https://arm.sputniknews.ru/20230527/mihran-pvoghvosjany-tesaugherdz-e-hghel-inch-e-hajtnum-na-1-t-kvokaini-gvortsi-veraberjal-60262719.html

Միհրան Պողոսյանը տեսաուղերձ է հղել․ ինչ է հայտնում նա 1 տ կոկաինի գործի վերաբերյալ

Միհրան Պողոսյանը տեսաուղերձ է հղել․ ինչ է հայտնում նա 1 տ կոկաինի գործի վերաբերյալ

Sputnik Արմենիա

Պողոսյանը հայտարարում է, որ պատկան մարմինները կարող են իր տեսաուղերձում ասվածն ընդունել որպես հաղորդում։ 27.05.2023, Sputnik Արմենիա

2023-05-27T20:09+0400

2023-05-27T20:09+0400

2023-05-27T20:16+0400

միհրան պողոսյան

կոկաին

դատական ակտերի հարկադիր կատարման ծառայություն (դահկ)

հհ ազգային անվտանգության ծառայություն. աած

հայաստան

բանան

ներմուծում

https://cdn.am.sputniknews.ru/img/07e7/0b/14/68862948_0:0:1503:845_1920x0_80_0_0_8129a462ae1b294f9b123c0f713757cd.jpg

ԵՐԵՎԱՆ, 27 մայիսի – Sputnik. ՀՀ ԱԺ նախկին պատգամավոր, ԴԱՀԿ նախկին ղեկավար Միհրան Պողոսյանն ընդհատակից տեսաուղերձ է հղել, որում անդրադառնում է իր կողմից «Մրգենի» կազմակերպության միջոցով Հայաստան ներմուծված բանանի խմբաքանակում 1 տոննա կոկաին հայտնաբերելուն։Նշենք, որ ավելի վաղ Միհրան Պողոսյանը հայտարարել էր, որ իր պահեստում առկա թմրանյութի մասին անձամբ է հայտնել ՀՀ ԱԱԾ տնօրենին, և որ լուրն իր համար շոկային է եղել:Նա նաև ասում է, որ «Մրգենիի» և դրա աշխատակիցների համար անհայտ է, թե ինչպես է թմրանյութը հայտնվել պատվիրված բանանի կոնտեյների մեջ, ապա նաև կազմակերպության պահեստում։Գործարարը նշում է, որ աշխատակիցները թողել են այդ տարօրինակ փաթեթները, չեն տարել պահեստ, շարունակել են դատարկել բանանները։ Նա սկզբում անհանգստացել է հարազատների և աշխատակիցների համար ու որոշել է ոչնչացնել այդ զանգվածները, բայց հետո մտափոխվել է։ Հենց այդ ժամանակ էլ զանգել է ԱԱԾ-ի տնօրենին։Նա շեշտում է, որ մինչև մայիսի 24-ն ամեն ինչ գաղտնի է պահվել, բայց այդ օրը հրապարակվել է ընկերության անունը, ինչից հետո կալանավորվել են կազմակերպության պահեստապետը, ներմուծման բաժնի պետը և տնօրենը։Պողոսյանը կարծում է, որ նման գործելաոճով պետությունը Հայաստանի Հանրապետության քաղաքացու մոտ կորցնում է վստահությունը։Հիշեցնենք` Իտալիայի մաքսային ոստիկանությունը երկրի հարավում գտնվող Ջոյա Տաուրո նավահանգստում 2 տոննա 734 կգ բարձր մաքրության կոկաին էր հայտնաբերել։ Թմրանյութը գտնվել է երկու կոնտեյներների մեջ, այն թաքցրել են 78 տոննա բանանի խմբաքանակում: Բեռը Էկվադորի Գուայակիլ նավահանգստից Հայաստան պետք է տեղափոխվեր վրացական Բաթումի նավահանգստով։ Դրանից հետո Հայաստանի ԱԱԾ–ն հայտնեց, որ Էկվադորից Հայաստան է ներմուծվել շուրջ մեկ տոննա կոկաին (մոտ 250 միլիոն եվրո արժողության):Մայիսի 24-ին ՀՀ վարչապետ Նիկոլ Փաշինյանն ԱԺ–ում հայտարարեց, թե Հայաստան ներմուծված 1 տոննա կոկաինի հասցեատերը բանանի ներկրմամբ զբաղվող հայտնի ընկերություն է, որի սեփականատերը ԱԺ նախկին պատգամավոր է և այժմ գտնվում է հետախուզման մեջ (նկատի ուներ ՀՀԿ–ական նախկին պատգամավոր, ԴԱՀԿ նախկին պետ Միհրան Պողոսյանին,–խմբ.)։ Վերջինս իր հերթին հայտարարություն տարածեց՝ նշելով` ինքն է ԱԱԾ տնօրենին տեղեկացրել, որ կոնտեյների մեջ բանանի փոխարեն կոկաին է եղել։

2023

Լուրեր

am_HY

միհրան պողոսյան, կոկաին, դատական ակտերի հարկադիր կատարման ծառայություն (դահկ), հհ ազգային անվտանգության ծառայություն. աած, հայաստան, բանան, ներմուծում