https://arm.sputniknews.ru/20230706/hh-ishkhanutjuny-kogni-ajn-ynkerutjunnerin-vorvonq-arzhetghtery-knerkajacnen-teghakan-bvorsa-62187492.html
ՀՀ իշխանությունը կօգնի այն ընկերություններին, որոնք արժեթղթերը կներկայացնեն տեղական բորսա
ՀՀ իշխանությունը կօգնի այն ընկերություններին, որոնք արժեթղթերը կներկայացնեն տեղական բորսա
Sputnik Արմենիա
Նոր ընկերությունների մուտքը տեղական բորսա կընդլայնի ֆինանսներ ներգրավելու հնարավորությունները, ինչն էլ իր հերթին կակտիվացնի տնտեսությունը: 06.07.2023, Sputnik Արմենիա
2023-07-06T11:41+0400
2023-07-06T11:41+0400
2023-07-06T11:44+0400
հայաստան
բորսա
հհ կառավարություն
էկոնոմիկայի նախարարություն
https://cdn.am.sputniknews.ru/img/2235/70/22357047_0:0:1601:901_1920x0_80_0_0_1b5f9aaa3075b5e4efc48d5071cce900.jpg
ԵՐԵՎԱՆ, 6 հուլիսի – Sputnik. Հայաստանի իշխանությունները կսուբսիդավորեն այն ընկերություններին, որոնք կորոշեն արժեթղթերը մուտքագրել տեղական բորսա։ Այս մասին որոշումն ընդունվեց ՀՀ կառավարության նիստում։Մի կողմից բաժնետոմսերի տոկոսադրույքը կարող է ավելի բարձր լինել, քան բիզնես վարկերը, մյուս կողմից ընկերությունները պարտավոր չեն ամբողջությամբ բաշխել իրենց շահույթը բաժնետերերին՝ թողնելով «մանևրելու ազատություն»:Դա բիզնեսի համար նոր հնարավորություններ կստեղծի ֆինանսներ ներգրավելու համար, ինչն էլ նշանակում է, որ այն կակտիվացնի տնտեսությունը։Ընկերությունը, որպեսզի կարողանա տնօրինել իր բաժնետերերի միջոցները, պետք է պահպանի թափանցիկ ֆինանսական գրառումներ, և սեփականատերերն ու ղեկավարները չպետք է միանձնյա կառավարեն ընկերությունը:Անհրաժեշտ է անցկացնել անկախ աուդիտ, ինչպես նաև ստեղծել անկախ տնօրենների կառավարման խորհուրդ։Ինչո՞ւ են ՏՏ ոլորտի միլիարդներն անցնում ՀՀ-ի կողքով. բիզնեսը և իշխանությունը` խնդրի մասինԱրժեթղթերը հայկական բորսայում հիմնականում տեղաբաշխում են բանկերն ու վարկային կազմակերպությունները՝ չնչին բացառություններով։ Կապիտալի շուկայի զարգացման համար կառավարությունը պատրաստվում է սուբսիդավորել բորսա մուտք գործելու ծախսերը, այդ թվում՝ բորսայում ընկերության տեղաբաշխման, ինչպես նաև արժեթղթերի թողարկման և գնորդների որոնման ծախսերը։Սուբսիդիան կտրամադրվի առնվազն 36 ամիս մարման ժամկետով ՀՀ դրամով պարտատոմսերի թողարկման ժամանակ: Պարտատոմսերի թողարկման, տեղաբաշխման և բորսայում ցուցակման դեպքում ընկերությունը կկարողանա ստանալ տեղաբաշխման անվանական ծավալի 2 տոկոսի չափով սուբսիդիա, բայց ոչ ավելի, քան 30 մլն դրամ:Բաժնետոմսերի թողարկման դեպքում կսուբսիդավորվի ծախսերի 80%-ը: Ընդ որում` յուրաքանչյուր ընկերություն կարող է աջակցություն ստանալ միայն մեկ անգամ։Միջազգային վարկային վարկանիշ ստանալ ցանկացող ընկերություններին պետությունն առաջին տարվա ընթացքում կվճարի միջազգային վարկանիշային կազմակերպությունների ծառայությունների 50 տոկոսը: Եթե ընկերությունն արժեթղթերը ներկայացնի Հայաստանի ֆոնդային բորսայում, ապա առավելագույն սուբսիդիան կաճի մինչև 80 տոկոս։Աջակցության նախագիծը մշակած էկոնոմիկայի նախարարության նախնական գնահատմամբ՝ այն ընկերություններին թույլ կտա ավելի մեծ ծավալով ֆինանսներ ներգրավել: Առաջին երեք տարիների ընթացքում աջակցության ծավալը կկազմի շուրջ 10,65 մլրդ դրամ, որի արդյունքում բաժնետոմսերի և պարտատոմսերի նոր թողարկումները կկազմեն 97,5 մլրդ դրամ:Նշենք, որ մեկ տարի առաջ Հայաստանի ֆոնդային բորսայի (AMX) հսկիչ փաթեթը ձեռք բերեց Վարշավայի ֆոնդային բորսան (GPW), որը ՀՀ կենտրոնական բանկի և կառավարության հետ պատրաստվում է ակտիվացնել արժեթղթերի շուկան երկրում:Արտասահմանյան ներդրումային ֆոնդերին հետաքրքրում են հայկական դրամով պարտատոմսերը. նախարար
