Միջդիրքային ճանապարհին հայտնաբերվել է թիկունքային մատակարարման ավտոմեքենան. ՀՀ ՊՆ
11:37 27.05.2023 (Թարմացված է: 11:51 27.05.2023)
© Photo : press office of MoD of RAՀՀ ԶՈւ թիկունքային մատակարարման ավտոմեքենան
© Photo : press office of MoD of RA
Բաժանորդագրվել
Ադրբեջանի կողմից հայ զինծառայողների ապօրինի առևանգման հանգամանքները բացահայտելու ուղղությամբ տարվում է լայնածավալ աշխատանք:
ԵՐԵՎԱՆ, 27 մայիսի - Sputnik. Միջդիրքային ճանապարհին հայտնաբերվել է մայիսի 26-ին ժամը 19:00-ից որոնվող ՀՀ ԶՈւ 2 զինծառայողների կողմից շահագործվող թիկունքային մատակարարման ավտոմեքենան, որը բեռնված էր սննդով և ջրով՝ նախատեսված մարտական հենակետերի համար: Տեղեկությունը հայտնում է ՀՀ ՊՆ մամուլի ծառայությունը։
© Photo : press office of MoD of RAՀՀ ԶՈւ թիկունքային մատակարարման ավտոմեքենան
ՀՀ ԶՈւ թիկունքային մատակարարման ավտոմեքենան
© Photo : press office of MoD of RA
ՀՀ ՊՆ–ն գիշերը հայտնել էր, որ մարտական դիրքեր սնունդ մատակարարող 2 զինծառայողի հետ կապն ընդհատվել է։ Ավելի վաղ ադրբեջանական ԶԼՄ-ները, ապա նաև Ադրբեջանի պետական սահմանային ծառայությունը հաղորդագրություն էին տարածել, որ ձերբակալել են երկու հայ զինվորականի: Ընդ որում, ադրբեջանական կողմը հայտարարում է «դիվերսիոն խմբի ներթափանցման փորձի» մասին։ Հայաստանի պաշտպանության նախարարությունը հերքել էր դիվերսիոն ներթափանցման մասին լուրերը:
«Կրկին հայտնում ենք, որ Ադրբեջանի սահմանապահ ծառայության տարածած հաղորդագրությունն այն մասին, թե իբր հայկական կողմը դիվերսիոն ներթափանցման փորձ է կատարել, բացարձակ սուտ և ապատեղեկատվություն է. հայկական կողմն ունի բավարար ապացույցներ այն հերքելու համար, որոնք կներկայացվեն միջազգային գործընկերներին»,–ասվում է ՊՆ այսօրվա հայտարարության մեջ:
Նշվում է, որ հայտնաբերված մեքենայում նաև առկա է զինծառայողներից մեկին ամրակցված զենքը, ինչը փաստում է, որ անգամ մեքենայից դուրս գալու և տեղանքում չկողմնորոշվելու դեպքում զինծառայողները չէին կարող դիվերսիոն նպատակներ ունենալ:
© Photo : press office of MoD of RAԶինծառայողներից մեկին ամրակցված զենքը ՀՀ ԶՈւ թիկունքային մատակարարման ավտոմեքենայում
Զինծառայողներից մեկին ամրակցված զենքը ՀՀ ԶՈւ թիկունքային մատակարարման ավտոմեքենայում
© Photo : press office of MoD of RA
ՊՆ–ից հավելում են, որ Ադրբեջանի կողմից հայ զինծառայողների ապօրինի առևանգման հանգամանքները բացահայտելու ուղղությամբ տարվում է լայնածավալ աշխատանք: