ՀՀ ԱԱԾ սահմանապահ զորքերում տեղի է ունեցել նորակոչիկ զինծառայողների երդման արարողություն

Բաժանորդագրվեք
НовостиTelegram
Նորակոչիկները հավաստիացրել են, որ ամեն ինչ անելու են պետական սահմանի անվտանգությունն ապահովելու համար:
ՀՀ ազգային անվտանգության ծառայության սահմանապահ զորքերի N զորամասում տեղի է ունեցել նորակոչիկների երդման հանդիսավոր արարողությունը: Տեղեկությունը հայտնում է ԱԱԾ մամուլի ծառայությունը։
Հանդիսավոր արարողությունը մեկնարկել է ՀՀ օրհներգով, որից հետո նորակոչիկները կատարել են ՀՀ ԱԱԾ սահմանապահ զորքերի օրհներգը:
Նորակոչիկներն ընթերցել են զինվորական երդման տեքստը` խոստանալով անձնվիրաբար ծառայել հայրենիքին։ Նրանք հավաստիացրել են, որ ամեն ինչ անելու են պետական սահմանի անվտանգությունն ապահովելու համար:
Տպավորությունը լավ է․ Փաշինյանը Կապանում այցելել է ԱԱԾ սահմանապահ ուղեկալ
Հանդիսավոր արարողության ավարտին Սահմանապահ զորքերի ժամկետային զինծառայողները ցուցադրել են հատուկ մարտավարական և ձեռնամարտի հնարքներ, իսկ կինոլոգիական կենտրոնը՝ ծառայողական շներով վարժաձևեր։
Այդ ընթացքում ցուցադրվել են ենթադրյալ պայթուցիկ սարքի հայտնաբերում, փախուստի դիմած սահմանախախտի վնասազերծում և ձերբակալում։
Լրահոս
0