https://arm.sputniknews.ru/20230708/gneri-ktruk-atshic-hetvo-ashkharhum-himnakan-apranqnern-ezhananum-en-baci-mekic-mak-62292707.html
Գների կտրուկ աճից հետո աշխարհում հիմնական ապրանքներն էժանանում են, բացի մեկից. ՄԱԿ
Գների կտրուկ աճից հետո աշխարհում հիմնական ապրանքներն էժանանում են, բացի մեկից. ՄԱԿ
Sputnik Արմենիա
Ձեթի գները 2020 թվականի նոյեմբերից ի վեր ամենացածր մակարդակում են։ Զգալիորեն նվազել են հացահատիկի և կաթնամթերքի գները, սակայն թանկացել է շաքարը։ 08.07.2023, Sputnik Արմենիա
2023-07-08T17:50+0400
2023-07-08T17:50+0400
2023-07-08T17:50+0400
գներ
սննդամթերք
պարեն
միավորված ազգերի կազմակերպություն (մակ)
https://cdn.am.sputniknews.ru/img/07e5/07/1d/28477393_0:80:1600:980_1920x0_80_0_0_eefa78d00be0f3a83d17d643d11c4203.jpg
ԵՐԵՎԱՆ, 8 հուլիսի – Sputnik. ՄԱԿ-ի Պարենի և գյուղատնտեսության կազմակերպության (FAO) կողմից կազմված Պարենի համաշխարհային գների ինդեքսը հունիսին նվազել է մինչև 122,3 կետ: Մեկ ամսում այն նվազել է 1,7 կետով, իսկ 2022 թվականի մարտի պիկի համեմատ՝ 37,4 կետով։ Մասնավորապես՝ զգալիորեն էժանացել են հացահատիկը, ձեթն ու կաթնամթերքը։Հացահատիկի գները մեկ տարում նվազել են 24%-ով։ Մասնավորապես, հինգերորդ ամիսն անընդմեջ էժանանում է եգիպտացորենը՝ շնորհիվ Արգենտինայում, Բրազիլիայում և ԱՄՆ-ում բարձր բերքատվության։ Ինչ վերաբերում է ցորենին, ապա Ռուսաստանում այս տարի առատ բերք է նկատվում, իսկ ՌԴ իշխանությունը հունիսին նվազեցրել է ցորենի արտահանման տուրքը, ինչը մեծացրել է դրա ներհոսքը շուկա։ Լավ բերք է սպասվում նաև ԱՄՆ-ում։Կաթնամթերքի ինդեքսը մեկ տարվա ընթացքում նվազել է 22%-ով՝ պայմանավորված այն հանգամանքով, որ շուկայում ավելացել են պանրի և կաթի ծավալները, իսկ դրանց վաճառքը նվազել է։ Միևնույն ժամանակ, կարագը թանկացել է Մերձավոր Արևելքում պահանջարկի աճի պատճառով։Մսի գինը մեկ տարում նվազել է մոտ 6.4%-ով։ Արտադրության ծավալների նվազման պատճառով ԵՄ-ում թանկացել է խոզի միսը։ Արևելյան Ասիայում բարձր պահանջարկի պատճառով հավի մսի գներն աճել են, այն դեպքում, երբ Բրազիլիայում (աշխարհի խոշորագույն մատակարարներից մեկը) թռչնագրիպի պատճառով արտադրության հետ կապված դժվարությունները պահպանվում են: Բայց մյուս կողմից, տավարի և գառան միսը էժանացել է Ավստրալիայում և Օվկիանիայում արտադրության աճի պատճառով: Ինչպե՞ս են փոխվել սննդամթերքի գները ՀՀ–ում 2023 թ հունիսին․ ինֆոգրաֆիկաՇաքարավազի գինը մնում է 29,7%-ով ավելի բարձր, քան մեկ տարի առաջ։ Մի կողմից, Բրազիլիայում սպասվում է եղեգի լավ բերք, Չինաստանում էլ շաքարի պահանջարկը նվազել է։ Բայց մյուս կողմից, գները բարձրանում են մթնոլորտային երևույթների բացասական սպասումների պատճառով, որոնք հայտնի են «Էլ Նինյո» անվանումով: Բացի այդ, բրազիլական շաքարի գներն աճում են դոլարի նկատմամբ ռեալի ամրապնդման պատճառով։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
