https://arm.sputniknews.ru/20230521/georgian-airways-y-vrastani-nakhagahin-persvona-nvon-grata-e-hajtararel-59920548.html
Georgian Airways-ը Վրաստանի նախագահին «պերսոնա նոն գրատա» է հայտարարել
Georgian Airways-ը Վրաստանի նախագահին «պերսոնա նոն գրատա» է հայտարարել
Sputnik Արմենիա
Ավիաընկերության հիմնադիր Թամազ Գաիաշվիլին նշել է, որ Վրաստանի նախագահը հաճախ էր օգտվում իրենց ծառայություններից։ 21.05.2023, Sputnik Արմենիա
2023-05-21T13:11+0400
2023-05-21T13:11+0400
2023-05-21T14:15+0400
վրաստանի հանրապետություն
սալոմե զուրաբիշվիլի
ռուսաստան
ավիաընկերություն
չվերթ
https://cdn.am.sputniknews.ru/img/717/84/7178461_0:243:2694:1758_1920x0_80_0_0_84d23907ac54e2c092a1678d5aaf7fd6.jpg
ԵՐԵՎԱՆ, 21 մայիսի – Sputnik. Վրացական Georgian Airways ավիաընկերությունը Վրաստանի նախագահ Սալոմե Զուրաբիշվիլիին անցանկալի անձ է հայտարարել այն բանից հետո, երբ նախագահը բոյկոտել է ավիափոխադրողին և հրաժարվել նրա ծառայություններից։Նշենք, որ Վրաստանի նախագահ Սալոմե Զուրաբիշվիլին հայտարարել է, որ բոյկոտում է և այլևս չի օգտվելու վրացական Georgian Airways ավիաընկերության ծառայություններից, քանի որ այն սկսել է թռիչքներ իրականացնել դեպի Ռուսաստանի Դաշնություն։Georgian Airways-ի հիմնադիր Թամազ Գաիաշվիլին ասել է, Զուրաբիշվիլին պետք է ներողություն խնդրի Վրաստանի քաղաքացիներից անընդունելի հրապարակային հայտարարությունների համար։Նրա խոսքով` զարմանալի է, թե ինչպես կարող է նախագահը բոյկոտել սեփական երկրի ավիաընկերությունը, որը սեպտեմբերի 15-ին պաշտոնապես դառնում է 30 տարեկան և շատ բան է անցել պետության հետ։«Ցանկացած վրացի ավելին է արել Վրաստանի համար, քան տիկին Զուրաբիշվիլին։ Դավաճան ծնված մարդը, ըստ ամենայնի, չի էլ զգում, թե ինչպես է դավաճանում մարդկանց, երկրի շահերը, իր հայրենիքը»,- ասել է ավիաընկերության հիմնադիրը։Գաիաշվիլին նշել է, որ ավիաընկերությունը միշտ հանդես է եկել միասնության օգտին և ամեն ինչ արել է երկիրը մեկուսացումից փրկելու համար։ Նա հիշեցրել է, որ 2008 թվականի իրադարձություններից հետո վրացի օդաչուները, չնայած լիզինգային և ապահովագրական ընկերությունների կտրուկ մերժմանը, թռիչքներ են իրականացրել աշխարհի շատ երկրներ և տեղափոխել քաղաքական գործիչների, դիվանագետների և լրագրողների, ինչը «գործնականում փրկել է երկիրը մեկուսացումից»։ ԵՄ–ն ափսոսանք է հայտնում ՌԴ-ի ու Վրաստանի միջև ավիահաղորդակցության վերսկսման կապակցությամբԱվելի վաղ Վրաստանի նախագահ Սալոմե Զուրաբիշվիլին ճեպազրույցում հայտարարել էր Georgian Airways ավիաընկերությանը բոյկոտելու մասին։Մայիսի 10-ին ՌԴ նախագահ Վլադիմիր Պուտինը հրամանագիր է ստորագրել մայիսի 15-ից Վրաստանի քաղաքացիների համար վիզային ռեժիմը վերացնելու մասին։ Մեկ այլ հրամանագրով նա չեղարկել է ռուսական ավիաընկերությունների թռիչքների և դեպի Վրաստան տուրերի վաճառքի արգելքը, որը գործում էր 2019 թվականից։ Ռուսական «Ազիմուտ» ավիաընկերության ինքնաթիռը մայիսի 19-ին վայրէջք է կատարել Թբիլիսիի միջազգային օդանավակայանում։ Դա 4 տարվա ընթացքում Մոսկվայից Թբիլիսի առաջին չվերթն էր։ Մայիսի 20-ին Վրաստանի ազգային ավիափոխադրող Georgian Airways-ը սկսեց ուղիղ չվերթներ իրականացնել։ Հունիսից ռուսական Red Wings ավիաընկերությունը կսկսի թռիչքները դեպի Վրաստան։
