https://arm.sputniknews.ru/20230608/verin-larsi-ancakety-kyndlajnvi-inch-e-khvostanum-hajastanin-eazb-tsavalun-nakhagitsy-60833482.html
Վերին Լարսի անցակետը կընդլայնվի. ինչ է խոստանում Հայաստանին ԵԱԶԲ ծավալուն նախագիծը
Վերին Լարսի անցակետը կընդլայնվի. ինչ է խոստանում Հայաստանին ԵԱԶԲ ծավալուն նախագիծը
Sputnik Արմենիա
Հայաստանի համար առանցքային տրանսպորտային զարկերակը կընդլայնվի, ինչը թույլ կտա ավելացնել բեռնափոխադրումները և մեծացնել ուղևորահոսքը։ 08.06.2023, Sputnik Արմենիա
2023-06-08T15:37+0400
2023-06-08T15:37+0400
2023-06-08T15:40+0400
վերին լարս
եվրասիական զարգացման բանկ (եազբ)
նախագիծ
ավտոմեքենա
ճանապարհ
https://cdn.am.sputniknews.ru/img/07e7/06/08/60844415_0:215:1280:935_1920x0_80_0_0_14d76ba2d1053712b114cbd8066079bf.jpg
ԵՐԵՎԱՆ, 8 հունիսի – Sputnik. Եվրասիական զարգացման բանկի տեխնիկական աջակցության հիմնադրամը մտադիր է դրամաշնորհ հատկացնել ռուս-վրացական սահմանին գտնվող «Վերին Լարս» անցակետի ընդլայնման տեխնիկատնտեսական հիմնավորման մշակման համար:Փաստաթուղթն ուղղված է «Հյուսիսային Օսեթիայի Հանրապետությունում «Վերին Լարս» անցակետի ուղղությամբ տրանսպորտային-լոգիստիկ և ճանապարհամերձ ենթակառուցվածքների զարգացում» խոշոր ներդրումային նախագծի իրականացմանը: Նախագծի ընդհանուր արժեքը գնահատվում է 200 մլն դոլար, որից 150 մլն դոլարը կֆինանսավորի հենց բանկը:Հուշագրով նախատեսվում է փոխգործակցել ֆինանսատնտեսական մոդելի տարբերակների մշակման և ներդրումային ծրագրի կառուցվածքի, ինչպես նաև անհրաժեշտ ֆինանսավորման ապահովման այլ միջոցների շուրջ:«Վերին Լարս» միջազգային ավտոմոբիլային անցակետը և դրան հարող տրանսպորտային-լոգիստիկ ենթակառուցվածքը եվրասիական տրանսպորտային շրջանակի մեջ մտնող «Հյուսիս-հարավ» ավտոճանապարհային միջանցքի կարևոր տարրերն են:Այսօր սա Հայաստանի համար միակ ցամաքային երթուղին է, որն առևտրատնտեսական կապեր է ապահովում ԵԱՏՄ մյուս անդամ պետությունների հետ։ Նախագծի իրականացումը ժամանակակից լոգիստիկ հանգույց կստեղծի Հայաստանի և Ռուսաստանի միջև երթուղու վրա։Բացի այդ, այս անցակետով իրականացվում են ուղևորների և բեռների փոխադրումներ Բելառուսի, Վրաստանի, Ռուսաստանի և Թուրքիայի միջև: Այդ փոխադրումների ծավալները վերջին մեկ տարվա ընթացքում զգալիորեն աճել են։ Նախագծի իրականացումը թույլ կտա որակապես բարելավել սահմանահատման պայմանները միջազգային ավտոփոխադրումներ իրականացնող վարորդների, ինչպես նաև ուղևորների համար՝ ստեղծելով անվտանգ կայանատեղիներ, օժանդակ սպասարկման ենթակառուցվածքներ, ինչն իր հերթին էական դրական ազդեցություն կունենա սահմանահատման ժամանակի և ճանապարհային երթևեկության անվտանգության վրա այս կարևորագույն տրանսպորտային միջանցքում, հատկապես ձմռանը, երբ եղանակային պայմանները վատանում են և սահմանային անցակետի մուտքերի մոտ մեծ թվով ավտոմեքենաներ են կուտակվում։Կկառուցվի նաև բազմաֆունկցիոնալ մեծածախ բաշխիչ կենտրոն, որը կապահովի մշտապես պահպանվող ջերմաստիճանային ռեժիմով պարենային արտադրանքի պահպանումը, այդ թվում՝ սառցախցիկներ:Տրանսպորտային-լոգիստիկ նոր ենթակառուցվածքը պետք է դառնա պետական (տարածաշրջանային) տրանսպորտային համակարգի մաս և ռազմավարական դերակատարություն ունենա եվրասիական տրանսպորտային կարկասում, որն ապահովում է կովկասյան տարածաշրջանով անցնող «Հյուսիս-հարավ» և «Արևելք- արևմուտք» տրանսպորտային միջանցքների միացումը: Ծրագրի իրականացման արդյունքը պետք է լինի առևտրի ծավալների, միջազգային փոխադրումների և տարանցման ծավալների աճը, տարածաշրջանում լրացուցիչ աշխատատեղերի ստեղծումը և բիզնեսի եկամուտների աճը՝ մատուցվող ծառայությունների շրջանակի ընդլայնման և որակի բարձրացման շնորհիվ:Նույնիսկ հավատս չի գալիս, որ խցանումներ չեն լինի. Փաշինյանը` Վերին Լարսում իրավիճակի մասին
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
