Թուրքիան պաշտոնապես հաստատել է նեղուցներով նավերի անցման համար վճարների բարձրացումը

© AP Photo / Emrah GurelКорабли пересекают пролив Босфор (16 января 2022). Турция
Корабли пересекают пролив Босфор (16 января 2022). Турция - Sputnik Արմենիա, 1920, 11.06.2023
Բաժանորդագրվեք
НовостиTelegram
Ինչպես ավելի վաղ հայտնել էին թուրքական ԶԼՄ–ները, երկրի եկամուտները տվյալ որոշումից հետո կարող են այս տարի հասնել 900 մլն դոլարի։
ԵՐԵՎԱՆ, 11 հունիսի – Sputnik. Թուրքիայի տրանսպորտի և ենթակառուցվածքների նախարարությունը պաշտոնապես հաստատել է, որ հուլիսի 1-ից Անկարան ավելի քան 8%–ով կբարձրացնի վճարը Բոսֆորի և Դարդանելի նեղուցներով նավերի անցման համար։ Այս մասին հայտնում է TRT–ն։
«2023 թվականի հուլիսի 1-ից մենք կրկին բարձրացնում ենք տուրքը մինչև 4.42 դոլար (ավելացում 8,3%–ով)», – հայտնել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։
Ավելի վաղ թուրքական ԶԼՄ–ները հայտնել էին, որ երկրի եկամուտները տվյալ որոշումից հետո կարող են այս տարի հասնել 900 մլն դոլարի։
Հիշեցնենք, որ նախորդ տարվա հոկտեմբերին Թուրքիայի իշխանությունները Բոսֆորի և Դարդանելի նեղուցներով առևտրային նավերի անցման տուրքն ավելացրել էին 5 անգամ (մինչև 4,08 դոլար)։
Գումարը հաշվարկվում է ոսկե ֆրանկի հիման վրա 1936 թվականի Մոնտրյոյի կոնվենցիայի ստորագրման պահից ի վեր, որը կարգավորում է նավագնացությունը նեղուցների գոտում։ Մոնտրյոյի կոնվենցիայի ստորագրման ժամանակ ոսկե ֆրանկը հավասարեցվել էր 0,8 դոլարի։
Լրահոս
0