Ադրբեջանն իրականությանը չհապատասխանող հաղորդագրություն է տարածել. ՊՆ

© Sputnik / Asatur YesayantsՀՀ ՊՆ
ՀՀ ՊՆ - Sputnik Արմենիա, 1920, 11.09.2023
ՀՀ ՊՆ
Բաժանորդագրվեք
НовостиTelegram
Ադրբեջանի ՊՆ–ն հայտարարել է, թե ՀՀ ԶՈւ ստորաբաժանումներն իբր կրակ են բացել ադրբեջանական դիրքերի ուղղությամբ։
ԵՐԵՎԱՆ, 11 սեպտեմբերի – Sputnik. Ադրբեջանի պաշտպանության նախարարությունը կրկին կեղծ տեղեկություն է տարածել։ Այս հայտարարությունն արել է ՀՀ պաշտպանական գերատեսչությունը։
«Ադրբեջանի պաշտպանության նախարարության հաղորդագրությունն այն մասին, թե սեպտեմբերի 11-ին` ժամը 13։30-ի սահմաններում, ՀՀ ԶՈւ ստորաբաժանումներն իբր կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը»,– ասված է ՊՆ–ի հաղորդագրությունում:
Հիշեցնենք` ՀՀ վարչապետ Նիկոլ Փաշինյանը սեպտեմբերի 7–ին կառավարության նիստում հայտարարեց, որ Ադրբեջանը օրեր շարունակ զորքեր է կուտակում ՀՀ–ի և Արցախի շփման գծերում։
Նույն օրը ՀՀ ԱԳՆ–ն հաղորդագրություն տարածեց` նշելով, որ Հայաստանի Հանրապետությունը շարունակում է հավատարիմ մնալ Ադրբեջանի հետ առկա խնդիրների` բացառապես քաղաքական ճանապարհով լուծմանը և պատրաստ է այս ուղղությամբ առաջին իսկ պատեհ հնարավորության դեպքում շարունակել Ադրբեջանի հետ քննարկումները:
Լրահոս
0