250 ՀՀ դրամ։Ձեռք բերված բավարար փաստերի հիման վրա վարչական շրջանի նախկին ղեկավարին մեղադրանք է ներկայացվել ՀՀ նախկին քրեական օրենսգրքի 179-րդ հոդվածի 2-րդ մասի 1-ին, 2-րդ և 3-րդ կետերով (պաշտոնեական դիրքն օգտագործելով, մի խումբ անձանց կողմից նախնական համաձայնությամբ խոշոր չափերով յուրացում կատարելը), 314-րդ հոդվածի 1-ին մասով (պաշտոնեական կեղծիք կատարելը) և 309-րդ հոդվածի 1-ին մասով (պաշտոնեական լիազորություններն անցնելը):Աշխատակազմի ֆինանսական բաժնի պետին մեղադրանք է ներկայացվել ՀՀ քրեական նախկին օրենսգրքի 179-րդ հոդվածի 2-րդ մասի 1-ին, 2-րդ, 3-րդ կետերով (2 դրվագ), 314-րդ հոդվածի 1-ին մասով (2 դրվագ) և 309-րդ հոդվածի 1-ին մասով։Որպես խափանման միջոց՝ նրանց նկատմամբ կիրառվել է չբացակայելու արգելքը:ՔԿ–ից տեղեկացնում են, որ նախաքննության ընթացքում վարչական շրջանի նախկին ղեկավարը վերականգնել է համայնքին պատճառված գույքային վնասը։Նախաքննությունը շարունակվում է։
երևան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
երևան, թաղապետ, չարաշահում, գումար
երևան, թաղապետ, չարաշահում, գումար
Երևանի Նոր Նորքի նախկին թաղապետը գումարներ է յուրացրել
13:07 18.05.2023 (Թարմացված է: 13:08 18.05.2023) Ապրիլի 7-ի միջոցառումը ռեստորանում անցկացնելու անվան տակ յուրացրել են 1 միլիոն դրամից ավելի գումար։
ԵՐԵՎԱՆ, 18 մայիսի – Sputnik. Երևանի Նոր Նորք վարչական շրջանի նախկին ղեկավար Արմեն Ուլիխանյանը, պաշտոնեական դիրքն օգտագործելով, գումարներ է յուրացրել։ Տեղեկությունը
հայտնում է ՀՀ քննչական կոմիտեի մամուլի ծառայությունը։
Մասնավորապես, դեռ 2016 թվականին` նախնական համաձայնության գալով միջոցառումներ կազմակերպող ՍՊԸ տնօրենի և վարչական շրջանի ղեկավարի աշխատակազմի ֆինանսական բաժնի պետի հետ, «Մայրության և գեղեցկության» տոնին նվիրված միջոցառում կազմակերպելու պատրվակով յուրացնել այդ միջոցառման կազմակերպման և անցկացման համար նախատեսված գումարը:
Օրինակ` կեղծ փաստաթղթեր են կազմվել, թե միջոցառում են կազմակերպել ռեստորանում, ինչն իրականում տեղի չի ունեցել։ Նշված ՍՊԸ հաշվեհամարին փոխանցվել է միջոցառման համար նախատեսված 1.500.000 ՀՀ դրամ, որը կանխիկացվել է ընկերության տնօրենը։
«Այնուհետև վերջինս, կատարելով հարկային պարտավորությունները, մնացած 1.250.000 ՀՀ դրամը ֆինանսական բաժնի պետի աշխատասենյակում առձեռն տվել է նրան: Արդյունքում՝ վարչական շրջանի ղեկավարը, պաշտոնեական դիրքն օգտագործելով, բաժնի պետի հետ նախնական համաձայնությամբ, յուրացրել է խոշոր չափի՝ 1.250.000 ՀՀ դրամ գումարը՝ Երևան համայնքին պատճառելով գույքային վնաս»,– տեղեկացնում են ՔԿ–ից։
Բացի այդ, վարչական շրջանի նախկին ղեկավարն ու ֆինանսական բաժնի պետը նաև տարբեր ընկերություններից ապօրինի կերպով պահանջել են հավելյալ` վարձավճարից ավելի գումար վճարել վարչական շենքում վարձակալած տարածքների համար։
Քննությամբ պարզվել է նաև, որ ֆինանսական բաժնի պետը, օգտագործելով պաշտոնեական դիրքը, աշխատակազմի համար ձեռք բերված գրենական պիտույքների բաշխման ցուցակներում ուռճացրել է ծախսերը`յուրացնելով 1.443.250 ՀՀ դրամ։
Ձեռք բերված բավարար փաստերի հիման վրա վարչական շրջանի նախկին ղեկավարին մեղադրանք է ներկայացվել ՀՀ նախկին քրեական օրենսգրքի 179-րդ հոդվածի 2-րդ մասի 1-ին, 2-րդ և 3-րդ կետերով (պաշտոնեական դիրքն օգտագործելով, մի խումբ անձանց կողմից նախնական համաձայնությամբ խոշոր չափերով յուրացում կատարելը), 314-րդ հոդվածի 1-ին մասով (պաշտոնեական կեղծիք կատարելը) և 309-րդ հոդվածի 1-ին մասով (պաշտոնեական լիազորություններն անցնելը):
Աշխատակազմի ֆինանսական բաժնի պետին մեղադրանք է ներկայացվել ՀՀ քրեական նախկին օրենսգրքի 179-րդ հոդվածի 2-րդ մասի 1-ին, 2-րդ, 3-րդ կետերով (2 դրվագ), 314-րդ հոդվածի 1-ին մասով (2 դրվագ) և 309-րդ հոդվածի 1-ին մասով։
Որպես խափանման միջոց՝ նրանց նկատմամբ կիրառվել է չբացակայելու արգելքը:
ՔԿ–ից տեղեկացնում են, որ նախաքննության ընթացքում վարչական շրջանի նախկին ղեկավարը վերականգնել է համայնքին պատճառված գույքային վնասը։
Նախաքննությունը շարունակվում է։
