https://arm.sputniknews.ru/20230726/vorvoshel-em-dadarecnel-nstacujcy-ev-sharunakel-janqers-artakarg-rezhimvov-harutjunjan-63505283.html
Որոշել եմ դադարեցնել նստացույցը և շարունակել ջանքերս արտակարգ ռեժիմով․ Հարությունյան
Որոշել եմ դադարեցնել նստացույցը և շարունակել ջանքերս արտակարգ ռեժիմով․ Հարությունյան
Sputnik Արմենիա
Արցախի նախագահը կոչ է արել պետություններին ու միջազգային կազմակերպություններին հետևել Հայաստանի Հանրապետության օրինակին և Արցախի ժողովրդին մատակարարել հրատապ... 26.07.2023, Sputnik Արմենիա
2023-07-26T13:20+0400
2023-07-26T13:20+0400
2023-07-26T13:25+0400
արցախի նախագահ արայիկ հարությունյան
նստացույց
արցախ
https://cdn.am.sputniknews.ru/img/07e7/07/19/63442730_0:0:1600:900_1920x0_80_0_0_0b201f9b15b7046bad9a0805d3f7dd71.jpg
ԵՐԵՎԱՆ, 26 հուլիսի – Sputnik. Արցախի Հանրապետության նախագահ Արայիկ Հարությունյանը դադարեցնել է հուլիսի 17-ին հայտարարած նստացույցը։ Այս մասին հայտնում է Արցախի նախագահի մամուլի ծառայությունը։Նրա խոսքով` իրենց հաջողվել է բարձրացնել միջազգային իրազեկվածության և ուշադրության մակարդակը: Ըստ Արցախի նախագահի` այդ ուղղության գլխավոր միջոցառումը դարձել է հուլիսի 24-ին կայացած հրատապ մամուլի ասուլիսը, որին մասնակցել է շուրջ 100 լրագրող 35 երկրից, այդ թվում՝ աշխարհի ամենաառաջատար լրատվամիջոցների ներկայացուցիչներ:Նա հիշեցրել է, որ այդ ասուլիսում Արցախը հայտարարել է աղետի գոտի՝ միջազգային հանրությանը կոչ անելով հրատապ հումանիտար աջակցություն ցուցաբերել: Արցախը հայտարարում եմ աղետի գոտի. Արայիկ Հարությունյան«Դրա առաջին արձագանքը Հայաստանի Հանրապետության կառավարության որոշումն է Արցախի ժողովրդին աղետից փրկելու նպատակով այսօր Արցախ մեծաքանակ հումանիտար աջակցություն ուղարկելու մասին: Կա՛մ Ադրբեջանը կբացի Լաչինի (Քաշաթաղի) միջանցքը այդ հումանիտար աջակցության առջև, կա՛մ աղետի գոտի հումանիտար բեռների մուտքի հերթական արգելքով, ի լուր աշխարհի, լրացուցիչ կերպով կվերահաստատի իր քաղաքականության ցեղասպանական էությունը»,–նշել է Հարությունյանը:Նա կոչ է արել այլ պետություններին ու միջազգային կազմակերպություններին (առաջին հերթին՝ ՄԱԿ-ի համապատասխան գործակալություններին) հետևել Հայաստանի Հանրապետության օրինակին և Արցախի ժողովրդին մատակարարել հրատապ հումանիտար օգնություն իրենց ստանձնած միջազգային պարտավորությունների շրջանակներում:Հարությունյանը հույս է հայտնել, որ առաջիկա օրերին տեղի կունենան այլ հանդիպումներ ու միջոցառումներ, որոնք շոշափելի արդյունքներ կապահովեն աղետալի իրավիճակի վերացման հարցում:«Հայաստանի Հանրապետության և Սփյուռքի մեր հայրենակիցներին խնդրում ու հորդորում ենք հետևողական ջանքերով հնարավորինս մեծացնել ճնշումը միջազգային հանրության հիմնական դերակատարների, հատկապես՝ ՄԱԿ-ի Անվտանգության խորհրդի մշտական անդամների (Ռուսաստանի, ԱՄՆ-ի, Ֆրանսիայի, Մեծ Բրիտանիայի ու Չինաստանի) կառավարությունների, ինչպես նաև ՄԱԿ-ի կառույցների ու Եվրոպական Միության նկատմամբ՝ կիրառելով բոլոր հնարավոր միջոցներն ուշադրություն հրավիրելու և հրատապ գործողության մղելու նպատակով»,– նշել է Արցախի նախագահը:Հիշեցնենք` Արցախի նախագահ Արայիկ Հարությունյանը հուլիսի 17–ին միացել էր Ստեփանակերտի Վերածնունդի հրապարակի նստացույց անողներին։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արցախի նախագահ արայիկ հարությունյան, նստացույց, արցախ
