https://arm.sputniknews.ru/20230524/anvtangutjun-vor-depqum-petq-e-azh-nakhagahy-ppts-tsarajvoghnerin-nisteri-dahlitsh-hraviri-60082184.html
Անվտանգությո՞ւն. որ դեպքում պետք է ԱԺ նախագահը ՊՊԾ ծառայողներին նիստերի դահլիճ հրավիրի
Անվտանգությո՞ւն. որ դեպքում պետք է ԱԺ նախագահը ՊՊԾ ծառայողներին նիստերի դահլիճ հրավիրի
Sputnik Արմենիա
Արդարադատության գեներալ-մայորը նշում է, որ ՊՊԾ ծառայողը, եթե կատարում է ԱԺ նախագահի անօրինական հրահանգը, դրանով ևս հանցագործություն է անում։ 24.05.2023, Sputnik Արմենիա
2023-05-24T21:35+0400
2023-05-24T21:35+0400
2023-05-24T21:35+0400
պետական պահպանության ծառայություն (պպծ)
աժ (ազգային ժողով)
ալեն սիմոնյան
պատգամավոր
քաշքշուկ
ծեծկռտուք
https://cdn.am.sputniknews.ru/img/07e5/08/19/28775452_0:0:1601:901_1920x0_80_0_0_291de5aa2019a789900ec78793f963e1.jpg
ԵՐԵՎԱՆ, 24 մայիսի - Sputnik. Պետական պահպանության ծառայությունը Ազգային ժողովի նախագահի հրահանգը կատարելիս պետք է հաշվի առնի` որքանով է այն իրավաչափ։ Նման կարծիք Sputnik Արմենիայի հետ զրույցում հայտնեց արդարադատության գեներալ-մայոր Թաթուլ Պետրոսյանը` անդրադառնալով ԱԺ-ի այսօր քաշքշուկին։Նշենք, որ այսօր ԱԺ-ում «Հայաստան» խմբակցության պատգամավոր Արթուր Սարգսյանի ելույթից հետո, որտեղ նա մեղադրանքներ էր հնչեցրել Վճռաբեկ դատարանի հակակոռուպցիոն պալատի դատավորի թեկնածու Արմեն Դանիելյանի հասցեին, իշխանական և ընդդիմադիր պատգամավորների միջև քաշքշուկ էր սկսվել։ Դրանից հետո ԱԺ նախագահ Ալեն Սիմոնյանը հայտարարել էր ընդմիջում և ներս հրավիրել անվտանգության աշխատակիցներին։Պետրոսյանի դիտարկմամբ` անվտանգության ուժերն ԱԺ–ում պետք է օգտագործվեն բացառապես օրենքով սահմանված կարգով: Մինչդեռ ԱԺ նախագահը նիստերի դահլիճ է հրավիրում անվտանգության աշխատակիցներին, երբ ցանկանա:Արդարադատության գեներալ-մայորի խոսքով` նախորդ իշխանությունների ժամանակ էլ խորհրդարանում կռիվներ ու վիրավորական արտահայտություններ լինում էին, բայց այժմյան խորհրդարանն իր ցինիզմով և լկտիությամբ գերազանցել է նախորդ բոլոր գումարումների ԱԺ–ներին։«Իրականում տեղի ունեցավ հետևյալը` ընդդիմադիր պատգամավորը ելույթից հետո որոշեց նայել իրենց դատած դատավորի աչքերին, որից հետո իշխանական պատգամավորներից մեկը, որը չի փայլում իր գիտելիքներով, պրովոկացիա արեց` արտահայտվելով. «վեր ընգի տեղդ»։ Սա չլսված կոպտություն է պատգամավորի կողմից մեկ այլ խորհրդարանականի հասցեին»,–ասաց նա։Տվյալ դեպքում, ըստ նրա, պետք է դահլիճից հեռացվեր իշխող ուժի պատգամավորը, որն առաջինն էր խախտել կարգը և սադրել։Այս դեպքում կիրառվել են երկակի ստանդարտներ։Պետրոսյանը հիշեցնում է, որ ըստ ԱԺ կանոնակարգ օրենքի, ԱԺ նախագահը պարտավոր է անվտանգության աշխատակիցներ հրավիրել նիստերի դահլիճ, եթե տեղի է ունենում անկարգություն