https://arm.sputniknews.ru/20230626/nakhkin-nakharar-aram-harutjunjani-gujqi-vra-argelanq-e-drvel-61709728.html
Նախկին նախարար Արամ Հարությունյանի գույքի վրա արգելանք է դրվել
Նախկին նախարար Արամ Հարությունյանի գույքի վրա արգելանք է դրվել
Sputnik Արմենիա
Արամ Հարությունյանի նկատմամբ հետախուզում է հայտարարվել 2019-ի հունվարին։ 26.06.2023, Sputnik Արմենիա
2023-06-26T11:18+0400
2023-06-26T11:18+0400
2023-06-26T11:31+0400
հայաստան
արամ հարությունյան
քրեական գործ
կաշառք
https://cdn.am.sputniknews.ru/img/1105/58/11055873_0:69:1600:969_1920x0_80_0_0_bdabcdf40cca6fc7fed2808700fb18a6.jpg
ԵՐԵՎԱՆ, 26 հունիսի – Sputnik. ՀՀ բնապահպանության նախարար Արամ Հարությունյանի և 14 մլն դոլար կաշառքի գործով մյուս մեղադրյալների 3 տասնյակից ավելի գույքերի վրա արգելանք է դրվել։ Տեղեկությունը հայտնում է ՀՀ հակակոռուպցիոն կոմիտեն` նշելով, որ կաշառք ստանալու դեպքի առթիվ քննված հեռակա վարույթով նախաքննությունն ավարտվել է:Արգելադրվել են նաև Արամ Հարությունյանի բանկային հաշիվներում առկա 1 մլն 704 հազար ԱՄՆ դոլարի, 11 հազար եվրոյի և 350 մլն դրամի չափով դրամական միջոցները: Հակակոռուպցիոն կոմիտեն նշում է, որ հեռակա վարույթով դատաքննության արդյունքներով հնարավորություն կընձեռվի մեղադրական դատավճռի կայացման դեպքում հօգուտ պետության բռնագրավվել վերոհիշյալ դրամական միջոցներն ու գույքը՝ բռնագանձման ենթակա գումարի չափով:Հիշեցնենք` ըստ գործի նյութերի՝ Արամ Հարությունյանը գործարար Սիլվա Համբարձումյանից կաշառք է ստացել իր ընկերություններին հանքարդյունաբերական գործունեություն իրականացնելու 10 լիցենզիա տրամադրելու համար, նաև չարաշահել է լիազորությունները, և «Ջրաձոր» ՀԷԿ-ին ամենօրյա ջրօգտագործման թույլտվություն (պատկանում է «Անի» ՍՊԸ-ին) է տրվել։Գործի նախաքննությամբ բացահայտվել էր, որ կոռուպցիոն բնույթի չարաշահումներում ներգրավված են եղել նաև ՀՀ ԱԺ նախկին պատգամավոր Ալեքսան Պետրոսյանը, նախարարության ենթակայությամբ գործող ՊՈԱԿ-ի տնօրենի նախկին տեղակալ Սուրեն Ավագյանը, Սևանի հոգեբուժարանի նախկին տնօրեն Գագիկ Կարապետյանը, ինչպես նաև Արամ Հարությունյանի մտերիմ այլ անձինք` Արաքս Դիլանյանն ու Վիկտոր Մարտիրոսյանը:Թափանիվը սկսել է աշխատել. դատախազը` ապօրինի ծագմամբ գույքի բռնագանձման մասինԱրամ Հարությունյանի և նրան օժանդակած մյուս երկու մեղադրյալների՝ Սուրեն Ավագյանի ու Գագիկ Կարապետյանի նկատմամբ որպես խափանման միջոց է ընտրվել կալանքը: Հեռակա վարույթի շրջանակում Արամ Հարությունյանի նկատմամբ հանրային քրեական հետապնդում է հարուցվել պաշտոնատար անձի կողմից առանձնապես խոշոր չափի կաշառք ստանալու, հանցավոր ճանապարհով ստացված առանձնապես խոշոր չափի գույքն օրինականացնելու և պաշտոնեական լիազորությունները չարաշահելու հոդվածներով։Ըստ ՀՀ հակակոռուպիցոն կոմիտեի` նա մտերիմ անձանց օժանդակությամբ ստացել է առանձնապես խոշոր չափերով՝ 14 մլն ԱՄՆ դոլար կաշառք, ապա օրինականացրել հանցավոր ճանապարհով ստացված առանձնապես խոշոր չափերով՝ 5 մլն ԱՄՆ դոլարը, ինչպես նաև չարաշահել է իր պաշտոնեական լիազորությունները, որն անզգուշությամբ առաջացրել է ծանր հետևանքներ։Հավելենք, որ Արամ Հարությունյանի նկատմամբ հետախուզում է հայտարարվել 2019-ի հունվարին։ՀՀ–ում ապօրինի գույքի բռնագանձման հայց է ներկայացվել ավելի քան 20 նախկին պաշտոնյայի հանդեպ
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, արամ հարությունյան, քրեական գործ, կաշառք
հայաստան, արամ հարությունյան, քրեական գործ, կաշառք
Նախկին նախարար Արամ Հարությունյանի գույքի վրա արգելանք է դրվել
11:18 26.06.2023 (Թարմացված է: 11:31 26.06.2023) Արամ Հարությունյանի նկատմամբ հետախուզում է հայտարարվել 2019-ի հունվարին։
ԵՐԵՎԱՆ, 26 հունիսի – Sputnik. ՀՀ բնապահպանության նախարար Արամ Հարությունյանի և 14 մլն դոլար կաշառքի գործով մյուս մեղադրյալների 3 տասնյակից ավելի գույքերի վրա արգելանք է դրվել։ Տեղեկությունը հայտնում է
ՀՀ հակակոռուպցիոն կոմիտեն` նշելով, որ կաշառք ստանալու դեպքի առթիվ քննված հեռակա վարույթով նախաքննությունն ավարտվել է:
Արգելադրվել են Ա. Հարությունյանին փաստացի պատկանող, Երևանում գտնվող Տիգրան Մեծի 4 հասցեի շենքը, Կ.Ուլնեցու 50/1 հասցեի տունը, Դավիթ Անհաղթի փողոցի 10/1 շենքը, Ջ.Բայրոնի ու Ղ.Փարպեցու փողոցներում գտնվող բնակարաններն ու ավտոտնակը:
Արգելադրվել են նաև Արամ Հարությունյանի բանկային հաշիվներում առկա 1 մլն 704 հազար ԱՄՆ դոլարի, 11 հազար եվրոյի և 350 մլն դրամի չափով դրամական միջոցները: Հակակոռուպցիոն կոմիտեն նշում է, որ հեռակա վարույթով դատաքննության արդյունքներով հնարավորություն կընձեռվի մեղադրական դատավճռի կայացման դեպքում հօգուտ պետության բռնագրավվել վերոհիշյալ դրամական միջոցներն ու գույքը՝ բռնագանձման ենթակա գումարի չափով:
Հիշեցնենք` ըստ գործի նյութերի՝ Արամ Հարությունյանը գործարար Սիլվա Համբարձումյանից կաշառք է ստացել իր ընկերություններին հանքարդյունաբերական գործունեություն իրականացնելու 10 լիցենզիա տրամադրելու համար, նաև չարաշահել է լիազորությունները, և «Ջրաձոր» ՀԷԿ-ին ամենօրյա ջրօգտագործման թույլտվություն (պատկանում է «Անի» ՍՊԸ-ին) է տրվել։
Գործի նախաքննությամբ բացահայտվել էր, որ կոռուպցիոն բնույթի չարաշահումներում ներգրավված են եղել նաև ՀՀ ԱԺ նախկին պատգամավոր Ալեքսան Պետրոսյանը, նախարարության ենթակայությամբ գործող ՊՈԱԿ-ի տնօրենի նախկին տեղակալ Սուրեն Ավագյանը, Սևանի հոգեբուժարանի նախկին տնօրեն Գագիկ Կարապետյանը, ինչպես նաև Արամ Հարությունյանի մտերիմ այլ անձինք` Արաքս Դիլանյանն ու Վիկտոր Մարտիրոսյանը:
Արամ Հարությունյանի և նրան օժանդակած մյուս երկու մեղադրյալների՝ Սուրեն Ավագյանի ու Գագիկ Կարապետյանի նկատմամբ որպես խափանման միջոց է ընտրվել կալանքը: Հեռակա վարույթի շրջանակում Արամ Հարությունյանի նկատմամբ հանրային քրեական հետապնդում է հարուցվել պաշտոնատար անձի կողմից առանձնապես խոշոր չափի կաշառք ստանալու, հանցավոր ճանապարհով ստացված առանձնապես խոշոր չափի գույքն օրինականացնելու և պաշտոնեական լիազորությունները չարաշահելու հոդվածներով։
Ըստ ՀՀ հակակոռուպիցոն կոմիտեի` նա մտերիմ անձանց օժանդակությամբ ստացել է առանձնապես խոշոր չափերով՝ 14 մլն ԱՄՆ դոլար կաշառք, ապա օրինականացրել հանցավոր ճանապարհով ստացված առանձնապես խոշոր չափերով՝ 5 մլն ԱՄՆ դոլարը, ինչպես նաև չարաշահել է իր պաշտոնեական լիազորությունները, որն անզգուշությամբ առաջացրել է ծանր հետևանքներ։
Հավելենք, որ Արամ Հարությունյանի նկատմամբ հետախուզում է հայտարարվել 2019-ի հունվարին։
