https://arm.sputniknews.ru/20230612/uzum-eq-andzamb-gnaceq-asfalt-lcreq-qaghaqum-pvoser-chtesnem-avinjany-verjnazhamket-nshec-60991977.html
Ուզում եք` անձամբ գնացեք, ասֆալտ լցրեք, քաղաքում փոսեր չտեսնեմ. Ավինյանը վերջնաժամկետ նշեց
Ուզում եք` անձամբ գնացեք, ասֆալտ լցրեք, քաղաքում փոսեր չտեսնեմ. Ավինյանը վերջնաժամկետ նշեց
Sputnik Արմենիա
Տիգրան Ավինյանը վարչական շրջանների ղեկավարներին հիշեցրեց, որ երկրորդային փոսալցման աշխատանքներն իրենք պետք է իրականացնեն։ 12.06.2023, Sputnik Արմենիա
2023-06-12T11:38+0400
2023-06-12T11:38+0400
2023-06-12T11:43+0400
տիգրան ավինյան
ճանապարհ
ասֆալտ
երևան
փոխքաղաքապետ
https://cdn.am.sputniknews.ru/img/07e6/09/17/48785116_0:0:1600:901_1920x0_80_0_0_8d83b92b2e5bb9cf5f1aa681be3c7958.jpg
ԵՐԵՎԱՆ, 12 հունիսի–Sputnik. Երևանի փոխքաղաքապետ Տիգրան Ավինյանը դժգոհ է մայրաքաղաքի փողոցների փոսալցման աշխատանքներից։ Ավինյանն իր վրդովմունքը հայտնեց Երևանի քաղաքապետարանի գործակարգավարական նիստում։Շինարարության և բարեկարգման վարչության պետի ժամանակավոր պաշտոնակատար Խորեն Գրիգորյանը, զեկուցելով Երևան քաղաքի վարչական շրջանների փողոցների ասֆալտբետոնե ծածկի փոսանորոգման աշխատանքների մասին, ներկայացրեց, որ կապալառու ընկերություններից մեկի հետ պայմանագրի խզման են գնացել և հրատապ կկազմակերպեն նոր մրցույթ։Սուքիասյանն ընդդեմ Ավինյանի և սեփական խնամու. ի՞նչ է սպասվում երևանյան ընտրություններումԱվինյանը նշեց, որ արդեն որերորդ շաբաթն է` լսում է առկա խնդիրների մասին, որոնք լուծում չեն ստանումԱվինյանը վարչական շրջանների ղեկավարներին հիշեցրեց, որ երկրորդային փոսալցման աշխատանքներն իրենք պետք է իրականացնեն։«Ի՞նչ չունեք, ֆինա՞նս չունեք, ո՞րն է խնդիրը»,–ասաց նա։Հիշեցնենք` մայիսի 8–ին Ավինյանը հայտարարել էր, որ Երևանի փողոցների փոսալցման աշխատանքներ այսուհետ կկատարեն միայն այն ընկերությունները, որոնք կունենան տեխնիկական համապատասխան միջոցներ, այդ թվում` ասֆալտի գործարան։ Նա հարց էր բարձրացրել, թե տեխնիկական առաջադրանքում ինչու չի եղել կետ, որ տենդերին մասնակցող կապալառուներն ունենան տեխնիկական համապատասխան միջոցներ, այդ թվում` ասֆալտի գործարան, որպեսզի փորած փոսը 10-15 օր դրանք բաց չմնա։Նա ընդգծել էր, որ փոսերը պետք է տեղում քանդվեն և փոսալցվեն նույն օրը, իսկ այն ընկերությունները, որոնք չունեն այդ հնարավորությունները, ավտոմատ չեն մասնակցի տենդերներին։
երևան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տիգրան ավինյան, ճանապարհ, ասֆալտ, երևան, փոխքաղաքապետ
տիգրան ավինյան, ճանապարհ, ասֆալտ, երևան, փոխքաղաքապետ
Ուզում եք` անձամբ գնացեք, ասֆալտ լցրեք, քաղաքում փոսեր չտեսնեմ. Ավինյանը վերջնաժամկետ նշեց
11:38 12.06.2023 (Թարմացված է: 11:43 12.06.2023) Տիգրան Ավինյանը վարչական շրջանների ղեկավարներին հիշեցրեց, որ երկրորդային փոսալցման աշխատանքներն իրենք պետք է իրականացնեն։
ԵՐԵՎԱՆ, 12 հունիսի–Sputnik. Երևանի փոխքաղաքապետ Տիգրան Ավինյանը դժգոհ է մայրաքաղաքի փողոցների փոսալցման աշխատանքներից։ Ավինյանն իր վրդովմունքը հայտնեց Երևանի քաղաքապետարանի գործակարգավարական նիստում։
Շինարարության և բարեկարգման վարչության պետի ժամանակավոր պաշտոնակատար Խորեն Գրիգորյանը, զեկուցելով Երևան քաղաքի վարչական շրջանների փողոցների ասֆալտբետոնե ծածկի փոսանորոգման աշխատանքների մասին, ներկայացրեց, որ կապալառու ընկերություններից մեկի հետ պայմանագրի խզման են գնացել և հրատապ կկազմակերպեն նոր մրցույթ։
Ավինյանը նշեց, որ արդեն որերորդ շաբաթն է` լսում է առկա խնդիրների մասին, որոնք լուծում չեն ստանում
«Ինչքա՞ն ասեմ փոսեր, մինչև ո՞ր ամիսն է ձգվելու։ Երեք շաբաթ է` հայերեն լեզվով ասում եմ ` փոսեր, փոսեր... Աջափնակում մետրո պետք է կառուցենք, մի ամիս է`փոս չենք կարողանում լցնել։ Մենք մեր ամենապրիմիտիվ աշխատանքը չենք կարողանում կատարել։ Դեռ նախորդ նիստից հետո բոլորիդ ասել եմ, որ փոսերի անուն չլսեմ։ Վերջին շաբաթն է, ուզում եք` անձամբ գնացեք, ասֆալտ լցրեք։ Հաջորդ երկուշաբթի ևս մեկ դեպք արձանագրվեց՝ ինձնից չնեղանաք։
Ավինյանը վարչական շրջանների ղեկավարներին հիշեցրեց, որ երկրորդային փոսալցման աշխատանքներն իրենք պետք է իրականացնեն։
«Ի՞նչ չունեք, ֆինա՞նս չունեք, ո՞րն է խնդիրը»,–ասաց նա։
Հիշեցնենք` մայիսի 8–ին
Ավինյանը հայտարարել էր, որ Երևանի փողոցների փոսալցման աշխատանքներ այսուհետ կկատարեն միայն այն ընկերությունները, որոնք կունենան տեխնիկական համապատասխան միջոցներ, այդ թվում` ասֆալտի գործարան։ Նա հարց էր բարձրացրել, թե տեխնիկական առաջադրանքում ինչու չի եղել կետ, որ տենդերին մասնակցող կապալառուներն ունենան տեխնիկական համապատասխան միջոցներ, այդ թվում` ասֆալտի գործարան, որպեսզի փորած փոսը 10-15 օր դրանք բաց չմնա։
Նա ընդգծել էր, որ փոսերը պետք է տեղում քանդվեն և փոսալցվեն նույն օրը, իսկ այն ընկերությունները, որոնք չունեն այդ հնարավորությունները, ավտոմատ չեն մասնակցի տենդերներին։