կոնկրետ անձի կողմից։ Ազգային ժողովի նախագահը իրավասու է նրան ասել, որ լքի դահլիճը։ Եվ միայն նրա չհեռանալու դեպքում է նա դիմում անվտանգության ուժերին։Ընդհանրապես քաշքշուկները և նմանատիպ միջադեպերը տեղի են ունենում շատ երկրների խորհրդարաններում, սակայն միայն Հայաստանի խորհրդարանում է, որ միջադեպերի ժամանակ մի ամբողջ բանակ անվտանգության ծառայողներ են «լցվում» նիստերի դահլիճ և բռնություն կիրառում պատգամավորի նկատմամբ։Մեր զրուցակիցը մատնանշում է այն փաստը, որ խորհրդարան էքսկուրսիաների են գալիս դպրոցականներ, որոնք ականատես են լինում, թե ինչպես են անվտանգության աշխատակիցները ներխուժում դահլիճ և բռնություն գործադրում ընդդիմադիր պատգամավորի նկատմամբ:Անթույլատրելի է ցանկացած բռնություն ոչ միայն անձեռնմխելիություն ունեցողների, այլև շարքային քաղաքացու նկատմամբ։ Իսկ ՊՊԾ աշխատակցի կողմից բռնության կիրառումը, այն էլ անձեռնմխելիություն ունեցող պատգամավորի նկատմամբ, պաշտոնեական դիրքի չարաշահում և քրեական հետապնդման ենթակա գործողություն, որը, Պետրոսյանի խոսքով, պետք է ունենա հստակ քրեաիրավական հետևանքներ։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
պետական պահպանության ծառայություն (պպծ), աժ (ազգային ժողով), ալեն սիմոնյան, պատգամավոր, քաշքշուկ, ծեծկռտուք
պետական պահպանության ծառայություն (պպծ), աժ (ազգային ժողով), ալեն սիմոնյան, պատգամավոր, քաշքշուկ, ծեծկռտուք
Անվտանգությո՞ւն. որ դեպքում պետք է ԱԺ նախագահը ՊՊԾ ծառայողներին նիստերի դահլիճ հրավիրի
Արդարադատության գեներալ-մայորը նշում է, որ ՊՊԾ ծառայողը, եթե կատարում է ԱԺ նախագահի անօրինական հրահանգը, դրանով ևս հանցագործություն է անում։
ԵՐԵՎԱՆ, 24 մայիսի - Sputnik. Պետական պահպանության ծառայությունը Ազգային ժողովի նախագահի հրահանգը կատարելիս պետք է հաշվի առնի` որքանով է այն իրավաչափ։ Նման կարծիք Sputnik Արմենիայի հետ զրույցում հայտնեց արդարադատության գեներալ-մայոր Թաթուլ Պետրոսյանը` անդրադառնալով ԱԺ-ի այսօր քաշքշուկին։
Նշենք, որ այսօր ԱԺ-ում «Հայաստան» խմբակցության պատգամավոր Արթուր Սարգսյանի ելույթից հետո, որտեղ նա մեղադրանքներ էր հնչեցրել Վճռաբեկ դատարանի հակակոռուպցիոն պալատի դատավորի թեկնածու Արմեն Դանիելյանի հասցեին, իշխանական և ընդդիմադիր պատգամավորների միջև
քաշքշուկ էր սկսվել։ Դրանից հետո ԱԺ նախագահ Ալեն Սիմոնյանը հայտարարել էր ընդմիջում և ներս հրավիրել անվտանգության աշխատակիցներին։
Պետրոսյանի դիտարկմամբ` անվտանգության ուժերն ԱԺ–ում պետք է օգտագործվեն բացառապես օրենքով սահմանված կարգով: Մինչդեռ ԱԺ նախագահը նիստերի դահլիճ է հրավիրում անվտանգության աշխատակիցներին, երբ ցանկանա:
«ՊՊԾ ծառայողը, եթե տեսնում է, որ ԱԺ նախագահի հրահանգը օրինաչափ և իրավաչափ չէ, պարտավոր է չկատարել: Հակառակ դեպքում, եթե կատարում են անօրինական հրամանը, որի հետևանքով հանցագործության կոնկրետ դեպք է տեղի ունենում, նրանք պետք է պատժվեն, անկախ նրանից ծառայության մեջ են եղել, թե ոչ։ Այսինքն` անօրինական հրաման կատարելը ևս հանցագործություն է դիտվում»,–ասաց Պետրոսյանը։
Արդարադատության գեներալ-մայորի խոսքով` նախորդ իշխանությունների ժամանակ էլ խորհրդարանում կռիվներ ու վիրավորական արտահայտություններ լինում էին, բայց այժմյան խորհրդարանն իր ցինիզմով և լկտիությամբ գերազանցել է նախորդ բոլոր գումարումների ԱԺ–ներին։
«Իրականում տեղի ունեցավ հետևյալը` ընդդիմադիր պատգամավորը ելույթից հետո որոշեց նայել իրենց դատած դատավորի աչքերին, որից հետո իշխանական պատգամավորներից մեկը, որը չի փայլում իր գիտելիքներով, պրովոկացիա արեց` արտահայտվելով. «վեր ընգի տեղդ»։ Սա չլսված կոպտություն է պատգամավորի կողմից մեկ այլ խորհրդարանականի հասցեին»,–ասաց նա։
Տվյալ դեպքում, ըստ նրա, պետք է դահլիճից հեռացվեր իշխող ուժի պատգամավորը, որն առաջինն էր խախտել կարգը և սադրել։Այս դեպքում կիրառվել են երկակի ստանդարտներ։
Պետրոսյանը հիշեցնում է, որ ըստ ԱԺ կանոնակարգ օրենքի, ԱԺ նախագահը պարտավոր է անվտանգության աշխատակիցներ հրավիրել նիստերի դահլիճ, եթե տեղի է ունենում անկարգություն կոնկրետ անձի կողմից։ Ազգային ժողովի նախագահը իրավասու է նրան ասել, որ լքի դահլիճը։ Եվ միայն նրա չհեռանալու դեպքում է նա դիմում անվտանգության ուժերին։
«ՊՊԾ ծառայողներն էլ պետք է գործեն օրենքով սահմանված իրենց լիազորությունների շրջանակում` առանց որևէ բռնության կիրառման։ Իսկ այսօրվա քաշքշուկի տեսագրությունում անվտանգության աշխատակիցը հարձակվել է պատգամավորի վրա՝ նույնիսկ նրան ոչ մի պահանջ չներկայացնելով։ Անվտանգության աշխատակիցները պարտավոր են հստակ ձևակերպել իրենց պահանջը և ասել, որ կարգազանց պատգամավորը լքի նիստերի դահլիճը: Բայց նա հարձակվում է և ուժ կիրառում», - նշում է Պետրոսյանը։
Ընդհանրապես քաշքշուկները և նմանատիպ միջադեպերը տեղի են ունենում շատ երկրների խորհրդարաններում, սակայն միայն Հայաստանի խորհրդարանում է, որ միջադեպերի ժամանակ մի ամբողջ բանակ անվտանգության ծառայողներ են «լցվում» նիստերի դահլիճ և բռնություն կիրառում պատգամավորի նկատմամբ։
Մեր զրուցակիցը մատնանշում է այն փաստը, որ խորհրդարան էքսկուրսիաների են գալիս դպրոցականներ, որոնք ականատես են լինում, թե ինչպես են անվտանգության աշխատակիցները ներխուժում դահլիճ և բռնություն գործադրում ընդդիմադիր պատգամավորի նկատմամբ:
Անթույլատրելի է ցանկացած բռնություն ոչ միայն անձեռնմխելիություն ունեցողների, այլև շարքային քաղաքացու նկատմամբ։ Իսկ ՊՊԾ աշխատակցի կողմից բռնության կիրառումը, այն էլ անձեռնմխելիություն ունեցող պատգամավորի նկատմամբ, պաշտոնեական դիրքի չարաշահում և քրեական հետապնդման ենթակա գործողություն, որը, Պետրոսյանի խոսքով, պետք է ունենա հստակ քրեաիրավական հետևանքներ։
