Կարևոր է նվազեցնել ռիսկերը. Միշելն անհամբեր սպասում է Փաշինյանի ու Ալիևի հետ հանդիպմանը
15:54 30.05.2023 (Թարմացված է: 15:55 30.05.2023)
© Photo : European Union ©Philippe Samyn and Partners architects and engineers - lead and design Partner Studio Valle Progettazioni architects Buro Happold engineers ©Colour compositions by Georges MeurantՀայաստանի վարչապետ Նիկոլ Փաշինյանը, Եվրոպական խորհրդի նախագահ Շառլ Միշելը և Ադրբեջանի նախագահ Իլհամ Ալիեւը Եվրոպական խորհրդում հանդիպումից առաջ (6 ապրիլի, 2022)․ Բրյուսել
Հայաստանի վարչապետ Նիկոլ Փաշինյանը, Եվրոպական խորհրդի նախագահ Շառլ Միշելը և Ադրբեջանի նախագահ Իլհամ Ալիեւը Եվրոպական խորհրդում հանդիպումից առաջ (6 ապրիլի, 2022)․ Բրյուսել
Բաժանորդագրվել
ԵԽ նախագահը կարևորել է նաև Բաքվի և նախկին ԼՂԻՄ-ում բնակվող հայերի միջև երկխոսությունը։
ԵՐԵՎԱՆ, 30 մայիսի – Sputnik. Եվրոպական խորհրդի նախագահ Շառլ Միշելն անհամբերությամբ սպասում է ՀՀ վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հետ հանդիպմանը հարաբերությունների կարգավորման շուրջ քննարկումները շարունակելու համար։ Նա այդ մասին գրառում է արել թվիթերյան էջում։
«Կարևոր է վերահաստատել միմյանց ինքնիշխանության և տարածքային ամբողջականության նկատմամբ հարգանքը, առաջ շարժվել սահմանազատման հարցում, ինչպես նաև նվազեցնել ռիսկերը սահմանամերձ շրջաններում»,– գրել է Միշելը։
ԵԽ նախագահը կարևորել է նաև Բաքվի և նախկին ԼՂԻՄ-ում բնակվող հայերի միջև երկխոսությունը՝ նրանց իրավունքների և անվտանգության վերաբերյալ։
«Կարևոր է զերծ մնալ մաքսիմալիստական դիրքորոշումներից և երկխոսել։ Ավելի քան 30 տարվա հակամարտությունից հետո վերքերի ապաքինումը ժամանակ է պահանջում: Համարձակ որոշումներ են պետք», - նշել է Միշելը։
Հիշեցնենք, որ վերջին անգամ ՀՀ վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի հանդիպումը տեղի է ունեցել մայիսի 14–ին Բրյուսելում։
Հունիսի 1-ին Քիշնևում տեղի է ունենալու հնգակողմ հանդիպում ԵԽ նախագահ Շառլ Միշելի, Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի, ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի մասնակցությամբ: