https://arm.sputniknews.ru/20230524/anklavneri-harcy-qnnarkvel-e-mjunkhenum-ev-brjuselum-bajc-lutsvats-che-pashinjan-60067264.html
Անկլավների թեման քննարկվել է Մյունխենում և Բրյուսելում, բայց հարցը լուծված չէ. Փաշինյան
Անկլավների թեման քննարկվել է Մյունխենում և Բրյուսելում, բայց հարցը լուծված չէ. Փաշինյան
Sputnik Արմենիա
ՀՀ վարչապետի խոսքով` անկլավների հարցն ունի երկու կողմ`իրավական և քաղաքական։ Իրավականի վերաբերյալ լրացուցիչ հարցեր կան։ 24.05.2023, Sputnik Արմենիա
2023-05-24T17:43+0400
2023-05-24T17:43+0400
2023-05-24T17:58+0400
հայաստան
ադրբեջան
անկլավ
նիկոլ փաշինյան
https://cdn.am.sputniknews.ru/img/07e6/0a/04/49271978_0:0:1600:901_1920x0_80_0_0_43f7ac6c8df436d00afb0d2e30a27813.jpg
ԵՐԵՎԱՆ, 24 մայիսի – Sputnik. Անկլավների մասով ոչ մի բան որոշված չէ։ Այսօր ԱԺ–ում կառավարության հետ հարցուպատասխանի ժամանակ այս հայտարարությունն արեց ՀՀ վարչապետ Նիկոլ Փաշինյանը` անդրադառնալով անկլավների մասին իր հայտարարության վերաբերյալ հասարակական արձագանքին։Մայիսի 22-ին լրագրողների հետ հանդիպմանը Փաշինյանը հստակեցրեց, թե ինչ է նշանակում, որ Հայաստանը ճանաչում է Ադրբեջանի տարածքային ամբողջականությունը 86,6 հազար քառակուսի կմ տարածքով, և հայտարարեց` Ադրբեջանի 86,6 հազար քառակուսի կմ տարածքը ներառում է նաև Լեռնային Ղարաբաղը։ Նա ասաց նաև, որ Հայաստանի 29 800 քառ․ կմ տարածքային ամբողջականության մեջ Արարատի մարզի Տիգրանաշեն համայնքը և Տավուշի 6 գյուղերը չեն ներառվում։Նրա խոսքով՝ քաղաքական մակարդակում անկլավների թեման վաղուց է եղել։ Օրինակ` 1999 թվականին տարածքների փոխանակման մասին փաստաթղթի մեջ 4–րդ հոդվածը նվիրված է Հայաստանի և Ադրբեջանի անկլավների խնդրին։Փաշինյանը նշեց` հարցն ունի իրավական և քաղաքական կողմ։Նրա խոսքով` քաղաքական մակարդակում դա կողմերը ճանաչում են։ Այնուամենայնիվ, իրավական հարթության վրա անկլավներից մի քանիսի վերաբերյալ լրացուցիչ հարցեր կան:Փաշինյանը հավելեց` երբ կողմերը միմյանց տարածքային ամբողջականության ճանաչեն, առաջանում է անկլավների հարցը։ Բայց հենց հաստատվի անկլավների դե յուրե կարգավիճակը, խնդրի լուծման մի քանի տարբերակներ կհայտնվեն։«Այն, ինչ մնում է սահմանից այն կողմ, մնում է սահմանից այն կողմ գտնվող երկրի տարածքում։ Որը սահմանից այս կողմ է, մնում է սահմանից այս կողմ գտնվող երկրի տարածքում»,–ասաց ՀՀ վարչապետը։Ըստ նրա`եթե կողմերից մեկը դրա հետ համաձայն չէ, պետք է այլ լուծումներ քննարկել։«Օրինակ` պատկերացնո՞ւմ եք` մենք գնանք, ասենք` Արծվաշենը չենք ուզում, թող մյուսները մնան մեր տարածքում։ Այստեղ էլ իրավական հարցեր կան, որոնք պարզ չեն։ Եթե գնանք, ասենք` Արծվաշենը չենք ուզում, ո՞վ կարող է Հայաստանի ինքնիշխան տարածքից հրաժարվել»,- ասաց վարչապետը։Փաշինյանի խոսքով` այս հարցում ճկուն մոտեցման զգալի հնարավորություն կա։
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ադրբեջան, անկլավ, նիկոլ փաշինյան
հայաստան, ադրբեջան, անկլավ, նիկոլ փաշինյան
Անկլավների թեման քննարկվել է Մյունխենում և Բրյուսելում, բայց հարցը լուծված չէ. Փաշինյան
17:43 24.05.2023 (Թարմացված է: 17:58 24.05.2023) ՀՀ վարչապետի խոսքով` անկլավների հարցն ունի երկու կողմ`իրավական և քաղաքական։ Իրավականի վերաբերյալ լրացուցիչ հարցեր կան։
ԵՐԵՎԱՆ, 24 մայիսի – Sputnik. Անկլավների մասով ոչ մի բան որոշված չէ։ Այսօր ԱԺ–ում կառավարության հետ հարցուպատասխանի ժամանակ այս հայտարարությունն արեց ՀՀ վարչապետ Նիկոլ Փաշինյանը` անդրադառնալով անկլավների մասին իր հայտարարության վերաբերյալ հասարակական արձագանքին։
Մայիսի 22-ին լրագրողների հետ հանդիպմանը Փաշինյանը հստակեցրեց, թե ինչ է նշանակում, որ Հայաստանը ճանաչում է Ադրբեջանի տարածքային ամբողջականությունը 86,6 հազար քառակուսի կմ տարածքով, և հայտարարեց`
Ադրբեջանի 86,6 հազար քառակուսի կմ տարածքը ներառում է նաև Լեռնային Ղարաբաղը։ Նա ասաց նաև, որ
Հայաստանի 29 800 քառ․ կմ տարածքային ամբողջականության մեջ Արարատի մարզի Տիգրանաշեն համայնքը և Տավուշի 6 գյուղերը չեն ներառվում։
Նրա խոսքով՝ քաղաքական մակարդակում անկլավների թեման վաղուց է եղել։ Օրինակ` 1999 թվականին տարածքների փոխանակման մասին փաստաթղթի մեջ 4–րդ հոդվածը նվիրված է Հայաստանի և Ադրբեջանի անկլավների խնդրին։
Փաշինյանը նշեց` հարցն ունի իրավական և քաղաքական կողմ։
«Քաղաքական մակարդակում Մյունխենում և Բրյուսելում եղել է հետևյալ խոսակցությունը, որ կողմերը փոխադարձաբար ճանաչում են անկլավների գոյությունը, մասնավորապես, որ կա Արծվաշեն, որը պատկանել և պատկանում է Հայաստանի Հանրապետությանը, և անկլավներ, որոնք Հայաստանի տարածքում են, որոնք պատկանում են Ադրբեջանին»,–ասաց Փաշինյանը։
Նրա խոսքով` քաղաքական մակարդակում դա կողմերը ճանաչում են։ Այնուամենայնիվ, իրավական հարթության վրա անկլավներից մի քանիսի վերաբերյալ լրացուցիչ հարցեր կան:
Փաշինյանը հավելեց` երբ կողմերը միմյանց տարածքային ամբողջականության ճանաչեն, առաջանում է անկլավների հարցը։ Բայց հենց հաստատվի անկլավների դե յուրե կարգավիճակը, խնդրի լուծման մի քանի տարբերակներ կհայտնվեն։
«Այն, ինչ մնում է սահմանից այն կողմ, մնում է սահմանից այն կողմ գտնվող երկրի տարածքում։ Որը սահմանից այս կողմ է, մնում է սահմանից այս կողմ գտնվող երկրի տարածքում»,–ասաց ՀՀ վարչապետը։
Ըստ նրա`եթե կողմերից մեկը դրա հետ համաձայն չէ, պետք է այլ լուծումներ քննարկել։
«Օրինակ` պատկերացնո՞ւմ եք` մենք գնանք, ասենք` Արծվաշենը չենք ուզում, թող մյուսները մնան մեր տարածքում։ Այստեղ էլ իրավական հարցեր կան, որոնք պարզ չեն։ Եթե գնանք, ասենք` Արծվաշենը չենք ուզում, ո՞վ կարող է Հայաստանի ինքնիշխան տարածքից հրաժարվել»,- ասաց վարչապետը։
Փաշինյանի խոսքով` այս հարցում ճկուն մոտեցման զգալի հնարավորություն կա։
