Աննա Ամրոյանը ոսկե մեդալ է նվաճել ծանրամարտի Մ15 տարեկանների Եվրոպայի առաջնությունում

© Sputnik / Asatur YesayantsԱննա Ամրոյանը
Աննա Ամրոյանը - Sputnik Արմենիա, 1920, 09.07.2023
Աննա Ամրոյանը. Արխիվային լուսանկար
Բաժանորդագրվեք
НовостиTelegram
Պոկում և հրում վարժություններում հայ մարզուհին վերցրեց երկու փոքր ոսկե մեդալ, իսկ երկամարտի արդյունքով դարձավ ուժեղագույնը իր քաշային կարգում։
ԵՐԵՎԱՆ, 9 հուլիսի - Sputnik. Քիշնևում (Մոլդովա) ընթացող ծանրամարտի Եվրոպայի մինչև 15 տարեկանների առաջնությունում Հայաստանի հավաքականի ներկայացուցիչ Աննա Ամրոյանը (76 կգ քաշային կարգ) գրավեց առաջին տեղը` նվաճելով ոսկե մեդալ։ Այս մասին հայտնում է Եվրոպայի ծանրամարտի ֆեդերացիան։
Հայաստանի մեկ այլ ներկայացուցիչ` Ալինա Սուքիասյանը (71 կգ) դարձավ բրոնզե մեդալակիր։
Ամրոյանը պոկում (92 կգ) և հրում (117 կգ) վարժություններում երկու փոքր ոսկե մեդալ է նվաճել, իսկ երկամարտի արդյունքով դարձավ ուժեղագույնը իր քաշային կարգում։
Այս անվանակարգում երկրորդ տեղը զբաղեցրեց Թուրքիայի ներկայացուցիչ Բուրջու Իլդեմ Գերջեկդենը (երկամարտ՝ 206 կգ), երրորդը՝ վրացուհի Նանա Խորավան (երկամարտը՝ 194 կգ)։
Հիշեցնենք, որ հուլիսի 6-ին Հայաստանի հավաքականի մեկ այլ ներկայացուցիչ՝ Յուղաբեր Ամրոյանը (քաշը՝ 40 կգ) Քիշնևում ավարտված մինչև 15 տարեկանների Եվրոպայի առաջնությունում նվաճել էր բրոնզե մեդալ։
Լրահոս
0