https://arm.sputniknews.ru/20230809/mer-qrtinqy-dashtamuky-kerav-u-ambarec-ajgabacum-hashvum-en-krtsvoghneri-hascrats-vnasy-64155801.html
Մեր քրտինքը դաշտամուկը կերավ ու ամբարեց. Այգաբացում հաշվում են կրծողների հասցրած վնասը
Մեր քրտինքը դաշտամուկը կերավ ու ամբարեց. Այգաբացում հաշվում են կրծողների հասցրած վնասը
Sputnik Արմենիա
Շիրակի մարզի Ախուրյան համայնքի Այգաբաց համայնքի բնակիչներն ահազանգում են՝ քրտինքով ցանած հացահատիկը կրծողներին է բաժին հասել: 09.08.2023, Sputnik Արմենիա
2023-08-09T17:09+0400
2023-08-09T17:09+0400
2023-08-09T17:24+0400
հայաստան
շիրակի մարզ
ախուրյան համայնք
հացահատիկ
ցորեն
դաշտամուկ
https://cdn.am.sputniknews.ru/img/07e7/08/09/64153158_0:0:1601:901_1920x0_80_0_0_1f043949e63d029e5a67b093fd98db1d.jpg
ԵՐԵՎԱՆ, 9 օգոստոսի – Sputnik, Արմենուհի Մխոյան. Արդեն 2-րդ օրն է` Շիրակի մարզի Ախուրյան համայնքի Այգաբաց բնակավայրում խուճապ է. դաշտամուկը կերել է բերքը: Գյուղաբնակները դիմել են համայնքի ղեկավար Զավեն Մանուկյանին՝ ահազանգելով, որ կրծողները ոչնչացնում են հացահատիկի հասած բերքը: Համայնքի ղեկավարի հանձնարարությամբ ստեղծվել է հանձնախումբ, որը տուն առ տուն է անցել ու գնահատել վնասը:Շրջայցի ընթացքում պարզվել է, որ 10 օրվա ընթացքում կրծողները, նախնական տվյալներով, ոչնչացրել են շուրջ 60 հեկտար ցորենի ցանքատարածքների ամբողջ բերքը, մոտ այդքան տարածք էլ մասնակի է տուժել:Կրծողները ոչ միայն Այգաբացին են վնաս հասցրել, այլև Ախուրյան համայնքի այլ բնակավայրերին։ Հիմնականում տուժել են բարձրադիր գոտիներում՝ սարերի տակ եղած համայնքները:Ախուրյան համայնքի գյուղատնտեսության ու բնապահպանության բաժնի ղեկավար Հովիկ Մելքոնյանը մեզ հետ զրույցում ասաց` եղել են դաշտեր, որ կոմբայնը դաշտամկից հետո չի մտել արտ. իմաստ չի եղել:Բնակիչները մեծ մասը բերքը չի ապահովագրել, եթե անգամ ապահովագրել է, ապա կարկուտի դեմ. կրծողների մասով ապահովագրության մեջ խոսք չկա:Մելքոնյանը վստահեցրեց, որ կրծողների դեմ պայքարի միջոցառումներ ժամանակին արվել են, բայց այս պահին այլ՝ ավելի լայնամասշտաբ միջոցառում է պետք։Աշխատանքային խումբը գույքագրել է խնդիրները, ներկայացրել համայնքի ղեկավարին։ Նա էլ տվյալները կներկայացնի Շիրակի մարզպետարանին ու ՀՀ կառավարությանը:Մինչ տվյալները քայլ առ քայլ կփոխանցվեն վերադասներին, դաշտամուկը արտից արտ է անցնում` ամբարելով նախ ցորենը, հետո էլ կարտոֆիլը։ՀՀ-ում պարենային անվտանգության ռազմավարություն են մշակել. նախարարությունը պարզաբանում է
շիրակի մարզ
ախուրյան համայնք
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, շիրակի մարզ, ախուրյան համայնք, հացահատիկ, ցորեն, դաշտամուկ
հայաստան, շիրակի մարզ, ախուրյան համայնք, հացահատիկ, ցորեն, դաշտամուկ
Մեր քրտինքը դաշտամուկը կերավ ու ամբարեց. Այգաբացում հաշվում են կրծողների հասցրած վնասը
17:09 09.08.2023 (Թարմացված է: 17:24 09.08.2023) Շիրակի մարզի Ախուրյան համայնքի Այգաբաց համայնքի բնակիչներն ահազանգում են՝ քրտինքով ցանած հացահատիկը կրծողներին է բաժին հասել:
ԵՐԵՎԱՆ, 9 օգոստոսի – Sputnik, Արմենուհի Մխոյան. Արդեն 2-րդ օրն է` Շիրակի մարզի Ախուրյան համայնքի Այգաբաց բնակավայրում խուճապ է. դաշտամուկը կերել է բերքը: Գյուղաբնակները դիմել են համայնքի ղեկավար Զավեն Մանուկյանին՝ ահազանգելով, որ կրծողները ոչնչացնում են հացահատիկի հասած բերքը: Համայնքի ղեկավարի հանձնարարությամբ ստեղծվել է հանձնախումբ, որը տուն առ տուն է անցել ու գնահատել վնասը:
Շրջայցի ընթացքում պարզվել է, որ 10 օրվա ընթացքում կրծողները, նախնական տվյալներով, ոչնչացրել են շուրջ 60 հեկտար ցորենի ցանքատարածքների ամբողջ բերքը, մոտ այդքան տարածք էլ մասնակի է տուժել:
«Այգաբացում դաշտամուկը նոր բան չէ, բայց այս քանակի երբեք չի եղել։ Ձմեռը տաք է եղել, բազմացել են, մեր քրտինքը կերել։ Կրծողները նաև «խելացի» են գտնվել. հերիք չէ` հիմա են կերել, մի բան էլ փորել են հողը, ցորենը պահել հողի տակ»,– Sputnik Արմենիայի հետ զրույցում ասաց վարչական ղեկավարի օգնական Անդրանիկ Հարոյանը:
Կրծողները ոչ միայն Այգաբացին են վնաս հասցրել, այլև Ախուրյան համայնքի այլ բնակավայրերին։ Հիմնականում տուժել են բարձրադիր գոտիներում՝ սարերի տակ եղած համայնքները:
Ախուրյան համայնքի գյուղատնտեսության ու բնապահպանության բաժնի ղեկավար Հովիկ Մելքոնյանը մեզ հետ զրույցում ասաց` եղել են դաշտեր, որ կոմբայնը դաշտամկից հետո չի մտել արտ. իմաստ չի եղել:
«Հիմա ոչ միայն ցորենի ու գարու դաշտերի խնդիրն է, այլ նաև կարտոֆիլի ու բանջարաբոստանային մյուս կուլտուրաների։ Բերքահավաքը վերջացավ, ու հիմա արդեն արտերում կեր չգտնելով` մտնելու են այնտեղ, որտեղ կեր կա»,- նշեց նա։
Բնակիչները մեծ մասը բերքը չի ապահովագրել, եթե անգամ ապահովագրել է, ապա կարկուտի դեմ. կրծողների մասով ապահովագրության մեջ խոսք չկա:
Մելքոնյանը վստահեցրեց, որ կրծողների դեմ պայքարի միջոցառումներ ժամանակին արվել են, բայց այս պահին այլ՝ ավելի լայնամասշտաբ միջոցառում է պետք։
Աշխատանքային խումբը գույքագրել է խնդիրները, ներկայացրել համայնքի ղեկավարին։ Նա էլ տվյալները կներկայացնի Շիրակի մարզպետարանին ու ՀՀ կառավարությանը:
Մինչ տվյալները քայլ առ քայլ կփոխանցվեն վերադասներին, դաշտամուկը արտից արտ է անցնում` ամբարելով նախ ցորենը, հետո էլ կարտոֆիլը։
