https://arm.sputniknews.ru/20230905/bacum-nakhadzernutjuny-hh-agnic-u-emic-pahanjum-e-hratap-kargvov-dimel-maki-akh-65334001.html

«Բացում» նախաձեռնությունը ՀՀ ԱԳՆ–ից ու ԵՄ–ից պահանջում է հրատապ կարգով դիմել ՄԱԿ–ի ԱԽ

«Բացում» նախաձեռնությունը ՀՀ ԱԳՆ–ից ու ԵՄ–ից պահանջում է հրատապ կարգով դիմել ՄԱԿ–ի ԱԽ

Sputnik Արմենիա

Մի խումբ քաղաքացիներ իրենց պահանջը նամակի տեսքով փոխանցեցին ՀՀ ԱԳՆ–ին ու Երևանում ԵՄ գրասենյակին։ 05.09.2023, Sputnik Արմենիա

2023-09-05T14:46+0400

2023-09-05T14:46+0400

2023-09-05T15:14+0400

հայաստան

արցախ

միավորված ազգերի կազմակերպություն (մակ)

բանաձև

արտաքին գործերի նախարարություն (ագն)

եվրամիություն

նամակ

https://cdn.am.sputniknews.ru/img/07e7/09/05/65335169_0:0:1600:900_1920x0_80_0_0_0334caaf515d7dd472330d55bcc20930.jpg

ԵՐԵՎԱՆ, 5 սեպտեմբերի – Sputnik. «Բացում» քաղաքացիական նախաձեռնության անդամները ՀՀ ԱԳՆ–ից ու Եվրամիությունից պահանջում են հրատապ կարգով դիմել ՄԱԿ–ի Անվտանգության խորհուրդ, որպեսզի վերջինս Արցախում հումանիտար ճգնաժամը վերացնելու մասին վճռական բանաձև ընդունի։ Նախաձեռնության շուրջ 10 անդամներն այսօր ակցիաներ անցկացրին ՀՀ արտաքին գործերի նախարարության և Երևանում ԵՄ ներկայացուցչության գրասենյակի առջև և իրենց պահանջը նամակի տեսքով փոխանցեցին ՀՀ արտգործնախարարությանն ու Երևանում ԵՄ գրասենյակին։«Ադրբեջանի կողմից իրականացվող շրջափակումը անմարդկային դժվարությունների առաջ է կանգնեցրել Արցախի հայ ժողովրդին` զրկելով մարդու հիմնարար իրավունքներից և ստեղծելով հումանիտար աղետ»,– ասված է նամակում։Նախաձեռնության անդամները նաև կետեր են առաջարկել, որոնք պետք է կենտրոնական լինեն ՄԱԿ–ի ԱԽ–ի բանաձևում` Բերձորի միջանցքի բացում, այդ ճանապարհով մարդասիրական օգնության առաքում, Ադրբեջանին պատասխանատվության ենթարկում, Արցախի հայ ժողովրդի իրավունքների հաստատում։«Բացում» քաղաքացիական նախաձեռնության անդամներն ավելի վաղ ակցիաներ էին անցկացրել ՌԴ-ի, ԱՄՆ-ի, Ֆրանսիայի, Մեծ Բրիտանիայի, Չինաստանի դեսպանատների առջև:Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը ՀՀ–ին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև ՀՀ–ից մատակարարվող գազից և էլեկտրաէներգիայից։Հուլիսի 26-ին առաջին անհրաժեշտության շուրջ 400 տ ապրանքով բեռնված 19 բեռնատար Երևանից ուղևորվեցինշրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։Օգոստոսի 30–ից սահմանին կանգնած են մնացել նաև Ֆրանսիայի տարբեր քաղաքներից Արցախի համար բեռ տանող ֆրանսիական բեռնատարները։

2023

Լուրեր

am_HY

հայաստան, արցախ, միավորված ազգերի կազմակերպություն (մակ), բանաձև, արտաքին գործերի նախարարություն (ագն), եվրամիություն, նամակ