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, բորսա, հհ կառավարություն, էկոնոմիկայի նախարարություն
հայաստան, բորսա, հհ կառավարություն, էկոնոմիկայի նախարարություն
ՀՀ իշխանությունը կօգնի այն ընկերություններին, որոնք արժեթղթերը կներկայացնեն տեղական բորսա
11:41 06.07.2023 (Թարմացված է: 11:44 06.07.2023) Նոր ընկերությունների մուտքը տեղական բորսա կընդլայնի ֆինանսներ ներգրավելու հնարավորությունները, ինչն էլ իր հերթին կակտիվացնի տնտեսությունը:
ԵՐԵՎԱՆ, 6 հուլիսի – Sputnik. Հայաստանի իշխանությունները կսուբսիդավորեն այն ընկերություններին, որոնք կորոշեն արժեթղթերը մուտքագրել տեղական բորսա։ Այս մասին որոշումն ընդունվեց ՀՀ կառավարության նիստում։
Գործադիր մարմնի նպատակն է ընկերությունների համար ստեղծել հնարավորություններ, որպեսզի ֆինանսներ ներգրավեն ոչ միայն բանկերից, այլև բաժնետոմսերի և պարտատոմսերի տեղաբաշխումից:
Մի կողմից բաժնետոմսերի տոկոսադրույքը կարող է ավելի բարձր լինել, քան բիզնես վարկերը, մյուս կողմից ընկերությունները պարտավոր չեն ամբողջությամբ բաշխել իրենց շահույթը բաժնետերերին՝ թողնելով «մանևրելու ազատություն»:
Դա բիզնեսի համար նոր հնարավորություններ կստեղծի ֆինանսներ ներգրավելու համար, ինչն էլ նշանակում է, որ այն կակտիվացնի տնտեսությունը։
Ընկերությունը, որպեսզի կարողանա տնօրինել իր բաժնետերերի միջոցները, պետք է պահպանի թափանցիկ ֆինանսական գրառումներ, և սեփականատերերն ու ղեկավարները չպետք է միանձնյա կառավարեն ընկերությունը:
Անհրաժեշտ է անցկացնել անկախ աուդիտ, ինչպես նաև ստեղծել անկախ տնօրենների կառավարման խորհուրդ։
Արժեթղթերը հայկական բորսայում հիմնականում տեղաբաշխում են բանկերն ու վարկային կազմակերպությունները՝ չնչին բացառություններով։ Կապիտալի շուկայի զարգացման համար կառավարությունը պատրաստվում է սուբսիդավորել բորսա մուտք գործելու ծախսերը, այդ թվում՝ բորսայում ընկերության տեղաբաշխման, ինչպես նաև արժեթղթերի թողարկման և գնորդների որոնման ծախսերը։
Սուբսիդիան կտրամադրվի առնվազն 36 ամիս մարման ժամկետով ՀՀ դրամով պարտատոմսերի թողարկման ժամանակ: Պարտատոմսերի թողարկման, տեղաբաշխման և բորսայում ցուցակման դեպքում ընկերությունը կկարողանա ստանալ տեղաբաշխման անվանական ծավալի 2 տոկոսի չափով սուբսիդիա, բայց ոչ ավելի, քան 30 մլն դրամ:
Բաժնետոմսերի թողարկման դեպքում կսուբսիդավորվի ծախսերի 80%-ը: Ընդ որում` յուրաքանչյուր ընկերություն կարող է աջակցություն ստանալ միայն մեկ անգամ։
Միջազգային վարկային վարկանիշ ստանալ ցանկացող ընկերություններին պետությունն առաջին տարվա ընթացքում կվճարի միջազգային վարկանիշային կազմակերպությունների ծառայությունների 50 տոկոսը: Եթե ընկերությունն արժեթղթերը ներկայացնի Հայաստանի ֆոնդային բորսայում, ապա առավելագույն սուբսիդիան կաճի մինչև 80 տոկոս։
Աջակցության նախագիծը մշակած էկոնոմիկայի նախարարության նախնական գնահատմամբ՝ այն ընկերություններին թույլ կտա ավելի մեծ ծավալով ֆինանսներ ներգրավել: Առաջին երեք տարիների ընթացքում աջակցության ծավալը կկազմի շուրջ 10,65 մլրդ դրամ, որի արդյունքում բաժնետոմսերի և պարտատոմսերի նոր թողարկումները կկազմեն 97,5 մլրդ դրամ:
Նշենք, որ մեկ տարի առաջ Հայաստանի ֆոնդային բորսայի (AMX) հսկիչ փաթեթը ձեռք բերեց Վարշավայի ֆոնդային բորսան (GPW), որը ՀՀ կենտրոնական բանկի և կառավարության հետ պատրաստվում է ակտիվացնել արժեթղթերի շուկան երկրում:
