https://arm.sputniknews.ru/20230630/tersnvats-en-ajn-mardik-vorvonq-voch-te-qich-ajl-skhal-en-snvum-gajane-shakhhatuni-61945706.html
Թերսնված են այն մարդիկ, որոնք ոչ թե քիչ, այլ սխալ են սնվում. Գայանե Շախհաթունի
Թերսնված են այն մարդիկ, որոնք ոչ թե քիչ, այլ սխալ են սնվում. Գայանե Շախհաթունի
Sputnik Արմենիա
Թերսնված չլինելու համար, ըստ սննդի խորհրդատուի, մարդը պետք է շատ օգտագործի թարմ բանջարեղեն` չտապակած, չխաշած, որը պետք է կազմի օրվա սննդի մոտ 60 տոկոսը։ 30.06.2023, Sputnik Արմենիա
2023-06-30T08:55+0400
2023-06-30T08:55+0400
2023-06-30T08:55+0400
սնունդ
առողջ սնունդ
հայաստան
պարեն
սպիտակուցներ
ածխաջրեր
https://cdn.am.sputniknews.ru/img/07e4/07/17/23861116_0:112:1600:1012_1920x0_80_0_0_0e9757e93d1969f6d8f863f17ef214b0.jpg
ԵՐԵՎԱՆ, 30 հունիսի - Sputnik. Թերսնված են այն մարդիկ, որոնք ոչ թե քիչ, այլ սխալ են սնվում, օգտագործում չբալանսավորված, անառողջ սնունդ։ Sputnik Արմենիայի հետ զրույցում այս մասին ասաց Սննդի խորհրդատու Գայանե Շախհաթունին։Ավելի վաղ հայտնել էինք, որ ՀՀ կառավարությունը պարենային անվտանգության եռամյա ռազմավարություն է մշակել, քանի որ ըստ պարենի համաշխարհային ծրագրի` ՀՀ բնակչության 25-35 տոկոսը թերսնվում է։Սննդի խորհրդատուն ընդգծում է` թերսնում` չի նշանակում սոված մնալ։ Դա են, ըստ նրա, վկայում նաև մեզանում բավականին մեծ թիվ կազմող գեր մարդիկ։Գայանե Շախհաթունին խորհուրդ է տալիս ուշադիր լինել, թե օրգանիզմը հատկապես որ նյութերի կարիքն ունի։ Իսկ դրա համար անհրաժեշտ է պարբերաբար անալիզներ հանձնել` հասկանալու համար, օրինակ` արդյոք վիտամին Դ, Ե կամ Բ խմբի վիտամինների պակաս կա, թե ոչ։«Եթե այս վիտամինները չկան, ուրեմն, այո՛, մարդը թերսնված է»,– վստահեցնում է նա։Թերսնված չլինելու համար, ըստ սննդի խորհրդատուի, մարդը պետք է շատ օգտագործի թարմ բանջարեղեն` չտապակած, չխաշած, որը պետք է կազմի օրվա սննդի մոտ 60 տոկոսը. այն մարդուն պահում է առողջ, օրգանիզմը չի ծերացնում, ճարպակալման չի հասցնում։Ի՞նչ ուտել քաղցրի պակասից չտառապելու համար. սննդաբանի խորհուրդըԻ տարբերություն բանջարեղենի, պարզվում է, չպետք է չարաշահել միրգը։ Առողջապահական ստանդարտներով, ըստ մասնագետի, մրգի մեջ ածխաջրերն ու գլյուկոզան շատ են։ Մրգերից մեծ քանակությամբ կարելի է ուտել հատապտուղներ միայն։Բացի այդ, օրգանիզմի ճիշտ և առողջ սննդի համար, ըստ Գայանե Շախհաթունու, շատ կարևոր են սպիտակուցները, որոնք բացի մսից, կան նաև ձվի, կաթնամթերքի մեջ։ Դրանք մասամբ յուղոտ պետք է լինեն, քանի որ սպիտակուցները յուրացվում են նաև ճարպերով։Սննդի խորհրդատուն, սակայն, դրական դինամիկա է տեսնում` համեմատելով ներկան և 15-20 տարի առաջ եղած իրավիճակը։ Ըստ նրա` հիմա մարդիկ շատ ավելի գրագետ են դարձել, գիտեն արդեն` ինչ է իրենց անհրաժեշտ օրվա ընթացքում օրգանիզմը բջջանյութով, սպիտակուցներով լրացնելու համար և նաև այն, որ ածխաջրերը մեզ մինիմալ քանակի են անհրաժեշտ։Սննդաբանն ասել է՝ արագ նիհարելու համար երբ է պետք ընթրելՆշենք, որ Պարենի համաշխարհային ծրագրի կողմից ՀՀ–ում իրականացված «Հայաստանի պարենային անվտանգության և խոցելիության» գնահատման հետազոտության համաձայն` ՀՀ տնային տնտեսությունների 23%-ը սպառում է օրական անհրաժեշտ կալորիականության ոչ բավարար քանակ, իսկ 56%-ը՝ անհրաժեշտ օրական միջին կալորիականության շուրջ 70%–ը: Առավել խոցելի է Տավուշի մարզը, որտեղ այդ ցուցանիշը կազմում է 25%, Լոռու մարզը՝ 31%, Շիրակի մարզը՝ 35%։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
