Օգոստոսի 14–ի սարսափելի վթարից տուժածներից 1–ը դուրս է գրվել. ի՞նչ վիճակում են մյուսները
11:32 24.08.2023 (Թարմացված է: 12:18 24.08.2023)
© Photo : ՀՀ Քննչական կոմիտե
Բաժանորդագրվել
Տուծածներից մեկի վիճակը ծայրահեղ ծանր է։
ԵՐԵՎԱՆ, 24 օգոստոսի – Sputnik. Շիրակի մարզում օգոստոսի 14-ին տեղի ունեցած ողբերգական վթարի հետևանքով տուժած 6 անձանցից մեկը դուրս է գրվել հիվանդանոցից, մյուս 5–ը շարունակում են բուժումը։ Տեղեկությունը հայտնում է ՀՀ առողջապահության նախարարությունը։
«Տուժածներից 3-ը գտնվում են տարբեր բաժանմունքներում, նրանց առողջական վիճակը միջին ծանրության է կամ բավարար: 1 տուժած բուժում է ստանում վերակենդանացման բաժանմունքում, վիճակի բարելավում է նկատվել: Բժիշկները առողջական վիճակը գնահատում են կայուն ծանր: Տուժածներից 1-ի առողջական վիճակն էլ գնահատվում է անկայուն, ծայրահեղ ծանր, գտնվում է վերակենդանացման բաժանմունքում»,–հայտնում է նախարարությունը:
Հիշեցնենք` օգոստոսի 14-ին` ժամը 00:20-ի սահմաններում, Լանջիկ գյուղի վարչական տարածքում բախվել են «Volkswagen» մակնիշի ուղևորափոխադրող միկրոավտոբուսը և 33-ամյա Հ.Պ.–ի վարած «ZIL» մակնիշի բեռնատարը։ Վթարի զոհ է դարձել 11 մարդ։ Խումբը վերադառնում էր Արևմտյան Հայաստանից։
