https://arm.sputniknews.ru/20230619/hulisic-uzhi-mej-kmtni-aranc-mutqi-artvonagri-vrastan-tshampvordelu-hamadzajnagiry-61353968.html
Հուլիսից ուժի մեջ կմտնի առանց մուտքի արտոնագրի Վրաստան ճամփորդելու համաձայնագիրը
Հուլիսից ուժի մեջ կմտնի առանց մուտքի արտոնագրի Վրաստան ճամփորդելու համաձայնագիրը
Sputnik Արմենիա
ՀՀ արտաքին գործերի փոխնախարարի խոսքով` վերջին տարիներին Վրաստանի հետ հարաբերությունները կառուցում ենք միմյանց չվնասելու, միմյանց զգայունություններն... 19.06.2023, Sputnik Արմենիա
2023-06-19T11:45+0400
2023-06-19T11:45+0400
2023-06-19T12:10+0400
վրաստանի հանրապետություն
հայաստան
վիզա
աժ (ազգային ժողով)
վահան կոստանյան
https://cdn.am.sputniknews.ru/img/07e6/07/06/44803275_0:77:829:543_1920x0_80_0_0_36d6f245b79e0d1c0afe0d8307955165.jpg
ԵՐԵՎԱՆ, 19 հունիսի – Sputnik. Հուլիսից ուժի մեջ կմտնի առանց մուտքի արտոնագրի Վրաստան ճամփորդելու համաձայնագիրը։ ՀՀ ԱԺ արտաքին հարաբերությունների մշտական հանձնաժողովի արտահերթ նիստին հայտարարեց հանձնաժողովի նախագահ Սարգիս Խանդանյանը` ներկայացնելով «Հայաստանի Հանրապետության և Վրաստանի Հանրապետության միջև երկու պետությունների քաղաքացիների համար փոխադարձ առանց մուտքի արտոնագրի ճամփորդելու մասին» համաձայնագիրը վավերացնելու մասին հարցը։Նրա խոսքով` այս համաձայնագրի վավերացումը բխում է ՀՀ կառավարության 2021-26 թթ. ծրագրից։Նախագծի զեկուցող ՀՀ արտաքին գործերի նախարարի տեղակալ Վահան Կոստանյանն իր խոսքում ընդգծեց, որ Վրաստանի հետ քաղաքական, մշակութային, տնտեսական հարաբերություններն ավելի են խորացել վերջին տարիներին։ Այսօր երկու երկրների միջև գործում է շուրջ 80 միջազգային պայմանագիր:«Քաղաքացիական պայմանագիր» խմբակցության պատգամավոր Գուրգեն Արսենյանն իր ելույթում հայտարարեց, որ այս նախագծով խրախուսում ենք ժողովուրդների բարեկամությունը, հարևանների հետ հարևանային ռեժիմով ապրելը։«Բոլոր հարևանների հետ գոյակցության բանալին պետք է գտնենք ու իրար ոչնչացնելու ցանկություն չունենանք։ Լավագույն, պիլոտային ծրագիրը հայ-վրացական հարաբերությունները պետք է լինեն։ Այսպիսով, նաև մյուս էթնոսների հետ հարաբերություններում պետք է ձգտենք։ Եվ, ի վերջո, չմոռանանք, որ որտեղ քամի ես ցանում, փոթորիկ ես հնձում»,– ասաց Գուրգեն Արսենյանը։«Հայաստանի Հանրապետության և Վրաստանի միջև երկու պետությունների քաղաքացիների համար փոխադարձ առանց մուտքի արտոնագրի ճամփորդելու մասին» համաձայնագիրը վավերացնելու մասին նախագիծն ընդունվեց միաձայն։ Կողմ քվեարկեցին նաև «Հայաստան» խմբակցության պատգամավորները։Հիշեցնենք, որ ՀՀ կառավարությունը հունվարի 12–ի նիստում հավանություն տվեց «Հայաստանի Հանրապետության և Վրաստանի միջև երկու պետությունների քաղաքացիների համար փոխադարձ առանց մուտքի արտոնագրի ճամփորդելու մասին» համաձայնագրի ստորագրման առաջարկությանը:Դա նշանակում է, որ երկու երկրների քաղաքացիները կարող են միմյանց երկիր այցելել առանց ժամկետային սահմանափակումների, իսկ սահմանը կկարողանան հատել նույնականացման քարտերով:
վրաստանի հանրապետություն
