https://arm.sputniknews.ru/20230620/kentrvonakan-banky-3-artsate-hushadram-e-shrjanarutjan-mej-drel-61452608.html
Կենտրոնական բանկը 3 արծաթե հուշադրամ է շրջանառության մեջ դրել
Կենտրոնական բանկը 3 արծաթե հուշադրամ է շրջանառության մեջ դրել
Sputnik Արմենիա
ԿԲ-ի շրջանառության մեջ դրվող բոլոր հուշադրամները հատվել են Լեհաստանի դրամահատարանում: 20.06.2023, Sputnik Արմենիա
2023-06-20T18:45+0400
2023-06-20T18:45+0400
2023-06-20T18:58+0400
կենտրոնական բանկ (կբ)
կինո
ֆուտբոլ
«արարատ» ֆա
հակոբ հակոբյան
https://cdn.am.sputniknews.ru/img/2292/65/22926551_0:85:1600:985_1920x0_80_0_0_81b5071cffbf5f6e8fa6e400d3c6b85b.jpg
ԵՐԵՎԱՆ, 20 հունիսի – Sputnik. ՀՀ կենտրոնական բանկը շրջանառության մեջ է դնում «Հայկական կինոյի հիմնադրման 100-ամյակ», «Հակոբ Հակոբյանի 100-ամյա» և «Արարատ–73-ի ոսկե դուբլի 50-ամյակ» արծաթե հուշադրամները։ Տեղեկությունը հայտնում է ՀՀ ԿԲ մամուլի ծառայությունը։«Հայկական կինոյի հիմնադրման 100-ամյակ»–ին նվիրված հուշադրամի մասին նշվում է, որ «Հայֆիլմը» (նախկինում «Պետկինո», «Հայկինո») հիմնվել է 1923 թվականին` ապրիլի 16-ին։ Հայկական ֆիլմերն ընդգրկվել և ներկայացվել են մի շարք կինոփառատոններում։ Հայկական կինեմատոգրաֆի 100-ամյա պատմության ընթացքում ստեղծվել են ավելի քան 700 խաղարկային, շուրջ 2500 վավերագրական, փաստավավերագրական ու մոտ 300 անիմացիոն ֆիլմեր։Հուշադրամի դիմերեսին լինելու են «Հայկինոյի» և «Հայֆիլմի» պատկերանիշերը, իսկ դարձերեսին՝ կինոժապավենի և կինոպրոյեկտորի ոճավորված պատկերներ:Էսքիզների հեղինակներն են՝ Լուսինե Lալայանը և Էդուարդ Կուրղինյանը։ Այն կարժենա 1000 դրամ, քաշը կլինի 33.6 գ։ Թողարկվելու է ընդհանուր առմամբ 200 հատ։ԿԲ հաղորդագրությունում նաև նշվում է, որ շրջանառության մեջ է դրվելու նաև գեղանկարիչ, քանդակագործ Հակոբ Հակոբյանի 100-ամյակին նվիրված հուշադրամ։ Հակոբյանը ծնվել է Ալեքսանդրիայում, իսկ 1962 թվականին բնակություն է հաստատել Հայաստանում։ Մեծանուն նկարչի ստեղծագործական ժառանգության զգալի մասը պահվում է Հայաստանի ազգային պատկերասրահում։Հուշադրամի դիմերեսին լինելու է Հակոբ Հակոբյանի «Մարդը և բույսը» կտավը, իսկ դարձերեսին` ինքն է իր արվեստանոցում: Էսքիզների հեղինակը Հարություն Սամուելյանն է։ Հուշադրամի անվանական արժեքը կազմելու է 100 դրամ, քաշը 28,28 գ է, թողարկվելու է 250 հատ։Կենտրոնական բանկը նախատեսում է շրջանառության մեջ դնել նաև Երևանի «Արարատ-73» ֆուտբոլային թիմի ոսկե դուբլի 50-ամյակին նվիրված հուշադրամ։ «Արարատն» այդ ժամանակ խաղացել էր Լենինգրադի «Զենիթի» հետ։ Հայկական թիմի ավագ Հովհաննես Զանազանյանի և Էդուարդ Մարգարովի գոլերի շնորհիվ «Արարատը» 3։2 հաշվով հաղթել էր մրցակցին` նվաճելով ԽՍՀՄ չեմպիոնի տիտղոսը և ձևակերպվել էր ոսկե դուբլ։Հուշադրամի դիմերեսին լինելու է «Արարատ» ֆուտբոլային թիմի պատկերանիշը, իսկ դարձերեսին` ԽՍՀՄ գավաթը, ԽՍՀՄ ֆուտբոլի առաջնության չեմպիոնի մեդալը։ Էսքիզի հեղինակը Վարդան Վարդանյանն է, անվանական արժեքը 1000 դրամ է, քաշը` 33,6 գ։ Թողարկվելու է 400 հատ հուշադրամ։Բոլոր հուշադրամները հատվել են Լեհաստանի դրամահատարանում:
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
կենտրոնական բանկ (կբ), կինո, ֆուտբոլ, «արարատ» ֆա, հակոբ հակոբյան
կենտրոնական բանկ (կբ), կինո, ֆուտբոլ, «արարատ» ֆա, հակոբ հակոբյան
Կենտրոնական բանկը 3 արծաթե հուշադրամ է շրջանառության մեջ դրել
18:45 20.06.2023 (Թարմացված է: 18:58 20.06.2023) ԿԲ-ի շրջանառության մեջ դրվող բոլոր հուշադրամները հատվել են Լեհաստանի դրամահատարանում:
ԵՐԵՎԱՆ, 20 հունիսի – Sputnik. ՀՀ կենտրոնական բանկը շրջանառության մեջ է դնում «Հայկական կինոյի հիմնադրման 100-ամյակ», «Հակոբ Հակոբյանի 100-ամյա» և «Արարատ–73-ի ոսկե դուբլի 50-ամյակ» արծաթե հուշադրամները։ Տեղեկությունը հայտնում է ՀՀ ԿԲ մամուլի ծառայությունը։
«Հայկական կինոյի հիմնադրման 100-ամյակ»–ին նվիրված հուշադրամի մասին նշվում է, որ «Հայֆիլմը» (նախկինում «Պետկինո», «Հայկինո») հիմնվել է 1923 թվականին` ապրիլի 16-ին։ Հայկական ֆիլմերն ընդգրկվել և ներկայացվել են մի շարք կինոփառատոններում։ Հայկական կինեմատոգրաֆի 100-ամյա պատմության ընթացքում ստեղծվել են ավելի քան 700 խաղարկային, շուրջ 2500 վավերագրական, փաստավավերագրական ու մոտ 300 անիմացիոն ֆիլմեր։
Հուշադրամի դիմերեսին լինելու են «Հայկինոյի» և «Հայֆիլմի» պատկերանիշերը, իսկ դարձերեսին՝ կինոժապավենի և կինոպրոյեկտորի ոճավորված պատկերներ:
Էսքիզների հեղինակներն են՝ Լուսինե Lալայանը և Էդուարդ Կուրղինյանը։ Այն կարժենա 1000 դրամ, քաշը կլինի 33.6 գ։ Թողարկվելու է ընդհանուր առմամբ 200 հատ։
ԿԲ հաղորդագրությունում նաև նշվում է, որ շրջանառության մեջ է դրվելու նաև գեղանկարիչ, քանդակագործ Հակոբ Հակոբյանի 100-ամյակին նվիրված հուշադրամ։ Հակոբյանը ծնվել է Ալեքսանդրիայում, իսկ 1962 թվականին բնակություն է հաստատել Հայաստանում։ Մեծանուն նկարչի ստեղծագործական ժառանգության զգալի մասը պահվում է Հայաստանի ազգային պատկերասրահում։
Հուշադրամի դիմերեսին լինելու է Հակոբ Հակոբյանի «Մարդը և բույսը» կտավը, իսկ դարձերեսին` ինքն է իր արվեստանոցում: Էսքիզների հեղինակը Հարություն Սամուելյանն է։ Հուշադրամի անվանական արժեքը կազմելու է 100 դրամ, քաշը 28,28 գ է, թողարկվելու է 250 հատ։
Կենտրոնական բանկը նախատեսում է շրջանառության մեջ դնել նաև Երևանի «Արարատ-73» ֆուտբոլային թիմի ոսկե դուբլի 50-ամյակին նվիրված հուշադրամ։ «Արարատն» այդ ժամանակ խաղացել էր Լենինգրադի «Զենիթի» հետ։ Հայկական թիմի ավագ Հովհաննես Զանազանյանի և Էդուարդ Մարգարովի գոլերի շնորհիվ «Արարատը» 3։2 հաշվով հաղթել էր մրցակցին` նվաճելով ԽՍՀՄ չեմպիոնի տիտղոսը և ձևակերպվել էր ոսկե դուբլ։
Հուշադրամի դիմերեսին լինելու է «Արարատ» ֆուտբոլային թիմի պատկերանիշը, իսկ դարձերեսին` ԽՍՀՄ գավաթը, ԽՍՀՄ ֆուտբոլի առաջնության չեմպիոնի մեդալը։ Էսքիզի հեղինակը Վարդան Վարդանյանն է, անվանական արժեքը 1000 դրամ է, քաշը` 33,6 գ։ Թողարկվելու է 400 հատ հուշադրամ։
Բոլոր հուշադրամները հատվել են Լեհաստանի դրամահատարանում:
