https://arm.sputniknews.ru/20230522/hhn-ir-anvtangutjuny-tesnum-e-taratsashrjani-khaghaghutjamb-aranc-3-rd-kvoghmi-pashinjan-59950527.html
ՀՀ–ն իր անվտանգությունը տեսնում է տարածաշրջանում խաղաղություն ունենալով` առանց 3-րդ կողմի
ՀՀ–ն իր անվտանգությունը տեսնում է տարածաշրջանում խաղաղություն ունենալով` առանց 3-րդ կողմի
Sputnik Արմենիա
ՀՀ վարչապետի խոսքով` անվտանգության միակ հուսալի երաշխիքը տևական խաղաղությունն է։ 22.05.2023, Sputnik Արմենիա
2023-05-22T14:52+0400
2023-05-22T14:52+0400
2023-05-22T17:35+0400
նիկոլ փաշինյան
հայաստան
խաղաղություն
տեսանյութ
տեսանյութեր
https://cdn.am.sputniknews.ru/img/07e7/05/16/59948703_0:0:1920:1080_1920x0_80_0_0_48069b890d9a46cda5ecef8832a3ea94.jpg
Հայաստանն իր անվտանգությունը տեսնում է միայն տարածաշրջանում խաղաղություն ունենալով։ Այսօրվա ասուլիսի ժամանակ այս հայտարարությունն արեց ՀՀ վարչապետ Նիկոլ Փաշինյանը` պատասխանելով Sputnik Արմենիայի հարցին, թե ՀՀ վարչապետը որ հարթակներում և ինչպես է տեսնում Հայաստանի անվտանգությունը։Ըստ նրա` անվտանգության միակ հուսալի երաշխիքը տևական, ինստիտուցիոնալ և համապարփակ խաղաղությունն է։ Ճշտող հարցին, թե ում հետ, Փաշինյանը պատասխանեց` մեր միջավայրի ու մեր տարածաշրջանի։Փաշինյանի խոսքով` այս մասին պետք է մտածել, չմտածելը դավաճանություն կլինի։Վարչապետը անդրադարձավ հաճախ շրջանառվող հարցին, թե ինչու է ՀՀ–ն համաձայնել ԵՄ դիտորդների առկայությանը իր տարածքում, իսկ ՀԱՊԿ առաքելության առկայությանը չի համաձայնել։86,6 հազար քառակուսին ներառում է նաև Լեռնային Ղարաբաղը. Փաշինյան«Շատ պարզ պատճառ կա, որովհետև անվտանգության ոլորտում ՀԱՊԿ–ի հետ մենք ունենք պայմանագիր, որտեղ փոխադարձաբար պարտավորությունները ֆիքսված են։ Հիմա մենք դիսոնանս ենք տեսնում իրենց գործողությունների ու պարտավորությունների մեջ, ասում ենք` հարգելի գործընկերներ, եկեք սկզբից դիսոնանսի հարցը լուծենք, հետո մոնիտորինգի, որովհետև առանց դիսոնանսի հարցը լուծելու` չի կարող մոնիտորինգը լինել արդյունավետ»,– հայտարարեց վարչապետը։Փաշինյանն ընդգծեց` Հայաստանը ԵՄ–ի հետ դիսոնանս չունի, որովհետև ԵՄ–ի հետ չունի անվտանգային ոլորտում կնքած որևէ փաստաթուղթ։Պատասխանելով մեկ այլ լրատվամիջոցի հարցին, թե ինչու Հայաստանը չի կարողանում կողմնորոշվել` փոխել հին դաշնակցին, ունենալ նոր դաշնակից, բոլորի հետ դաշնակցել, թե ընդհանրապես չունենալ դաշնակից, Փաշինյանն ասաց` ՀՀ–ն վարել է ու վարելու է բալանսավորված արտաքին քաղաքականություն, բայց նաև խոստովանեց, որ հայտնի հանգամանքների բերումով բալանսավորման հնարավորությունը ամեն օրվա հետ ավելի ու ավելի քչանում ու նեղանում է։«Սա մեզ համար ստեղծում է լրացուցիչ բարդություններ, բայց մենք երկու աթոռի վրա նստելու քաղաքականություն չենք վարում»,– նշեց նա։Նա վստահեցրեց, որ այս հանգամանքը չի նշանակում, որ պետք է կտրուկ չմտածված ու չհաշվարկված գործողություններ անել։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
