Ուկրաինան F-16 կործանիչներ ստանալուց հետո կփորձի նոր հացահատիկային միջանցք ստեղծել. ԱԳՆ

CC BY-SA 4.0 / Едуард Крижанівський / Пресслужба МЗС України / Minister of Foreign Affairs of Ukraine Dmytro Kuleba (cropped and resized)Ուկրաինայի արտաքին գործերի նախարար Դմիտրի Կուլեբան
Ուկրաինայի արտաքին գործերի նախարար Դմիտրի Կուլեբան - Sputnik Արմենիա, 1920, 25.07.2023
Ուկրաինայի արտաքին գործերի նախարար Դմիտրի Կուլեբան. Արխիվային լուսանկար
Բաժանորդագրվեք
НовостиTelegram
Ուկրաինայի արտգործնախարարը նշել է, որ կործանիչների մատակարարման հարցն արդեն լուծված է, սակայն այդ ծրագրերի իրականացման համար ժամանակ կպահանջվի:
ԵՐԵՎԱՆ, 25 հուլիսի – Sputnik. Ուկրաինան կարող է օգտվել ամերիկյան Ֆ-16 կործանիչների մատակարարումներից՝ իր գյուղատնտեսական արտադրանքի արտահանման համար նոր երթուղի ապահովելու համար, հայտարարել է Ուկրաինայի արտգործնախարար Դմիտրի Կուլեբան France 24 հեռուստաալիքի եթերում։ Նրա խոսքերը մեջբերում է ՏԱՍՍ-ը։
«Եթե մենք F-16 ունենանք, մենք կախված չենք լինի Ռուսաստանից դեպի համաշխարհային շուկաներ ուկրաինական հացահատիկի արտահանման հարցում: Որքան շուտ դրանք ստանանք, այնքան շուտ կկարողանանք գործարկել նոր պաշտպանված միջանցքը», - ասել է նա։
Նրա խոսքով՝ կործանիչների մատակարարման հարցն արդեն լուծված է, սակայն այդ ծրագրերի իրականացման համար ժամանակ կպահանջվի։ Կուլեբան նաև հայտնել է, որ Ուկրաինան կշարունակի ամերիկյան ATACMS օպերատիվ-մարտավարական հրթիռային համակարգեր ստանալու փորձերը, սակայն «հասկանում է այդ թեմայով Վաշինգտոնի տրամաբանությունը»:
Ավելի վաղ ԱՄՆ նախագահի ազգային անվտանգության հարցերով օգնական Ջեյք Սալիվանը նշել էր, որ Վաշինգտոնը շարունակում է Կիևի հետ քննարկել ATACMS-ի մատակարարման հնարավորությունը, սակայն այդ կապակցությամբ որոշում դեռ չի կայացվել:
Կիրակի ԱՄՆ պետքարտուղար Էնթոնի Բլինկենը հայտարարել էր, որ Կիևին ամերիկյան Ֆ-16 կործանիչների մատակարարումը մի քանի ամիս կտևի: Ավելի վաղ Վլադիմիր Զելենսկու գրասենյակի ղեկավար Անդրեյ Երմակը հայտարարել էր, որ Ուկրաինան հույս ունի ստանալ առաջին F-16-ները մինչև 2023 թվականի ավարտը: ՆԱՏՕ-ի գլխավոր քարտուղար Յենս Ստոլտենբերգը չի նշել Ուկրաինային Ֆ-16-ների մատակարարման ժամկետները։ Նրա խոսքով՝ դա կախված կլինի օդաչուների ուսուցումից և դաշնակիցների կողմից իրավիճակի գնահատումից: Միևնույն ժամանակ, Պենտագոնի միացյալ շտաբի գործողությունների տնօրեն Դուգլաս Սիմսը հուլիսի 13-ին հայտարարել է, որ այդ կործանիչների փոխանցումն Ուկրաինային այժմ ժամանակավրեպ կլիներ:
Լրահոս
0