Քաղաքացիները պահանջում են սննդամթերք տեղափոխել Արցախ. ակցիա՝ ՄԱԿ–ի գրասենյակի դիմաց
Քաղաքացիները պահանջում են սննդամթերք տեղափոխել Արցախ. ակցիա՝ ՄԱԿ–ի գրասենյակի դիմաց
Sputnik Արմենիա
Եթե հարցը չլուծվի` ակցիայի մասնակիցները կշրջափակեն բոլոր այն կառույցների շենքերը, որոնք պարտավոր են քայլեր ձեռնարկել իրավիճակի լուծման համար։ 24.07.2023, Sputnik Արմենիա
ԵՐԵՎԱՆ, 24 հուլիս-Sputnik. «Բացում» քաղաքացիական շարժումը բողոքի ակցիա է իրականացրել Երևանում ՄԱԿ-ի գրասենյակի դիմաց՝ ի աջակցություն Արցախի: Շարժման ներկայացուցիչները դիմել են ՄԱԿ-ի մշտական համակարգողի պաշտոնակատար Նիելս Սքոտին` նրանից ակնկալելով աջակցություն` ՄԱԿ-ի գրասենյակի դիմաց հավաքված առաջին անհրաժեշտության իրերն ու պարենն Արցախ տեղափոխելու համար։«Մենք պահանջում ենք անհապաղ գործողություններ ձեռնարկել, որպեսզի այստեղ հավաքված ամբողջ բեռը հասնի Արցախ»,– ասում էին շենքի դիմաց հավաքված քաղաքացիները։Քաղաքացիները ակնկալում են, որ ՄԱԿ–ը կգործադրի նաև իր լծակները, որպեսզի Լաչինի միջանցքը շուտափույթ բացվի։Այս պահին քաղաքացիները շարունակում են սննդամթերքի փաթեթներ բերել ՄԱԿ–ի շենքի մոտ։ Ակցիայի մասնակիցները իրենց պահանջի գրավոր տարբերակը փոխանցեցին ՄԱԿ-ի ներկայացուցչության։Շարժման ներկայացուցիչները նշեցին, որ եթե հարցը չլուծվի, իրենք շրջափակելու են բոլոր այն կառույցների շենքերը, որոնք պարտավոր են քայլեր ձեռնարկել իրավիճակի լուծման համար։Նրանք նաև հայտարարեցին, որ այսօր երեկոյան ակցիա են իրականացնելու Երևանի Ազատության հրապարակում, որտեղ էլ կքննարկեն հետագա քայլերը։Հիշեցնենք, որ արդեն մի քանի օր է՝ «Բացում» նախաձեռնության անդամները Երևանում ՄԱԿ–ի գրասենյակ դիմաց առաջին անհրաժեշտության ապրանքներ ու պարենային մթերքներ են հավաքում` պահանջելով, որ ՄԱԿ–ը դրանք տեղափոխի շրջափակման մեջ գտնվող Արցախ։ Այսօր վաղ առավոտից էլ մի խումբ քաղաքացիներ պարբերաբար փակում են Երևանի տարբեր փողոցներ` իրազեկման ակցիա անելու նպատակով։2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։
Եթե հարցը չլուծվի` ակցիայի մասնակիցները կշրջափակեն բոլոր այն կառույցների շենքերը, որոնք պարտավոր են քայլեր ձեռնարկել իրավիճակի լուծման համար։
ԵՐԵՎԱՆ, 24 հուլիս-Sputnik. «Բացում» քաղաքացիական շարժումը բողոքի ակցիա է իրականացրել Երևանում ՄԱԿ-ի գրասենյակի դիմաց՝ ի աջակցություն Արցախի: Շարժման ներկայացուցիչները դիմել են ՄԱԿ-ի մշտական համակարգողի պաշտոնակատար Նիելս Սքոտին` նրանից ակնկալելով աջակցություն` ՄԱԿ-ի գրասենյակի դիմաց հավաքված առաջին անհրաժեշտության իրերն ու պարենն Արցախ տեղափոխելու համար։
«Մենք պահանջում ենք անհապաղ գործողություններ ձեռնարկել, որպեսզի այստեղ հավաքված ամբողջ բեռը հասնի Արցախ»,– ասում էին շենքի դիմաց հավաքված քաղաքացիները։
Քաղաքացիները ակնկալում են, որ ՄԱԿ–ը կգործադրի նաև իր լծակները, որպեսզի Լաչինի միջանցքը շուտափույթ բացվի։
Այս պահին քաղաքացիները շարունակում են սննդամթերքի փաթեթներ բերել ՄԱԿ–ի շենքի մոտ։ Ակցիայի մասնակիցները իրենց պահանջի գրավոր տարբերակը փոխանցեցին ՄԱԿ-ի ներկայացուցչության։
Շարժման ներկայացուցիչները նշեցին, որ եթե հարցը չլուծվի, իրենք շրջափակելու են բոլոր այն կառույցների շենքերը, որոնք պարտավոր են քայլեր ձեռնարկել իրավիճակի լուծման համար։
Նրանք նաև հայտարարեցին, որ այսօր երեկոյան ակցիա են իրականացնելու Երևանի Ազատության հրապարակում, որտեղ էլ կքննարկեն հետագա քայլերը։
Հիշեցնենք, որ արդեն մի քանի օր է՝ «Բացում» նախաձեռնության անդամները Երևանում ՄԱԿ–ի գրասենյակ դիմաց առաջին անհրաժեշտության ապրանքներ ու պարենային մթերքներ են հավաքում` պահանջելով, որ ՄԱԿ–ը դրանք տեղափոխի շրջափակման մեջ գտնվող Արցախ։ Այսօր վաղ առավոտից էլ մի խումբ քաղաքացիներ պարբերաբար փակում են Երևանի տարբեր փողոցներ` իրազեկման ակցիա անելու նպատակով։
