https://arm.sputniknews.ru/20230603/dilijani-bazhni-qreakan-hetakhuzutjan-bazhanmunqi-pety-2-amsvov-kalanavvorvel-e-60602758.html

Դիլիջանի բաժնի քրեական հետախուզության բաժանմունքի պետը 2 ամսով կալանավորվել է

Դիլիջանի բաժնի քրեական հետախուզության բաժանմունքի պետը 2 ամսով կալանավորվել է

Sputnik Արմենիա

Դատարանը որոշել է կալանավորել 16-ամյա տղային ծեծած պաշտոնյային։ 03.06.2023, Sputnik Արմենիա

2023-06-03T11:07+0400

2023-06-03T11:07+0400

2023-06-03T11:18+0400

հայաստան

դիլիջան

դատարան

կալանք

արսեն ղայթմազյան

https://cdn.am.sputniknews.ru/img/853/75/8537548_0:42:3001:1730_1920x0_80_0_0_b18362f8478382cd51e718c87c546351.jpg

ԵՐԵՎԱՆ, 3 հունիսի – Sputnik. ՀՀ ներքին գործերի նախարարության ոստիկանության Տավուշի մարզային վարչության Դիլիջանի բաժնի քրեական հետախուզության բաժանմունքի պետ Արսեն Ղայթմազյանը 2 ամսով կալանավորվել է։ Տեղեկությունը Sputnik Արմենիային հայտնեցին դատախազությունից։Ղայթմազյանը ձերբակալվել էր երեկ:Հիշեցնենք` հունիսի 1-ին սոցցանցերում մի տեսանյութ տարածվեց, որում երևում էր, թե ինչպես է Դիլիջանի քրեականի պետը Հաղարծին հյուրանոցային համալիրում ծեծի ենթարկում 16-ամյա մի տղայի։ՔԿ մամուլի խոսնակ Գոռ Աբրահամյանը հայտնեց, որ տղային ծեծած Ա.Ղ.–ն համագործակցել է վարույթ իրականացնող մարմնի հետ, որևէ կերպ չի վիճարկում իրեն մեղսագրվող արարքը, որը համարվում է ոչ մեծ ծանրության հանցավոր արարք։ Նա հանդիպել է տուժողին և ներողություն խնդրել, պատրաստ է ներողություն խնդրել նաև նրա ծնողներից, հասկացել և գիտակցում է, որ դրսևորել է ոչ պատշաճ վարքագիծ և խնդրել է իր նկատմամբ հանրային քրեական հետապնդում չհարուցել գործուն զղջալու հիմքով: Դատախազը բավարարվել է միջնորդությունը։Ավելի ուշ հայտնի դարձավ, որ Դիլիջանի բաժնի քրեական հետախուզության բաժանմունքի պետ Արսեն Ղայթմազյանի ծառայողական լիազորությունները ժամանակավորապես դադարեցվել են, դատախազի որոշմամբ նրա նկատմամբ քրեական հետապնդում է հարուցվել։

դիլիջան

2023

Լուրեր

am_HY

հայաստան, դիլիջան, դատարան, կալանք, արսեն ղայթմազյան