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
վրաստանի հանրապետություն, հայաստան, վիզա, աժ (ազգային ժողով), վահան կոստանյան
վրաստանի հանրապետություն, հայաստան, վիզա, աժ (ազգային ժողով), վահան կոստանյան
Հուլիսից ուժի մեջ կմտնի առանց մուտքի արտոնագրի Վրաստան ճամփորդելու համաձայնագիրը
11:45 19.06.2023 (Թարմացված է: 12:10 19.06.2023) ՀՀ արտաքին գործերի փոխնախարարի խոսքով` վերջին տարիներին Վրաստանի հետ հարաբերությունները կառուցում ենք միմյանց չվնասելու, միմյանց զգայունություններն ամբողջությամբ հաշվի առնելու վրա։
ԵՐԵՎԱՆ, 19 հունիսի – Sputnik. Հուլիսից ուժի մեջ կմտնի առանց մուտքի արտոնագրի Վրաստան ճամփորդելու համաձայնագիրը։ ՀՀ ԱԺ արտաքին հարաբերությունների մշտական հանձնաժողովի արտահերթ նիստին հայտարարեց հանձնաժողովի նախագահ Սարգիս Խանդանյանը` ներկայացնելով «Հայաստանի Հանրապետության և Վրաստանի Հանրապետության միջև երկու պետությունների քաղաքացիների համար փոխադարձ առանց մուտքի արտոնագրի ճամփորդելու մասին» համաձայնագիրը վավերացնելու մասին հարցը։
«Վրաստանի խորհրդարանն արդեն վավերացրել է նախագիծը։ Հաջորդ ամսվա սկզբից այն արդեն ուժի մեջ կմտնի, մինչ այդ կստորագրի նաև Վրաստանի նախագահը։ Այս նախագծի շնորհիվ հարյուրավոր քաղաքացիների կյանքը կհեշտացվի, և նրանք կկարողանան նույնականացման քարտերով ճամփորդել Վրաստան»,– հայտարարեց Խանդանյանը։
Նրա խոսքով` այս համաձայնագրի վավերացումը բխում է ՀՀ կառավարության 2021-26 թթ. ծրագրից։
Նախագծի զեկուցող ՀՀ արտաքին գործերի նախարարի տեղակալ Վահան Կոստանյանն իր խոսքում ընդգծեց, որ Վրաստանի հետ քաղաքական, մշակութային, տնտեսական հարաբերություններն ավելի են խորացել վերջին տարիներին։ Այսօր երկու երկրների միջև գործում է շուրջ 80 միջազգային պայմանագիր:
«Քաղաքացիական պայմանագիր» խմբակցության պատգամավոր Գուրգեն Արսենյանն իր ելույթում հայտարարեց, որ այս նախագծով խրախուսում ենք ժողովուրդների բարեկամությունը, հարևանների հետ հարևանային ռեժիմով ապրելը։
«Բոլոր հարևանների հետ գոյակցության բանալին պետք է գտնենք ու իրար ոչնչացնելու ցանկություն չունենանք։ Լավագույն, պիլոտային ծրագիրը հայ-վրացական հարաբերությունները պետք է լինեն։ Այսպիսով, նաև մյուս էթնոսների հետ հարաբերություններում պետք է ձգտենք։ Եվ, ի վերջո, չմոռանանք, որ որտեղ քամի ես ցանում, փոթորիկ ես հնձում»,– ասաց Գուրգեն Արսենյանը։
«Հայաստանի Հանրապետության և Վրաստանի միջև երկու պետությունների քաղաքացիների համար փոխադարձ առանց մուտքի արտոնագրի ճամփորդելու մասին» համաձայնագիրը վավերացնելու մասին նախագիծն ընդունվեց միաձայն։ Կողմ քվեարկեցին նաև «Հայաստան» խմբակցության պատգամավորները։
Հիշեցնենք, որ ՀՀ կառավարությունը հունվարի 12–ի նիստում հավանություն տվեց «Հայաստանի Հանրապետության և Վրաստանի միջև երկու պետությունների քաղաքացիների համար փոխադարձ առանց մուտքի արտոնագրի ճամփորդելու մասին» համաձայնագրի ստորագրման առաջարկությանը:
Դա նշանակում է, որ երկու երկրների քաղաքացիները կարող են միմյանց երկիր այցելել առանց ժամկետային սահմանափակումների, իսկ սահմանը կկարողանան հատել նույնականացման քարտերով:
