https://arm.sputniknews.ru/20230601/kartses-te-kvoghmery-dem-chen-sahmanagtsman-ashkhatanqnery-1975-t-qarteznervov-arven-pashinjan-60530851.html

Կարծես թե կողմերը դեմ չեն` սահմանագծման աշխատանքները 1975 թ. քարտեզներով արվեն. Փաշինյան

Կարծես թե կողմերը դեմ չեն` սահմանագծման աշխատանքները 1975 թ. քարտեզներով արվեն. Փաշինյան

Sputnik Արմենիա

Հունիսի 12-ին տեղի կունենա Հայաստանի և Ադրբեջանի արտգործնախարարների հանդիպում Վաշինգտոնում, իսկ հունիսի 2-ին տարածաշրջանային հաղորդակցությունների հետ կապված... 01.06.2023, Sputnik Արմենիա

2023-06-01T21:58+0400

2023-06-01T21:58+0400

2023-06-05T14:57+0400

նիկոլ փաշինյան

մոլդովա

հայ

հանդիպում

արցախ

ադրբեջան

հայաստան

հայ-ադրբեջանական

https://cdn.am.sputniknews.ru/img/07e7/06/01/60532624_0:121:1670:1060_1920x0_80_0_0_6092ced9f30ef93bfe9de5590c4a9283.jpg

ԵՐԵՎԱՆ, 1 հունիսի – Sputnik. Այսօր ևս մի քայլ է արվել Հայաստանի Հանրապետության 29,800 քառ․ կմ տարածքային ամբողջականությունը վերահաստատելու համար։ Մանուկ Բեյի ապարանքում Մոլդովայի հայ համայնքի հետ հանդիպման ժամանակ հայտարարեց ՀՀ վարչապետ Նիկոլ Փաշինյանը։«Այսօրվա հանդիպմանը շատ նախնական, բայց կարևոր դետալ կա։ Կարծես թե կողմերն ընդգծեցին, որ դեմ չեն Հայաստանի և Ադրբեջանի միջև հետագա սահմանագծման աշխատանքների համար որպես հիմք վերցվեն 1975 թվականի քարտեզները։ Սա նշանակում է` ևս մի քայլ վերահաստատելու 29,800 քառ․ կմ տարածքային ամբողջականությունը»,– ասաց Փաշինյանը։Ընդհանուր առմամբ, այսօր անցկացված բանակցությունները ՀՀ վարչապետն օգտակար անվանեց։Նա անդրադարձավ հայ–ադրբեջանական հարաբերությունների կարգավորման շուրջ ձեռքբերված մի շարք պայմանավորվածություններին։ Հիշեցրեց` Պրահայում պայմանավորվել էին, որ Հայաստանն ու Ադրբեջանը փոխադարձաբար պետք է ճանաչեն միմյանց տարածքային ամբողջականությունը Ալմա Աթայի հռչակագրի հիման վրա: Նրա խոսքով` Բրյուսելում մի քայլ էլ գնացին առաջ, եկան այն ըմբռնման, որ Ադրբեջանը ճանաչում է Հայաստանի 29.800 քկմ տարածքային ամբողջականությունը, իսկ ՀՀ-ն՝ Ադրբեջանի՝ 86.600 քկմ տարածքային ամբողջականությունը։ Քննարկել ենք նաև «Խաղաղության պայմանագրի» հարցը. Միշելը` հնգակողմ հանդիպման մասինՆրա խոսքով` ընդհանուր ըմբռնումն այնպիսին է, որ ԼՂ հայության իրավունքների և անվտանգության հարցը պետք է քննարկվի Բաքու-Ստեփանակերտ երկխոսության ձևաչափով, որը պետք է գործի կամ տեղի ունենա միջազգային ներգրավվածությամբ։Հնգակողմ հանդիպման ժամանակ հայկական կողմը վերահաստատել է, որ համաձայն է տարածաշրջանային հաղորդակցությունների բացմանը մեր տարածքում անցնող ուղիների դեպքում ՀՀ սուվերենության և իրավազորության ներքո։«Քննարկել ենք իհարկե, գերիների, հումանիտարի խնդիրների հետ կապված հարցեր, մանրամասն քննարկում է տեղի ունեցել Լեռնային Ղարաբաղի հայության իրավունքների և անվտանգության շուրջ երկխոսության, բանակցությունների մասով, և այդտեղ նաև Եվրոպայի մեր գործընկերներն են որոշակի դիրքորոշումներ արտահայտել»,– նշեց Փաշինյանը։Նա հայտնեց, որ պայմանավորվածություն է ձեռքբերվել` հուլիսի 21-ին Բրյուսելում նոր եռակողմ հանդիպում ունենալու մասին։Շեշտեց, որ մինչ այդ` հունիսի 12-ին տեղի կունենա Հայաստանի և Ադրբեջանի արտգործնախարարների ձևաչափով հանդիպում Վաշինգտոնում, իսկ արդեն վաղը` հունիսի 2-ին տարածաշրջանային հաղորդակցությունների հետ կապված եռակողմ աշխատանքային խմբի հանդիպումն է նախատեսված Մոսկվայում։

մոլդովա

ադրբեջան

2023

Լուրեր

am_HY

նիկոլ փաշինյան, մոլդովա, հայ, հանդիպում, արցախ, ադրբեջան, հայաստան, հայ-ադրբեջանական