սնունդ, առողջ սնունդ, հայաստան, պարեն, սպիտակուցներ, ածխաջրեր
սնունդ, առողջ սնունդ, հայաստան, պարեն, սպիտակուցներ, ածխաջրեր
Թերսնված են այն մարդիկ, որոնք ոչ թե քիչ, այլ սխալ են սնվում. Գայանե Շախհաթունի
Թերսնված չլինելու համար, ըստ սննդի խորհրդատուի, մարդը պետք է շատ օգտագործի թարմ բանջարեղեն` չտապակած, չխաշած, որը պետք է կազմի օրվա սննդի մոտ 60 տոկոսը։
ԵՐԵՎԱՆ, 30 հունիսի - Sputnik. Թերսնված են այն մարդիկ, որոնք ոչ թե քիչ, այլ սխալ են սնվում, օգտագործում չբալանսավորված, անառողջ սնունդ։ Sputnik Արմենիայի հետ զրույցում այս մասին ասաց Սննդի խորհրդատու Գայանե Շախհաթունին։
Ավելի վաղ
հայտնել էինք, որ ՀՀ կառավարությունը պարենային անվտանգության եռամյա ռազմավարություն է մշակել, քանի որ ըստ պարենի համաշխարհային ծրագրի` ՀՀ բնակչության 25-35 տոկոսը թերսնվում է։
«Հայերիս սննդակարգում գերակշռում են հացաբուլկեղենը, շաքարավազով պատրաստված մթերքը, որոնցից մարդու օրգանիզմը բավարար քանակի վիտամիններ, հանքանյութեր չի ստանում։ Արդյունքում բացակայում են այն նյութերը, որոնք իրականում մեր օրգանիզմին պետք են։ Եթե գրագետ չես սնվում, ապա, ըստ էության, թերսնված ես»,– նկատում է Գայանե Շախհաթունին։
Սննդի խորհրդատուն ընդգծում է` թերսնում` չի նշանակում սոված մնալ։ Դա են, ըստ նրա, վկայում նաև մեզանում բավականին մեծ թիվ կազմող գեր մարդիկ։
Գայանե Շախհաթունին խորհուրդ է տալիս ուշադիր լինել, թե օրգանիզմը հատկապես որ նյութերի կարիքն ունի։ Իսկ դրա համար անհրաժեշտ է պարբերաբար անալիզներ հանձնել` հասկանալու համար, օրինակ` արդյոք վիտամին Դ, Ե կամ Բ խմբի վիտամինների պակաս կա, թե ոչ։
«Եթե այս վիտամինները չկան, ուրեմն, այո՛, մարդը թերսնված է»,– վստահեցնում է նա։
Թերսնված չլինելու համար, ըստ սննդի խորհրդատուի, մարդը պետք է շատ օգտագործի թարմ բանջարեղեն` չտապակած, չխաշած, որը պետք է կազմի օրվա սննդի մոտ 60 տոկոսը. այն մարդուն պահում է առողջ, օրգանիզմը չի ծերացնում, ճարպակալման չի հասցնում։
Ի տարբերություն բանջարեղենի, պարզվում է, չպետք է չարաշահել միրգը։ Առողջապահական ստանդարտներով, ըստ մասնագետի, մրգի մեջ ածխաջրերն ու գլյուկոզան շատ են։ Մրգերից մեծ քանակությամբ կարելի է ուտել հատապտուղներ միայն։
Բացի այդ, օրգանիզմի ճիշտ և առողջ սննդի համար, ըստ Գայանե Շախհաթունու, շատ կարևոր են սպիտակուցները, որոնք բացի մսից, կան նաև ձվի, կաթնամթերքի մեջ։ Դրանք մասամբ յուղոտ պետք է լինեն, քանի որ սպիտակուցները յուրացվում են նաև ճարպերով։
«Ռացիոնում պետք է անպայման լինի ծովամթերք, քանի որ դրանք էլ օմեգա շարքից են, որոնք, ցավոք, մեր երկրում քիչ են»,– վստահեցնում է նա։
Սննդի խորհրդատուն, սակայն, դրական դինամիկա է տեսնում` համեմատելով ներկան և 15-20 տարի առաջ եղած իրավիճակը։ Ըստ նրա` հիմա մարդիկ շատ ավելի գրագետ են դարձել, գիտեն արդեն` ինչ է իրենց անհրաժեշտ օրվա ընթացքում օրգանիզմը բջջանյութով, սպիտակուցներով լրացնելու համար և նաև այն, որ ածխաջրերը մեզ մինիմալ քանակի են անհրաժեշտ։
Նշենք, որ Պարենի համաշխարհային ծրագրի կողմից ՀՀ–ում իրականացված «Հայաստանի պարենային անվտանգության և խոցելիության» գնահատման հետազոտության համաձայն` ՀՀ տնային տնտեսությունների 23%-ը սպառում է օրական անհրաժեշտ կալորիականության ոչ բավարար քանակ, իսկ 56%-ը՝ անհրաժեշտ օրական միջին կալորիականության շուրջ 70%–ը: Առավել խոցելի է Տավուշի մարզը, որտեղ այդ ցուցանիշը կազմում է 25%, Լոռու մարզը՝ 31%, Շիրակի մարզը՝ 35%։