գներ, սննդամթերք, պարեն, միավորված ազգերի կազմակերպություն (մակ)
գներ, սննդամթերք, պարեն, միավորված ազգերի կազմակերպություն (մակ)
Գների կտրուկ աճից հետո աշխարհում հիմնական ապրանքներն էժանանում են, բացի մեկից. ՄԱԿ
Ձեթի գները 2020 թվականի նոյեմբերից ի վեր ամենացածր մակարդակում են։ Զգալիորեն նվազել են հացահատիկի և կաթնամթերքի գները, սակայն թանկացել է շաքարը։
ԵՐԵՎԱՆ, 8 հուլիսի – Sputnik. ՄԱԿ-ի Պարենի և գյուղատնտեսության կազմակերպության (FAO) կողմից կազմված Պարենի համաշխարհային գների ինդեքսը հունիսին նվազել է մինչև 122,3 կետ: Մեկ ամսում այն նվազել է 1,7 կետով, իսկ 2022 թվականի մարտի պիկի համեմատ՝ 37,4 կետով։ Մասնավորապես՝ զգալիորեն էժանացել են հացահատիկը, ձեթն ու կաթնամթերքը։
Հացահատիկի գները մեկ տարում նվազել են 24%-ով։ Մասնավորապես, հինգերորդ ամիսն անընդմեջ էժանանում է եգիպտացորենը՝ շնորհիվ Արգենտինայում, Բրազիլիայում և ԱՄՆ-ում բարձր բերքատվության։ Ինչ վերաբերում է ցորենին, ապա Ռուսաստանում այս տարի առատ բերք է նկատվում, իսկ ՌԴ իշխանությունը հունիսին նվազեցրել է ցորենի արտահանման տուրքը, ինչը մեծացրել է դրա ներհոսքը շուկա։ Լավ բերք է սպասվում նաև ԱՄՆ-ում։
Ձեթի գները մեկ տարվա ընթացքում նվազել են 45%-ով և գտնվում են ամենացածր մակարդակում 2020 թվականի նոյեմբերից ի վեր։ Թեև սոյայի յուղը թանկանում է, բայց արմավենու և արևածաղկի ձեթը զգալիորեն էժանացել է (արևածաղկի բարձր բերք է սպասվում):
Կաթնամթերքի ինդեքսը մեկ տարվա ընթացքում նվազել է 22%-ով՝ պայմանավորված այն հանգամանքով, որ շուկայում ավելացել են պանրի և կաթի ծավալները, իսկ դրանց վաճառքը նվազել է։ Միևնույն ժամանակ, կարագը թանկացել է Մերձավոր Արևելքում պահանջարկի աճի պատճառով։
Մսի գինը մեկ տարում նվազել է մոտ 6.4%-ով։ Արտադրության ծավալների նվազման պատճառով ԵՄ-ում թանկացել է խոզի միսը։ Արևելյան Ասիայում բարձր պահանջարկի պատճառով հավի մսի գներն աճել են, այն դեպքում, երբ Բրազիլիայում (աշխարհի խոշորագույն մատակարարներից մեկը) թռչնագրիպի պատճառով արտադրության հետ կապված դժվարությունները պահպանվում են: Բայց մյուս կողմից, տավարի և գառան միսը էժանացել է Ավստրալիայում և Օվկիանիայում արտադրության աճի պատճառով:
Շաքարավազի գինը մնում է 29,7%-ով ավելի բարձր, քան մեկ տարի առաջ։ Մի կողմից, Բրազիլիայում սպասվում է եղեգի լավ բերք, Չինաստանում էլ շաքարի պահանջարկը նվազել է։ Բայց մյուս կողմից, գները բարձրանում են մթնոլորտային երևույթների բացասական սպասումների պատճառով, որոնք հայտնի են «Էլ Նինյո» անվանումով: Բացի այդ, բրազիլական շաքարի գներն աճում են դոլարի նկատմամբ ռեալի ամրապնդման պատճառով։
