https://arm.sputniknews.ru/20230524/astghadzvorum-hvoghataratsq-e-trvel-entavardzakalutjan-hamajnqapetin-meghadranq-e-nerkajacvel-60051419.html
Աստղաձորում հողատարածքը տվել են ենթավարձակալության. համայնքապետին մեղադրանք է ներկայացվել
Աստղաձորում հողատարածքը տվել են ենթավարձակալության. համայնքապետին մեղադրանք է ներկայացվել
Sputnik Արմենիա
Համայնքի հողամասը 25 տարի ժամկետով տրվել է վարձակալության` տարեկան 2520 դրամ վարձավճարով։ Վարձակալը երկու ամիս անց այն արդեն հանձնել է ենթավարձակալության 70... 24.05.2023, Sputnik Արմենիա
2023-05-24T14:35+0400
2023-05-24T14:35+0400
2023-05-24T14:39+0400
հհ քննչական կոմիտե
մեղադրանք
համայնքի ղեկավար
վարձակալություն
https://cdn.am.sputniknews.ru/img/07e6/09/0d/48124992_0:104:1001:667_1920x0_80_0_0_1db4aab8f5161205c560efb9a79b39d3.jpg
ԵՐԵՎԱՆ, 24 մայիսի – Sputnik․ ՀՀ Գեղարքունիքի մարզի Աստղաձոր համայնքի ղեկավարի պաշտոնեական անփութության հետևանքով պետությանը պատճառվել է 10 մլն դրամի չափով վնաս։ Համայնքի ղեկավարը պատասխանատվություն կկրի դրա համար։ Այս մասին տեղեկանում ենք ՀՀ քննչական կոմիտեի լրատվական ծառայությունից։Մասնավորապես նշվում է, որ 2008 թվականին Աստղաձոր համայնքի ղեկավարի կողմից լիազորված անձը մի քաղաքացու «Թոփ Դար» տարածքի գյուղատնտեսական նշանակության 0.1 հա մակերեսով հողատարածքը 25 տարի ժամկետով տվել է վարձակալության` տարեկան 2520 դրամ վարձավճարով։Համայնքի ղեկավարի պաշտոնը զբաղեցրած անձը, տեղյակ լինելով նման գործարքի, այդ թվում՝ հողատարածքը ենթավարճակալության տրամադրվելու մասին, չի լուծարել վարձակալության պայմանագիրը, միջոցներ չի ձեռնարկել համայնքի խախտված իրավունքները վերականգնելու, ինչպես նաև օրենսդրության պահանջների կատարումն ապահովելու ուղղությամբ։Արդյունքում Աստղաձոր համայնքի իրավունքներին ու օրինական շահերին պատճառվել է էական վնաս, համայնքը զրկվել է այդ ֆինանսական աղբյուրից ավելի քան 10մլն դրամի չափով օգտվելու հնարավորությունից:Գուգարքի նախկին համայնքապետը հողը «ջրի գնով» վարձով է տվել կնոջը և զղջացել արածի համարՁեռք բերված բավարար փաստերի հիման վրա համայնքի ղեկավարին մեղադրանք է ներկայացվել 2003 թվականի ապրիլի 18-ին ընդունված ՀՀ քրեական օրենսգրքի 315-րդ հոդվածի 2-րդ մասով, որը համապատասխանում է գործող ՀՀ քրեական օրենսգրքի 446-րդ հոդվածի 2-րդ մասին (պաշտոնեական անփութություն, որն անզգուշությամբ առաջացրել է առանձնապես խոշոր չափերի գույքային վնաս կամ այլ ծանր հետևանք):Քրեական վարույթով նախաքննությունն ավարտվել է, վարույթի նյութերն ուղարկվել են դատախազություն՝ մեղադրական եզրակացությունը հաստատելու և դատարան ուղարկելու միջնորդությամբ։Համայնքին պատճառված գույքային վնասի փոխհատուցումը երաշխավորելու նպատակով մեղադրյալի գույքի նկատմամբ արգելանք կիրառելու, վարձակալության պայմանագիրը լուծելու և համայնքի խախտված իրավունքները վերականգնելու ուղղությամբ միջոցներ են ձեռնարկվում։Զառիթափի համայնքապետը կեղծ աճուրդներ է անցկացրել և հողերն իր կնոջն օտարել. տեսանյութ
