ԵԱՏՄ երկրների գյուղմթերքի և պարենի արտահանման համար հեռանկարային ապրանքներն ու շուկաները
Բաժանորդագրվեք
ԵՏՀ Կոլեգիայի հանձնարարականում ընդհանուր առմամբ 55 պետություն կա, փաստաթղթում նշված է նաև արտահանման մատակարարումների աշխարհագրությունը։
«ԵԱՏՄ անդամ պետությունների գյուղատնտեսական արտադրանքի և պարենի արտահանման ներուժի բարձրացման մասին» հանձնարարականի համաձայն, որն ընդունվել է հունիսի 27–ին Եվրասիական տնտեսական հանձնաժողովի կոլեգիայի նիստում, սահմանվել են ԵԱՏՄ երկրների գյուղատնտեսական արտադրանքի արտահանման հեռանկարային շուկաները: Ընտրվել են նաև հիմնական առևտրային գործընկերները, այդ թվում` նրանք, ում հետ ԵԱՏՄ-ն զարգացնում կամ նախատեսում է համագործակցություն զարգացնել ազատ առևտրի գոտիների շրջանակում՝ Պարսից ծոցի, Հարավարևելյան Ասիայի երկրներ և այլն:
Հանձնաժողովի փորձագետների անցկացրած վերլուծությունը ցույց է տվել այն հիմնական ապրանքները, որոնք կարող են լավագույն պայմաններով մուտք գործել երրորդ երկրների շուկաներ։ Ապրանքային դիրքերից յուրաքանչյուրի համար նշվել ենմուտքի քիչ թե շատ բարենպաստ պայմաններ ունեցող երկրները։ Այսինքն` պայմանականորեն Չինաստանը կարող է երկրորդ խմբի մեջ լինել, եթե այնտեղ արտահանվի թարմ, պաղեցված կամ սառեցված խոզի միս` միաժամանակ լինելով առաջին խմբում խաղաղօվկիանոսյան սաղմոնի արտահանման համար:
Ապրանքների և իրացման հեռանկարային շուկաների ամբողջական ցանկին կարելի է ծանոթանալ ԵՏՀ կայքում:
Այսպես` հանձնաժողովի վերլուծության արդյունքում պարզվել է, որ արտահանման ներուժ ունեն՝
մսամթերքը (խոշոր եղջերավոր անասունների միս, խոզի միս, թռչնամիս, ենթամթերք) այնպիսի երկրներ, ինչպիսիք են Վիետնամը, Կատարը, Չինաստանը, ԱՄԷ-ն, Ուզբեկստանը և այլն,
ձկնեղենը և խեցեմորթները (սաղմոն, հալիբուտ, ձկան ֆիլեի առանձին տեսակներ, խեցգետիններ, ծովախեցգետիններ, կաղամար) այնպիսի երկրներ, ինչպիսիք են Եգիպտոսը, Չինաստանը, Թաիլանդը և այլն,
կաթնամթերքը (կաթ և սերուցք, կաթնային շիճուկ, կարագ, պանիրներ) այնպիսի երկրներ, ինչպիսիք են Վիետնամը, Եգիպտոսը, Իսրայելը, Չինաստանը, Օմանը, Սաուդյան Արաբիան և այլն,
հացահատիկները (ցորեն, գարի, եգիպտացորեն) այնպիսի երկրներ, ինչպիսիք են Վիետնամը, Չինաստանը, Հորդանանը, ԱՄԷ-ն, Մարոկկոն, Թունիսը, Թուրքիան և այլն:
Դիտարկված 55 երկրների համար ընտրված ապրանքային դիրքերի ընդհանուր ներմուծումը գնահատվում է 322,2 մլրդ դոլար։
