Միրզոյանը Շվեդիայի և Լյուքսեմբուրգի գործընկերների հետ զրուցել է Արցախի շրջափակման մասին
17:34 23.08.2023 (Թարմացված է: 17:35 23.08.2023)
Բաժանորդագրվեք
Գործընկերների հետ զրույցում ՀՀ ԱԳ նախարարն ընդգծել է Լաչինի միջանցքի փակման սարսափելի հետևանքները Արցախում և Ադրբեջանի վարած էթնիկ զտման քաղաքականությունը։
ԵՐԵՎԱՆ, 23 օգոստոսի — Sputnik. Լեռնային Ղարաբաղի տոտալ պաշարումը և 120 հազար մարդու համար ստեղծված սարսափելի պայմաններն Ադրբեջանի էթնիկ զտումների բացահայտ քաղաքականությունն են։ Շվեդիայի Թագավորության արտաքին գործերի նախարար Տոբիաս Բիլստրյոմի հետ հեռախոսազրույցի ժամանակ ասել է ՀՀ արտաքին գործերի նախարար Արարատ Միրզոյանը։ Այս մասին նա գրել է X-ի իր էջում։
«Հաշվի առնելով Լեռնային Ղարաբաղի տոտալ պաշարումը և 120 հազար մարդու համար ստեղծված սարսափելի պայմանները` ընդգծվել է Ադրբեջանի էթնիկ զտումների բացահայտ քաղաքականությունը։ Սա ցույց է տալիս Լաչինի միջանցքի՝ որպես Հայաստանի հետ կապող միակ օղակի ապաշրջափակման ուղղությամբ հստակ քայլերի կարևորությունը»,– մասնավորապես գրել է Միրզոյանը։
Had📞conversation w/🇸🇪FM @TobiasBillstrom. Given total siege of #NagornoKarabakh &dire consequences for 120K people, emphasized that AZ open policy of ethnic cleansing continuously shows importance of clear steps to lift blockade of #LachinCorridor, as the only link w/#Armenia🇦🇲.
— Ararat Mirzoyan (@AraratMirzoyan) August 23, 2023
ՀՀ ԱԳ նախարարը նաև զրուցել է Լյուքսեմբուրգի արտաքին և եվրոպական գործերի նախարար Ժան Ասելբորնի հետ։
«Բարձր գնահատելով միջազգային գործընկերների հետ համագործակցությունը` ընդգծվել է հասանելի գործիքների օգտագործման անհրաժեշտությունը՝ հասնելու Լաչինի միջանցքի վերաբացմանը և վերջ դնելու Լեռնային Ղարաբաղի անմարդկային շրջափակմանը»,– նշել է Միրզոյանը։
In📞call w/my🇱🇺colleague Jean Asselborn, appreciating all targeted calls by intl partners, emphasized need to use available tools to reach reopening of #LachinCorridor, putting end to inhuman blockade of #NagornoKarabakh in line w/@CIJ_ICJ Orders, &prevent ethnic cleansing in NK.
— Ararat Mirzoyan (@AraratMirzoyan) August 23, 2023
Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։