նիկոլ փաշինյան, видео, հայաստան, խաղաղություն, տեսանյութ, տեսանյութեր
նիկոլ փաշինյան, видео, հայաստան, խաղաղություն, տեսանյութ, տեսանյութեր
ՀՀ–ն իր անվտանգությունը տեսնում է տարածաշրջանում խաղաղություն ունենալով` առանց 3-րդ կողմի
14:52 22.05.2023 (Թարմացված է: 17:35 22.05.2023) ՀՀ վարչապետի խոսքով` անվտանգության միակ հուսալի երաշխիքը տևական խաղաղությունն է։
Հայաստանն իր անվտանգությունը տեսնում է միայն տարածաշրջանում խաղաղություն ունենալով։ Այսօրվա ասուլիսի ժամանակ այս հայտարարությունն արեց ՀՀ վարչապետ Նիկոլ Փաշինյանը` պատասխանելով
Sputnik Արմենիայի հարցին, թե ՀՀ վարչապետը որ հարթակներում և ինչպես է տեսնում Հայաստանի անվտանգությունը։
Ըստ նրա` անվտանգության միակ հուսալի երաշխիքը տևական, ինստիտուցիոնալ և համապարփակ խաղաղությունն է։ Ճշտող հարցին, թե ում հետ, Փաշինյանը պատասխանեց` մեր միջավայրի ու մեր տարածաշրջանի։
«Եթե մենք ընկալում ունենանք, որ մեզ վրա անընդհատ պետք է հարձակվեն, և մենք պետք է պաշտպանվենք երրորդ ուժի աջակցությամբ ու օգնությամբ, ապա մի «իքս» պահի այդ երրորդ ուժը կարող է ասել` ես չեմ կարող ձեզ աջակցել, ես էլ իմ պրոբլեմները ունեմ, ես գնում եմ իմ խնդիրները լուծելու։ Եվ մենք կմնանք մեր թշնամիների հետ դեմ հանդիման։ Մենք մի անգամ դա արդեն տեսել ենք, ու դա մեր ժողովրդի ամենաողբերգական էջն է»,– ասաց նա։
Փաշինյանի խոսքով` այս մասին պետք է մտածել, չմտածելը դավաճանություն կլինի։
Վարչապետը անդրադարձավ հաճախ շրջանառվող հարցին, թե ինչու է ՀՀ–ն համաձայնել ԵՄ դիտորդների առկայությանը իր տարածքում, իսկ ՀԱՊԿ առաքելության առկայությանը չի համաձայնել։
«Շատ պարզ պատճառ կա, որովհետև անվտանգության ոլորտում ՀԱՊԿ–ի հետ մենք ունենք պայմանագիր, որտեղ փոխադարձաբար պարտավորությունները ֆիքսված են։ Հիմա մենք դիսոնանս ենք տեսնում իրենց գործողությունների ու պարտավորությունների մեջ, ասում ենք` հարգելի գործընկերներ, եկեք սկզբից դիսոնանսի հարցը լուծենք, հետո մոնիտորինգի, որովհետև առանց դիսոնանսի հարցը լուծելու` չի կարող մոնիտորինգը լինել արդյունավետ»,– հայտարարեց վարչապետը։
Փաշինյանն ընդգծեց` Հայաստանը ԵՄ–ի հետ դիսոնանս չունի, որովհետև ԵՄ–ի հետ չունի անվտանգային ոլորտում կնքած որևէ փաստաթուղթ։
Պատասխանելով մեկ այլ լրատվամիջոցի հարցին, թե ինչու Հայաստանը չի կարողանում կողմնորոշվել` փոխել հին դաշնակցին, ունենալ նոր դաշնակից, բոլորի հետ դաշնակցել, թե ընդհանրապես չունենալ դաշնակից, Փաշինյանն ասաց` ՀՀ–ն վարել է ու վարելու է բալանսավորված արտաքին քաղաքականություն, բայց նաև խոստովանեց, որ հայտնի հանգամանքների բերումով բալանսավորման հնարավորությունը ամեն օրվա հետ ավելի ու ավելի քչանում ու նեղանում է։
«Սա մեզ համար ստեղծում է լրացուցիչ բարդություններ, բայց մենք երկու աթոռի վրա նստելու քաղաքականություն չենք վարում»,– նշեց նա։
Նա վստահեցրեց, որ այս հանգամանքը չի նշանակում, որ պետք է կտրուկ չմտածված ու չհաշվարկված գործողություններ անել։