վրաստանի հանրապետություն
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
վրաստանի հանրապետություն, սալոմե զուրաբիշվիլի, ռուսաստան, ավիաընկերություն, չվերթ
վրաստանի հանրապետություն, սալոմե զուրաբիշվիլի, ռուսաստան, ավիաընկերություն, չվերթ
Georgian Airways-ը Վրաստանի նախագահին «պերսոնա նոն գրատա» է հայտարարել
13:11 21.05.2023 (Թարմացված է: 14:15 21.05.2023) Ավիաընկերության հիմնադիր Թամազ Գաիաշվիլին նշել է, որ Վրաստանի նախագահը հաճախ էր օգտվում իրենց ծառայություններից։
ԵՐԵՎԱՆ, 21 մայիսի – Sputnik. Վրացական Georgian Airways ավիաընկերությունը Վրաստանի նախագահ Սալոմե Զուրաբիշվիլիին անցանկալի անձ է հայտարարել այն բանից հետո, երբ նախագահը բոյկոտել է ավիափոխադրողին և հրաժարվել նրա ծառայություններից։
Նշենք, որ Վրաստանի նախագահ Սալոմե Զուրաբիշվիլին հայտարարել է, որ բոյկոտում է և այլևս չի օգտվելու վրացական Georgian Airways ավիաընկերության ծառայություններից, քանի որ այն սկսել է թռիչքներ իրականացնել դեպի Ռուսաստանի Դաշնություն։
Georgian Airways-ի հիմնադիր Թամազ Գաիաշվիլին ասել է, Զուրաբիշվիլին պետք է ներողություն խնդրի Վրաստանի քաղաքացիներից անընդունելի հրապարակային հայտարարությունների համար։
«Նախագահը հաճախ է օգտվել մեր ծառայություններից, մենք պաշտոնապես հայտարարում ենք, որ այլևս չենք ծառայելու նրան»,- ասել է Գաիաշվիլին։
Նրա խոսքով` զարմանալի է, թե ինչպես կարող է նախագահը բոյկոտել սեփական երկրի ավիաընկերությունը, որը սեպտեմբերի 15-ին պաշտոնապես դառնում է 30 տարեկան և շատ բան է անցել պետության հետ։
«Ցանկացած վրացի ավելին է արել Վրաստանի համար, քան տիկին Զուրաբիշվիլին։ Դավաճան ծնված մարդը, ըստ ամենայնի, չի էլ զգում, թե ինչպես է դավաճանում մարդկանց, երկրի շահերը, իր հայրենիքը»,- ասել է ավիաընկերության հիմնադիրը։
Գաիաշվիլին նշել է, որ ավիաընկերությունը միշտ հանդես է եկել միասնության օգտին և ամեն ինչ արել է երկիրը մեկուսացումից փրկելու համար։ Նա հիշեցրել է, որ 2008 թվականի իրադարձություններից հետո վրացի օդաչուները, չնայած լիզինգային և ապահովագրական ընկերությունների կտրուկ մերժմանը, թռիչքներ են իրականացրել աշխարհի շատ երկրներ և տեղափոխել քաղաքական գործիչների, դիվանագետների և լրագրողների, ինչը «գործնականում փրկել է երկիրը մեկուսացումից»։
Ավելի վաղ Վրաստանի նախագահ Սալոմե Զուրաբիշվիլին ճեպազրույցում հայտարարել էր Georgian Airways ավիաընկերությանը բոյկոտելու մասին։
Մայիսի 10-ին ՌԴ նախագահ Վլադիմիր Պուտինը հրամանագիր է ստորագրել մայիսի 15-ից Վրաստանի քաղաքացիների համար
վիզային ռեժիմը վերացնելու մասին։ Մեկ այլ հրամանագրով նա չեղարկել է ռուսական ավիաընկերությունների թռիչքների և դեպի Վրաստան տուրերի վաճառքի արգելքը, որը գործում էր 2019 թվականից։ Ռուսական «Ազիմուտ» ավիաընկերության ինքնաթիռը մայիսի 19-ին վայրէջք է կատարել Թբիլիսիի միջազգային օդանավակայանում։ Դա 4 տարվա ընթացքում Մոսկվայից Թբիլիսի առաջին չվերթն էր։ Մայիսի 20-ին Վրաստանի ազգային ավիափոխադրող Georgian Airways-ը սկսեց ուղիղ չվերթներ իրականացնել։ Հունիսից ռուսական Red Wings ավիաընկերությունը կսկսի թռիչքները դեպի Վրաստան։