արցախի նախագահ արայիկ հարությունյան, նստացույց, արցախ
Որոշել եմ դադարեցնել նստացույցը և շարունակել ջանքերս արտակարգ ռեժիմով․ Հարությունյան
13:20 26.07.2023 (Թարմացված է: 13:25 26.07.2023) Արցախի նախագահը կոչ է արել պետություններին ու միջազգային կազմակերպություններին հետևել Հայաստանի Հանրապետության օրինակին և Արցախի ժողովրդին մատակարարել հրատապ հումանիտար աջակցություն՝ իրենց ստանձնած միջազգային պարտավորությունների շրջանակներում:
ԵՐԵՎԱՆ, 26 հուլիսի – Sputnik. Արցախի Հանրապետության նախագահ Արայիկ Հարությունյանը դադարեցնել է հուլիսի 17-ին հայտարարած նստացույցը։ Այս մասին հայտնում է
Արցախի նախագահի մամուլի ծառայությունը։
«Համարելով, որ իմ նստացույցը, համաժողովրդական շարժումը և մնացած բոլոր ջանքերն արդեն որոշակի արդյունք են ապահովել միջազգային ուշադրություն հրավիրելու և գործնական քայլերի մղելու հարցում՝ որոշել եմ դադարեցնել նստացույցը և շարունակել ջանքերս աշխատանքային արտակարգ ռեժիմով»,–նշել է Հարությունյանը։
Նրա խոսքով` իրենց հաջողվել է բարձրացնել միջազգային իրազեկվածության և ուշադրության մակարդակը: Ըստ Արցախի նախագահի` այդ ուղղության գլխավոր միջոցառումը դարձել է հուլիսի 24-ին կայացած հրատապ մամուլի ասուլիսը, որին մասնակցել է շուրջ 100 լրագրող 35 երկրից, այդ թվում՝ աշխարհի ամենաառաջատար լրատվամիջոցների ներկայացուցիչներ:
Նա հիշեցրել է, որ այդ ասուլիսում Արցախը հայտարարել է աղետի գոտի՝ միջազգային հանրությանը կոչ անելով հրատապ հումանիտար աջակցություն ցուցաբերել:
«Դրա առաջին արձագանքը Հայաստանի Հանրապետության կառավարության որոշումն է Արցախի ժողովրդին աղետից փրկելու նպատակով այսօր Արցախ մեծաքանակ հումանիտար աջակցություն ուղարկելու մասին: Կա՛մ Ադրբեջանը կբացի Լաչինի (Քաշաթաղի) միջանցքը այդ հումանիտար աջակցության առջև, կա՛մ աղետի գոտի հումանիտար բեռների մուտքի հերթական արգելքով, ի լուր աշխարհի, լրացուցիչ կերպով կվերահաստատի իր քաղաքականության ցեղասպանական էությունը»,–նշել է Հարությունյանը:
Նա կոչ է արել այլ պետություններին ու միջազգային կազմակերպություններին (առաջին հերթին՝ ՄԱԿ-ի համապատասխան գործակալություններին) հետևել Հայաստանի Հանրապետության օրինակին և Արցախի ժողովրդին մատակարարել հրատապ հումանիտար օգնություն իրենց ստանձնած միջազգային պարտավորությունների շրջանակներում:
«Նաև մեր ջանքերի արդյունքում երեկ Մոսկվայում տեղի է ունեցել Ռուսաստանի, Հայաստանի և Ադրբեջանի արտաքին գործերի նախարարների եռակողմ հանդիպում, որի արդյունքները, սակայն, մեզ համար ընդունելի չեն»,–նշել է նա։
Հարությունյանը հույս է հայտնել, որ առաջիկա օրերին տեղի կունենան այլ հանդիպումներ ու միջոցառումներ, որոնք շոշափելի արդյունքներ կապահովեն աղետալի իրավիճակի վերացման հարցում:
«Հայաստանի Հանրապետության և Սփյուռքի մեր հայրենակիցներին խնդրում ու հորդորում ենք հետևողական ջանքերով հնարավորինս մեծացնել ճնշումը միջազգային հանրության հիմնական դերակատարների, հատկապես՝ ՄԱԿ-ի Անվտանգության խորհրդի մշտական անդամների (Ռուսաստանի, ԱՄՆ-ի, Ֆրանսիայի, Մեծ Բրիտանիայի ու Չինաստանի) կառավարությունների, ինչպես նաև ՄԱԿ-ի կառույցների ու Եվրոպական Միության նկատմամբ՝ կիրառելով բոլոր հնարավոր միջոցներն ուշադրություն հրավիրելու և հրատապ գործողության մղելու նպատակով»,– նշել է Արցախի նախագահը:
Հիշեցնենք` Արցախի նախագահ Արայիկ Հարությունյանը հուլիսի 17–ին միացել էր Ստեփանակերտի Վերածնունդի հրապարակի նստացույց անողներին։
