Ներնետում «Սևան» ՔԿՀ–ում. փաթեթում եղել են հեռախոսներ, կանաչավուն զանգված և ոչ միայն

© Photo : official site of the Criminal Executive Service of RAՓաթեթում եղել են հեռախոսներ, կանաչավուն զանգված
Փաթեթում եղել են հեռախոսներ, կանաչավուն զանգված - Sputnik Արմենիա, 1920, 18.07.2023
Փաթեթում եղել են հեռախոսներ, կանաչավուն զանգված
Բաժանորդագրվեք
НовостиTelegram
Բաղնիքի մասնաշենքի հարակից խոտածածկին հայտնաբերվել է կպչուն ժապավենով փաթեթ, որին նաև պարան է ամրացված եղել։
ԵՐԵՎԱՆ, 18 հուլիսի – Sputnik. Այսօր գիշերը` ժամը 02:00-ի սահմաններում «Սևան» ՔԿՀ–ում ներնետման հերթական փորձն է գրանցվել։ Տեղեկությունը հայտնում է ՀՀ քրեակատարողական ծառայության լրատվության բաժինը։
Նշվում է, որ դիտաշտարակներից մեկում ծառայություն իրականացնող աշխատակիցն ահազանգել է անվտանգության ապահովման բաժնի ծառայողներին`արգելված իրերի հնարավոր ներնետման մասին։ Ահազանգից անմիջապես հետո կատարվել է տեղազննություն:
«Արդյունքում բաղնիքի մասնաշենքի հարակից խոտածածկին հայտնաբերվել է կպչուն ժապավենով փաթեթ, որին ամրացված են եղել պարան և կրակայրիչի լուսարձակ»,– նշված է հաղորդագրության մեջ։
Փաթեթում եղել են 1 գրամ կանաչավուն, չոր զանգված, 5 բջջային հեռախոս, բաժանորդային քարտ, 2 լիցքավորման լար և 1 լիցքավորիչ:
Հայտնաբերվածներն ուղարկվել են ՀՀ ՔԿ Կոտայքի մարզային քննչական վարչություն:
Լրահոս
0