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հհ քննչական կոմիտե, մեղադրանք, համայնքի ղեկավար, վարձակալություն
հհ քննչական կոմիտե, մեղադրանք, համայնքի ղեկավար, վարձակալություն
Աստղաձորում հողատարածքը տվել են ենթավարձակալության. համայնքապետին մեղադրանք է ներկայացվել
14:35 24.05.2023 (Թարմացված է: 14:39 24.05.2023) Համայնքի հողամասը 25 տարի ժամկետով տրվել է վարձակալության` տարեկան 2520 դրամ վարձավճարով։ Վարձակալը երկու ամիս անց այն արդեն հանձնել է ենթավարձակալության 70 հազար դրամով։
ԵՐԵՎԱՆ, 24 մայիսի – Sputnik․ ՀՀ Գեղարքունիքի մարզի Աստղաձոր համայնքի ղեկավարի պաշտոնեական անփութության հետևանքով պետությանը պատճառվել է 10 մլն դրամի չափով վնաս։ Համայնքի ղեկավարը պատասխանատվություն կկրի դրա համար։ Այս մասին տեղեկանում ենք
ՀՀ քննչական կոմիտեի լրատվական ծառայությունից։
Մասնավորապես նշվում է, որ 2008 թվականին Աստղաձոր համայնքի ղեկավարի կողմից լիազորված անձը մի քաղաքացու «Թոփ Դար» տարածքի գյուղատնտեսական նշանակության 0.1 հա մակերեսով հողատարածքը 25 տարի ժամկետով տվել է վարձակալության` տարեկան 2520 դրամ վարձավճարով։
«Դրանից 2 ամիս անց վարձակալը նշված հողատարածքից 200 ք/մ մակերեսը ամսական 70.000 դրամ վարձավճարով (տարեկան 840.000 դրամ) հանձնել է ենթավարձակալության հեռահաղորդակցական գործունեություն ծավալող ընկերությանը։ Այնտեղ նշյալ ընկերությունը կայան է տեղադրել և շահագործել»,–գրված է ՔԿ հաղորդագրությունում։
Համայնքի ղեկավարի պաշտոնը զբաղեցրած անձը, տեղյակ լինելով նման գործարքի, այդ թվում՝ հողատարածքը ենթավարճակալության տրամադրվելու մասին, չի լուծարել վարձակալության պայմանագիրը, միջոցներ չի ձեռնարկել համայնքի խախտված իրավունքները վերականգնելու, ինչպես նաև օրենսդրության պահանջների կատարումն ապահովելու ուղղությամբ։
Արդյունքում Աստղաձոր համայնքի իրավունքներին ու օրինական շահերին պատճառվել է էական վնաս, համայնքը զրկվել է այդ ֆինանսական աղբյուրից ավելի քան 10մլն դրամի չափով օգտվելու հնարավորությունից:
Ձեռք բերված բավարար փաստերի հիման վրա համայնքի ղեկավարին մեղադրանք է ներկայացվել 2003 թվականի ապրիլի 18-ին ընդունված ՀՀ քրեական օրենսգրքի 315-րդ հոդվածի 2-րդ մասով, որը համապատասխանում է գործող ՀՀ քրեական օրենսգրքի 446-րդ հոդվածի 2-րդ մասին (պաշտոնեական անփութություն, որն անզգուշությամբ առաջացրել է առանձնապես խոշոր չափերի գույքային վնաս կամ այլ ծանր հետևանք):
Քրեական վարույթով նախաքննությունն ավարտվել է, վարույթի նյութերն ուղարկվել են դատախազություն՝ մեղադրական եզրակացությունը հաստատելու և դատարան ուղարկելու միջնորդությամբ։
Համայնքին պատճառված գույքային վնասի փոխհատուցումը երաշխավորելու նպատակով մեղադրյալի գույքի նկատմամբ արգելանք կիրառելու, վարձակալության պայմանագիրը լուծելու և համայնքի խախտված իրավունքները վերականգնելու ուղղությամբ միջոցներ են ձեռնարկվում։
