Հումանիտար օգնության պարունակությունը համաձայնեցվել է Ստեփանակերտի հետ. Զախարովա

Բաժանորդագրվեք
НовостиTelegram
ՌԴ ԱԳՆ ներկայացուցիչն ամոթանք է տվել մարդասիրական օգնության պարունակության վերաբերյալ նվաստացուցիչ հրապարակումների հեղինակներին:
Ռուսաստանից Լեռնային Ղարաբաղ ուղարկված մարդասիրական բեռի պարունակությունը համաձայնեցվել է Լեռնային Ղարաբաղի ներկայացուցիչների հետ: Այս մասին ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքով՝ բեռնատարում հենց այն է եղել, ինչ պետք է մարդկանց, ինչի մասին նրանք խոսել են։ Զախարովան ՌԴ այս քայլը անվանել է «օգնության ձեռք» տարածաշրջանի ժողովրդին։
Զախարովան անթույլատրելի և ամոթալի է համարել բեռի պարունակության վերաբերյալ նվաստացուցիչ հրապարակումները:
«Պետք է ամաչեն նրանք, ովքեր այդպես են որոշել արձագանքել անկեղծ և չափազանց ժամանակին արված ժեստին», - հավելել է նա։
Ավելի վաղ սոցցանցերի հայկական տիրույթում գրել էին, թե իբր ռուսական վերմակներ են ուղարկվել ԼՂ։
Հիշեցնենք` ռուսական Կարմիր խաչը սեպտեմբերի 12–ին 15 տոննա մարդասիրական օգնություն է հասցրել Լեռնային Ղարաբաղի բնակչությանը։ Հումանիտար բեռը (ալյուր, շաքար, ձավար, մակարոն և պահպանման երկար ժամկետ ունեցող այլ մթերք, անձնական հիգիենայի և անկողնային պարագաներ) Արցախի իշխանության թույլտվությամբ Ասկերան քաղաքով մուտք է գործել Արցախի Հանրապետություն:
ՌԴ խաղաղապահներն ապահովել են մարդասիրական օգնության անվտանգ տրամադրումը ԼՂ-ի բնակիչներին
Լրահոս
0