Վթար Մասիս-Մարմարաշեն ավտոճանապարհին․ 4 տարեկան երեխան մահացել է, տուժածներ կան

© press office of the Rescue Service of the MIA of RAДТП на автодороге Масис-Мармарашен
ДТП на автодороге Масис-Мармарашен - Sputnik Արմենիա, 1920, 03.07.2023
Բաժանորդագրվեք
НовостиTelegram
Տուժածներից երկուսին տեղափոխել են Երևան` «Էրեբունի» բուժկենտրոն։ Նրանցից մեկը 21 տարեկան է։
ԵՐԵՎԱՆ, 3 հուլիսի – Sputnik. Արարատի մարզում` Մասիս-Մարմարաշեն ավտոճանապարհին, մեքենաներ են բախվել, ինչի հետևանքով 4 տարեկան երեխա է մահացել, 3 մեծահասակ վնասվածքներ են ստացել։ Տեղեկությունը հայտնում է ՀՀ ՆԳՆ փրկարար ծառայությունը։
Ըստ հաղորդագրության` Արարատի մարզային փրկարարական վարչության ճգնաժամային կառավարման կենտրոնը վթարի մասին ահազանգը ստացել է հուլիսի 3-ին` ժամը 00։24-ին։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «Opel» (վարորդ՝ Ս․ Գ․, ծնված 1990 թ.) և «Ford» (վարորդ՝ Գ․ Թ․) մակնիշների ավտոմեքենաները, «Opel»–ի ուղևոր Ա․ Գ․-ն (ծնված 2019 թ.) մահացել է:
Մինչ փրկարարների կանչի վայր հասնելը «Opel» մակնիշի ավտոմեքենայի վարորդը, ուղևորներ Լ․ Գ․-ն (ծնված 2004 թ.) և Հ․ Գ․-ն (ծնված 1970 թ.) տեղափոխվել են «Մասիսի» ԲԿ, որտեղ վարորդին ցուցաբերվել է համապատասխան բուժօգնություն, իսկ ուղևորները տեղափոխվել են «Էրեբունի» ԲԿ:
Փրկարարներն ավտոմեքենայից դուրս են բերել Ա․ Գ․-ի դին և մոտեցրել շտապօգնության ավտոմեքենային: Նրանք հոսանքազրկել են ավտոմեքենաները և փակել գազի բալոնների փականները:
Արմավիրի մարզում բախվել են բեռնատարն ու մարդատար «Գազելը». 4 հոգու հիվանդանոց են տեղափոխել
Լրահոս
0