https://arm.sputniknews.ru/20230522/tikin-gajanei-ajakicnery-sharunakum-en-anzhamket-nstacujcy-59931822.html
Փաշինյանի ասուլիսից առաջ տիկին Գայանեի աջակիցները շարունակում են անժամկետ նստացույցը
Փաշինյանի ասուլիսից առաջ տիկին Գայանեի աջակիցները շարունակում են անժամկետ նստացույցը
Sputnik Արմենիա
Այս երեք օրերի ընթացքում ոչ միայն իշխող քաղաքական ուժից որևէ մեկն իրենց հետ չի հանդիպել, այլև մարդու իրավունքների պաշտպանին չեն տեսել։ 22.05.2023, Sputnik Արմենիա
2023-05-22T10:50+0400
2023-05-22T10:50+0400
2023-05-22T12:03+0400
նստացույց
գայանե հակոբյան
մայր
զոհ
կալանք
աշոտ փաշինյան
https://cdn.am.sputniknews.ru/img/07e7/05/16/59933301_0:40:1600:940_1920x0_80_0_0_6b935222b00671c4c2978d00452d2d43.jpg
ԵՐԵՎԱՆ, 22 մայիսի – Sputnik. Թեպետ գիշերային ժամերին շատ ցուրտ է լինում, բայց զոհվածների ծնողներն ու նրանց աջակիցներն արդեն երրորդ գիշերն են անցկացրել կառավարության առջև։Այսօր լրագրողների հետ զրույցում 44-օրյա պատերազմում զոհված Ժորա Սահակյանի հայրը` Վահիդ Սահակյանը նշեց` անգամ վրան կամ որևէ ծածկ տեղադրել թույլ չեն տալիս, բայց դա էլ իրենց հետ չի պահում ակցիայից, որն ուղղված է Գայանե Հակոբյանի կալանավորման որոշման դեմ։Նրա խոսքով` մինչ այս պահը իրենց հետ չի հանդիպել իշխող կուսակցությունից որևէ մեկը, չեն տեսել նաև մարդու իրավունքների պաշտպանին։Այս երեք օրերի ընթացքում ոչ միայն իշխող քաղաքական ուժից որևէ մեկն իրենց հետ չի հանդիպել, այլև մարդու իրավունքների պաշտպանին չեն տեսել։Կապիտան Իշխան Հարությունյանի այրին` Արուս Հարությունյանը, դիմեց հանրությանը` խնդրելով հարց ուղղել իրենք իրենց` ի՞նչ է արել Գայանե Հակոբյանը կալանավորվելու համար։«Ի՞նչ է արել Գայանեն, 5000 տղայի գլու՞խ է կերել։ Ինձ համար վրդովեցնող է հասարակության պասիվությունը, Գայանեի որդին ձեզ համար է հանգչում Եռաբլուրում։ Փաշինյանն ապացուցում է` ի՞նչ ուզենա` կարող է անել ձեր գլխին»,– նշեց տիկին Հարությունյանը։Հավելեց, որ իրենց պայքարը միայն այս նստացույցով չի սահմանափակվելու, քննարկելու են որոշում են կայացնելու հետագա քայլերի համար։Զոհվածների ծնողները նաև խոստացան` Եռաբլուր չեն գնալու, քանի դեռ Գայանեն ազատության մեջ չէ, որովհետև նա չի կարող որդու շիրիմին այցելել։Հիշեցնենք` վարչապետի ընտանիքին պատկանող «Հայկական ժամանակը» մայիսի 17-ին տեղեկություն տարածեց, թե «Որդիների կանչ» ՀԿ–ի անդամները փորձել են առևանգել վարչապետի որդուն։ Ըստ թերթի` զոհված զինծառայողների ծնողները ստիպել են Աշոտ Փաշինյանին նստել իրենց մեքենան, սակայն նրան հաջողվել է դուրս նետվել մի պահ կանգ առած մեքենայից, ինչի հետևանքով նրան վրաերթի է ենթարկել նույն կազմակերպության անդամների հետևից ընթացող մեքենան: Ավելի ուշ հայտնի դարձավ, որ Աշոտ Փաշինյանի կողմից ՀՀ ոստիկանությունում ներկայացված հաղորդումը փոխանցվել է ՀՀ քննչական կոմիտե, քրեական գործ է հարուցվել մարդուն առևանգելու հոդվածով, ձերբակալվել է մեկ անձ` Գայանե Հակոբյանը։Մայիսի 18-ին Երևանի Շենգավիթ վարչական շրջանի քննչական վարչությունում Աշոտ Փաշինյանի և Գայանե Հակոբյանի միջև առերեսում է եղել։Նույն օրը հայտնի դարձավ, որ զոհված զինծառայողի մայրը հացադուլ է հայտարարել։Մայիսի 20-ին՝ Գայանե Հակոբյանի կալանավորման որոշումից հետո 44–օրյա պատերազմում զոհված զինծառայողների ծնողները երթով Արշակունյանց պողոտայով շարժվեցին դեպի Հանրապետության հրապարակ ու անժամկետ նստացույց հայտարարեցին. նրանք պահանջում են ազատ արձակել Գայանե Հակոբյանին։ Հավելենք, որ վերջինս մայիսի 20-ին դադարեցրել է հացադուլը։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
նստացույց, գայանե հակոբյան, մայր, զոհ, կալանք, աշոտ փաշինյան