վերին լարս, եվրասիական զարգացման բանկ (եազբ), նախագիծ, ավտոմեքենա, ճանապարհ
վերին լարս, եվրասիական զարգացման բանկ (եազբ), նախագիծ, ավտոմեքենա, ճանապարհ
Վերին Լարսի անցակետը կընդլայնվի. ինչ է խոստանում Հայաստանին ԵԱԶԲ ծավալուն նախագիծը
15:37 08.06.2023 (Թարմացված է: 15:40 08.06.2023) Հայաստանի համար առանցքային տրանսպորտային զարկերակը կընդլայնվի, ինչը թույլ կտա ավելացնել բեռնափոխադրումները և մեծացնել ուղևորահոսքը։
ԵՐԵՎԱՆ, 8 հունիսի – Sputnik. Եվրասիական զարգացման բանկի տեխնիկական աջակցության հիմնադրամը մտադիր է դրամաշնորհ հատկացնել ռուս-վրացական սահմանին գտնվող «Վերին Լարս» անցակետի ընդլայնման տեխնիկատնտեսական հիմնավորման մշակման համար:
Sputnik Արմենիայի թղթակիցը հայտնում է, որ բանկի և «Կովկաս. ՌԴ» ԲԸ-ի միջև համապատասխան հուշագիր ստորագրվեց Սոչիում «Եվրասիական կոնգրեսի» շրջանակում։
Փաստաթուղթն ուղղված է «Հյուսիսային Օսեթիայի Հանրապետությունում «Վերին Լարս» անցակետի ուղղությամբ տրանսպորտային-լոգիստիկ և ճանապարհամերձ ենթակառուցվածքների զարգացում» խոշոր ներդրումային նախագծի իրականացմանը: Նախագծի ընդհանուր արժեքը գնահատվում է 200 մլն դոլար, որից 150 մլն դոլարը կֆինանսավորի հենց բանկը:
Հուշագրով նախատեսվում է փոխգործակցել ֆինանսատնտեսական մոդելի տարբերակների մշակման և ներդրումային ծրագրի կառուցվածքի, ինչպես նաև անհրաժեշտ ֆինանսավորման ապահովման այլ միջոցների շուրջ:
«Վերին Լարս» միջազգային ավտոմոբիլային անցակետը և դրան հարող տրանսպորտային-լոգիստիկ ենթակառուցվածքը եվրասիական տրանսպորտային շրջանակի մեջ մտնող «Հյուսիս-հարավ» ավտոճանապարհային միջանցքի կարևոր տարրերն են:
Այսօր սա Հայաստանի համար միակ ցամաքային երթուղին է, որն առևտրատնտեսական կապեր է ապահովում ԵԱՏՄ մյուս անդամ պետությունների հետ։ Նախագծի իրականացումը ժամանակակից լոգիստիկ հանգույց կստեղծի Հայաստանի և Ռուսաստանի միջև երթուղու վրա։
Բացի այդ, այս անցակետով իրականացվում են ուղևորների և բեռների փոխադրումներ Բելառուսի, Վրաստանի, Ռուսաստանի և Թուրքիայի միջև: Այդ փոխադրումների ծավալները վերջին մեկ տարվա ընթացքում զգալիորեն աճել են։ Նախագծի իրականացումը թույլ կտա որակապես բարելավել սահմանահատման պայմանները միջազգային ավտոփոխադրումներ իրականացնող վարորդների, ինչպես նաև ուղևորների համար՝ ստեղծելով անվտանգ կայանատեղիներ, օժանդակ սպասարկման ենթակառուցվածքներ, ինչն իր հերթին էական դրական ազդեցություն կունենա սահմանահատման ժամանակի և ճանապարհային երթևեկության անվտանգության վրա այս կարևորագույն տրանսպորտային միջանցքում, հատկապես ձմռանը, երբ եղանակային պայմանները վատանում են և սահմանային անցակետի մուտքերի մոտ մեծ թվով ավտոմեքենաներ են կուտակվում։
Ծրագրի շրջանակում կստեղծվի 350 մեքենայի համար նախատեսված անվտանգ կայանատեղի, ինչպես նաև հյուրանոց, մաքսային ծառայությունների և սպասարկման կազմակերպությունների տեղակայման մոդուլային գրասենյակային շենք, ավտոմեքենաների տեխնիկական սպասարկման գոտի, բենզալցակայաններ, էլեկտրական մեքենաների լիցքավորման գոտի, զբոսաշրջային տեղեկատվական կենտրոն, խանութներ, սրճարաններ և այլն:
Կկառուցվի նաև բազմաֆունկցիոնալ մեծածախ բաշխիչ կենտրոն, որը կապահովի մշտապես պահպանվող ջերմաստիճանային ռեժիմով պարենային արտադրանքի պահպանումը, այդ թվում՝ սառցախցիկներ:
Տրանսպորտային-լոգիստիկ նոր ենթակառուցվածքը պետք է դառնա պետական (տարածաշրջանային) տրանսպորտային համակարգի մաս և ռազմավարական դերակատարություն ունենա եվրասիական տրանսպորտային կարկասում, որն ապահովում է կովկասյան տարածաշրջանով անցնող «Հյուսիս-հարավ» և «Արևելք- արևմուտք» տրանսպորտային միջանցքների միացումը: Ծրագրի իրականացման արդյունքը պետք է լինի առևտրի ծավալների, միջազգային փոխադրումների և տարանցման ծավալների աճը, տարածաշրջանում լրացուցիչ աշխատատեղերի ստեղծումը և բիզնեսի եկամուտների աճը՝ մատուցվող ծառայությունների շրջանակի ընդլայնման և որակի բարձրացման շնորհիվ:
