https://arm.sputniknews.ru/20230912/inch-apranqner-en-eghel-arcakh-hasats-rusakan-karmir-khachi-bernatari-mej-65683662.html

Ի՞նչ ապրանքներ են եղել Արցախ հասած ռուսական Կարմիր խաչի բեռնատարում

Ի՞նչ ապրանքներ են եղել Արցախ հասած ռուսական Կարմիր խաչի բեռնատարում

Sputnik Արմենիա

Արցախ է տեղափոխվել ոչ միայն սննդամթերք, այլ նաև հիգիենիկ ու անկողնային պարագաներ։ 12.09.2023, Sputnik Արմենիա

2023-09-12T12:06+0400

2023-09-12T12:06+0400

2023-09-12T12:12+0400

արցախ

կարմիր խաչ

բեռնատար

հումանիտար օգնություն

ռուսաստան

հայաստան-ռուսաստան համագործակցություն

խաղաղապահներն արցախում

https://cdn.am.sputniknews.ru/img/07e7/09/0c/65677077_0:44:1100:663_1920x0_80_0_0_f7dc840a8186210f4030960c222651f4.jpg

ԵՐԵՎԱՆ, 12 սեպտեմբերի–Sputnik. Հայտնի է, թե Ասկերան քաղաքով Արցախի Հանրապետություն մուտք գործած ռուսական Կարմիր խաչի բեռնատարի մեջ ինչ ապրանքներ կան։ Արցախի սոցիալական զարգացման և միգրացիայի նախարարությունը տեղեկություն է հրապարակել այդ մասին։Հայտնել ենք, որ այսօր` սեպտեմբերի 12-ին, ռուսական Կարմիր խաչի միջոցով հումանիտար բեռը Արցախի իշխանության թույլտվությամբ Ասկերան քաղաքով մուտք է գործել Արցախի Հանրապետություն:Նշվում է, որ Արցախ է տեղափոխվել մթերային 1000 փաթեթ, որի մեջ մտնում է 0.9 լ արևածաղկի ձեթ, 1 կգ շաքարավազ, 2 կգ ցորենի ալյուր, 500 գր մակարոն (3 հատ), 1կգ հնդկաձավար, 1 կգ կորեկ, 1 կգ սպիտակաձավար, 0,5 կգ վարսակի փաթիլներ, 0,5 կգ–ոց5 հատ շոգեխաշուկ (Тушенка) 5 հատ։Այսպիսի 1 հավաքածուի ընդհանուր քաշը 11,4 կգ է։Արցախ է բերվել նաև 192 մանկական հավաքածու։Ռուսական Կարմիր խաչի բեռնատարում եղել է նաև 270 անկողնային պարագաների, 200 հիգիենիկ պարագաների հավաքածուներ։Նշենք, որ Ռուսաստանի Դաշնության կառավարությունը հանդես էր եկել Արցախի Հանրապետությանը հումանիտար օգնություն տրամադրելու նախաձեռնությամբ՝ հաշվի առնելով հանրապետությունում ստեղծված հումանիտար ճգնաժամը:Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը ՀՀ–ին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև ՀՀ–ից մատակարարվող գազից և էլեկտրաէներգիայից։Հուլիսի 26-ին առաջին անհրաժեշտության շուրջ 400 տ ապրանքով բեռնված 19 բեռնատար Երևանից ուղևորվեցին շրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։Օգոստոսի 30–ից սահմանին կանգնած են մնացել նաև Ֆրանսիայի տարբեր քաղաքներից Արցախի համար բեռ տանող ֆրանսիական բեռնատարները։

2023

Լուրեր

am_HY

արցախ, կարմիր խաչ, բեռնատար, հումանիտար օգնություն, ռուսաստան, հայաստան-ռուսաստան համագործակցություն, խաղաղապահներն արցախում