նստացույց, գայանե հակոբյան, մայր, զոհ, կալանք, աշոտ փաշինյան
Փաշինյանի ասուլիսից առաջ տիկին Գայանեի աջակիցները շարունակում են անժամկետ նստացույցը
10:50 22.05.2023 (Թարմացված է: 12:03 22.05.2023) Այս երեք օրերի ընթացքում ոչ միայն իշխող քաղաքական ուժից որևէ մեկն իրենց հետ չի հանդիպել, այլև մարդու իրավունքների պաշտպանին չեն տեսել։
ԵՐԵՎԱՆ, 22 մայիսի – Sputnik. Թեպետ գիշերային ժամերին շատ ցուրտ է լինում, բայց զոհվածների ծնողներն ու նրանց աջակիցներն արդեն երրորդ գիշերն են անցկացրել կառավարության առջև։
Այսօր լրագրողների հետ զրույցում 44-օրյա պատերազմում զոհված Ժորա Սահակյանի հայրը` Վահիդ Սահակյանը նշեց` անգամ վրան կամ որևէ ծածկ տեղադրել թույլ չեն տալիս, բայց դա էլ իրենց հետ չի պահում ակցիայից, որն ուղղված է Գայանե Հակոբյանի կալանավորման որոշման դեմ։
«Անկախ եղանակային պայմաններից, երեկ երկու–երեք անգամ հորդառատ անձրևի տակ էինք` բաց վիճակում, ինչ էլ որ լինի` գտնվելու ենք այստեղ, մենք ցանկանում ենք և խնդրում հասարակությանը, որ միանան մեզ, համալրեն մեր շարքերը, որ մեր ձայնն ավելի լսելի լինի կառավարության, հատկապես` Նիկոլ Փաշինյանի համար»,– նշեց Սահակյանը։
Նրա խոսքով` մինչ այս պահը իրենց հետ չի հանդիպել իշխող կուսակցությունից որևէ մեկը, չեն տեսել նաև մարդու իրավունքների պաշտպանին։
Այս երեք օրերի ընթացքում ոչ միայն իշխող քաղաքական ուժից որևէ մեկն իրենց հետ չի հանդիպել, այլև մարդու իրավունքների պաշտպանին չեն տեսել։
Կապիտան Իշխան Հարությունյանի այրին` Արուս Հարությունյանը, դիմեց հանրությանը` խնդրելով հարց ուղղել իրենք իրենց` ի՞նչ է արել Գայանե Հակոբյանը կալանավորվելու համար։
«Ի՞նչ է արել Գայանեն, 5000 տղայի գլու՞խ է կերել։ Ինձ համար վրդովեցնող է հասարակության պասիվությունը, Գայանեի որդին ձեզ համար է հանգչում Եռաբլուրում։ Փաշինյանն ապացուցում է` ի՞նչ ուզենա` կարող է անել ձեր գլխին»,– նշեց տիկին Հարությունյանը։
Նա ընդգծեց, որ իրենց պայքարի համատեքստում վարչապետ Նիկոլ Փաշինյանի հետ հանդիպում չեն պահանջել, որովհետև վստահ չեն, որ կարող են հանդուրժել նրա ներկայությունը։
Հավելեց, որ իրենց պայքարը միայն այս նստացույցով չի սահմանափակվելու, քննարկելու են որոշում են կայացնելու հետագա քայլերի համար։
Զոհվածների ծնողները նաև խոստացան` Եռաբլուր չեն գնալու, քանի դեռ Գայանեն ազատության մեջ չէ, որովհետև նա չի կարող որդու շիրիմին այցելել։
Հիշեցնենք` վարչապետի ընտանիքին պատկանող «Հայկական ժամանակը» մայիսի 17-ին տեղեկություն
տարածեց, թե «Որդիների կանչ» ՀԿ–ի անդամները փորձել են առևանգել վարչապետի որդուն։ Ըստ թերթի` զոհված զինծառայողների ծնողները ստիպել են Աշոտ Փաշինյանին նստել իրենց մեքենան, սակայն նրան հաջողվել է դուրս նետվել մի պահ կանգ առած մեքենայից, ինչի հետևանքով նրան վրաերթի է ենթարկել նույն կազմակերպության անդամների հետևից ընթացող մեքենան: Ավելի ուշ հայտնի դարձավ, որ Աշոտ Փաշինյանի կողմից ՀՀ ոստիկանությունում ներկայացված հաղորդումը փոխանցվել է ՀՀ քննչական կոմիտե,
քրեական գործ է հարուցվել մարդուն առևանգելու հոդվածով, ձերբակալվել է մեկ անձ` Գայանե Հակոբյանը։
Մայիսի 18-ին Երևանի Շենգավիթ վարչական շրջանի քննչական վարչությունում Աշոտ Փաշինյանի և Գայանե Հակոբյանի միջև
առերեսում է եղել։
Նույն օրը
հայտնի դարձավ, որ զոհված զինծառայողի մայրը հացադուլ է հայտարարել։
Մայիսի 20-ին՝ Գայանե Հակոբյանի կալանավորման որոշումից հետո 44–օրյա պատերազմում զոհված զինծառայողների ծնողները երթով Արշակունյանց պողոտայով շարժվեցին դեպի Հանրապետության հրապարակ ու անժամկետ նստացույց հայտարարեցին. նրանք պահանջում են ազատ արձակել Գայանե Հակոբյանին։ Հավելենք, որ վերջինս մայիսի 20-ին
դադարեցրել է հացադուլը։
