https://arm.sputniknews.ru/20230620/karavarutjuny-tt-in-ognum-e-mez-voch-hanqardjunabervoghnern-azh-um-ein-61455587.html
Կառավարությունը ՏՏ-ին օգնում է, մեզ՝ ոչ. հանքարդյունաբերողներն ԱԺ-ում էին
Կառավարությունը ՏՏ-ին օգնում է, մեզ՝ ոչ. հանքարդյունաբերողներն ԱԺ-ում էին
Sputnik Արմենիա
Հանքարդյունաբերական ընկերությունները պահանջում են հարկերի վճարման հետաձգում կամ ֆինանսական աջակցություն՝ փոխարժեքի տատանումների պատճառով վնասը փոխհատուցելու... 20.06.2023, Sputnik Արմենիա
2023-06-20T19:23+0400
2023-06-20T19:23+0400
2023-06-20T19:23+0400
հանքարդյունաբերություն
բիզնես
քննարկում
էկոնոմիկայի նախարարություն
աժ (ազգային ժողով)
բաբկեն թունյան
https://cdn.am.sputniknews.ru/img/07e7/05/05/59242814_0:84:1600:984_1920x0_80_0_0_3d4a4946038d1bc949ec001506d21176.jpg
ԵՐԵՎԱՆ, 20 հունիսի - Sputnik. Եթե կառավարությունը նպատակային աջակցություն է ցուցաբերում ՏՏ ընկերություններին, որոնք տուժել են արժույթի տատանումներից, ապա նույն կերպ կարելի էր աջակցել նաև հանքարդյունաբերական ձեռնարկություններին։ Այս մասին հայտարարեցին Լեռնամետալուրգիական ընկերությունների միության ներկայացուցիչները, որոնք հավաքվել էին խորհրդարանում` քննարկման:Ավելի վաղ միության նախագահ Վարդան Ջանյանը հայտարարել էր, որ դրամի փոխարժեքի բարձրացման պատճառով ոլորտի ընկերությունների համար դժվարություններ են ստեղծվել, քանի որ դոլարային հասույթը նվազել է։Նրա խոսքով՝ ոլորտի ընկերություններին աջակցելու տարբերակներից մեկը կարող է լինել այն նպատակային աջակցությունը, որը կառավարությունը կարող է տրամադրել տուժած ընկերություններին, եթե նրանք հիմնավորեն, թե ինչպես և որքանով է կրճատվել փոխարժեքի տատանումներից ստացված հասույթը: Շատ դժվար է, գոյատևում ենք. ո՞ր դեպքում կշտկվի իրավիճակն Ախթալայի ԼՀԿ–ումՋանյանը նշել է, որ նման աջակցության նախադեպ կա՝ հիշեցնելով, որ անցյալ տարի կառավարությունը որոշել է 10 մլրդ դրամ (մոտ 25 մլն դոլար) հատկացնել ՏՏ ընկերություններին, որոնք նույնպես տուժել են դրամի արժևորումից։Նա հիշեցրել է, որ իրենց ոլորտի ուղղակի ներդրումը ՀՆԱ-ում կազմում է մոտ 6 տոկոս, իսկ անուղղակի ներդրումը տարբեր գնահատականներով հասնում է 10-11 տոկոսի։Խորհրդակցությանը ներկա էկոնոմիկայի փոխնախարար Նարեկ Տերյանը նշեց, որ կառավարությունը ՏՏ-ն հանքարդյունաբերությունից կամ այլ ոլորտներից ավելի կարևոր չի համարում, սակայն այժմ նման աջակցության միջոցներ նախատեսված չեն:Իր հերթին ԱԺ տնտեսական հարցերի հանձնաժողովի փոխնախագահ Բաբկեն Թունյանը հայտնեց, որ բանկերը բիզնեսին առաջարկում են փոխարժեքի տատանումներից ապահովագրելու մեխանիզմներ, սակայն բիզնեսը դրանցից գրեթե չի օգտվում:Sputnik Արմենիայի հարցմանն ի պատասխան նախարարությունից նշեցին, որ դեռ պատրաստ չեն այս թեմայով ավելի մանրամասն մեկնաբանությունների։Մյուս առաջարկների թվում, որոնք միությունը ներկայացրել է կառավարությանը, ընկերությունների հարկային վճարումները հետաձգելու հնարավորությունն է, սակայն այս առաջարկն էլ դեռ չի ընդունվել:
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հանքարդյունաբերություն, բիզնես, քննարկում, էկոնոմիկայի նախարարություն, աժ (ազգային ժողով), բաբկեն թունյան
հանքարդյունաբերություն, բիզնես, քննարկում, էկոնոմիկայի նախարարություն, աժ (ազգային ժողով), բաբկեն թունյան
Կառավարությունը ՏՏ-ին օգնում է, մեզ՝ ոչ. հանքարդյունաբերողներն ԱԺ-ում էին
Հանքարդյունաբերական ընկերությունները պահանջում են հարկերի վճարման հետաձգում կամ ֆինանսական աջակցություն՝ փոխարժեքի տատանումների պատճառով վնասը փոխհատուցելու համար: Բանկային գործիքներից, որոնք ապահովագրում են նման տատանումներից, ընկերությունները դեռ չեն օգտվում։
ԵՐԵՎԱՆ, 20 հունիսի - Sputnik. Եթե կառավարությունը նպատակային աջակցություն է ցուցաբերում ՏՏ ընկերություններին, որոնք տուժել են արժույթի տատանումներից, ապա նույն կերպ կարելի էր աջակցել նաև հանքարդյունաբերական ձեռնարկություններին։ Այս մասին հայտարարեցին Լեռնամետալուրգիական ընկերությունների միության ներկայացուցիչները, որոնք հավաքվել էին խորհրդարանում` քննարկման:
Ավելի վաղ միության նախագահ Վարդան Ջանյանը հայտարարել էր, որ դրամի փոխարժեքի բարձրացման պատճառով ոլորտի ընկերությունների համար դժվարություններ են ստեղծվել, քանի որ դոլարային հասույթը նվազել է։
«Ուրախալի է, որ կառավարության հետ հաջողվել է համաձայնության գալ այս տարվանից հարկումը նվազեցնելու շուրջ, սակայն դոլարի փոխարժեքի խնդիրները չեն վերացել և բարդություններ են առաջացնում»,– հավելել է նա:
Նրա խոսքով՝ ոլորտի ընկերություններին աջակցելու տարբերակներից մեկը կարող է լինել այն նպատակային աջակցությունը, որը կառավարությունը կարող է տրամադրել տուժած ընկերություններին, եթե նրանք հիմնավորեն, թե ինչպես և որքանով է կրճատվել փոխարժեքի տատանումներից ստացված հասույթը:
Ջանյանը նշել է, որ նման աջակցության նախադեպ կա՝ հիշեցնելով, որ անցյալ տարի կառավարությունը որոշել է 10 մլրդ դրամ (մոտ 25 մլն դոլար) հատկացնել ՏՏ ընկերություններին, որոնք նույնպես տուժել են դրամի արժևորումից։
Նա հիշեցրել է, որ իրենց ոլորտի ուղղակի ներդրումը ՀՆԱ-ում կազմում է մոտ 6 տոկոս, իսկ անուղղակի ներդրումը տարբեր գնահատականներով հասնում է 10-11 տոկոսի։
«Մենք հասկանում ենք, որ կառավարությունն ունի բազմաթիվ այլ հրատապ ծախսեր, բայց երկրի համար այնպիսի ռազմավարական ճյուղ, ինչպիսին մերն է, նույնպես աջակցության կարիք ունի», - հավելել է Ջանյանը։
Խորհրդակցությանը ներկա էկոնոմիկայի փոխնախարար Նարեկ Տերյանը նշեց, որ կառավարությունը ՏՏ-ն հանքարդյունաբերությունից կամ այլ ոլորտներից ավելի կարևոր չի համարում, սակայն այժմ նման աջակցության միջոցներ նախատեսված չեն:
Իր հերթին ԱԺ տնտեսական հարցերի հանձնաժողովի փոխնախագահ Բաբկեն Թունյանը հայտնեց, որ բանկերը բիզնեսին առաջարկում են փոխարժեքի տատանումներից ապահովագրելու մեխանիզմներ, սակայն բիզնեսը դրանցից գրեթե չի օգտվում:
Sputnik Արմենիայի հարցմանն ի պատասխան նախարարությունից նշեցին, որ դեռ պատրաստ չեն այս թեմայով ավելի մանրամասն մեկնաբանությունների։
Մյուս առաջարկների թվում, որոնք միությունը ներկայացրել է կառավարությանը, ընկերությունների հարկային վճարումները հետաձգելու հնարավորությունն է, սակայն այս առաջարկն էլ դեռ չի ընդունվել:
