https://arm.sputniknews.ru/20230915/7-kusakcutjun-shans-uni-erevani-avagani-ancnelu-vovqer-en-1in-erjakum-gallup-65847171.html
7 կուսակցություն շանս ունի Երևանի ավագանի անցնելու, ովքե՞ր են 1–ին եռյակում. GALLUP
7 կուսակցություն շանս ունի Երևանի ավագանի անցնելու, ովքե՞ր են 1–ին եռյակում. GALLUP
Sputnik Արմենիա
Հարցված երևանցիների 55 % –ը նշել է, որ միանշանակ մասնակցելու է ընտրությանը, իսկ միանշանակ չմասնակցելու որոշում են կայացրել 20.7 %–ը։ 15.09.2023, Sputnik Արմենիա
2023-09-15T13:17+0400
2023-09-15T13:17+0400
2023-09-15T13:26+0400
ավագանի
երևանի ավագանի
տիմ ընտրություններ
ընտրություններ
https://cdn.am.sputniknews.ru/img/07e5/08/02/28522214_0:84:1601:984_1920x0_80_0_0_ce7f568440fce90256c58d1947755161.jpg
ԵՐԵՎԱՆ, 15 սեպտեմբերի – Sputnik. Երևանի ավագանու ընտրություններում ֆավորիտ թեկնածուների եռյակում են Տիգրան Ավինյանը, Հայկ Մարությանը և Անդրանիկ Թևանյանը, սակայն 7 կուսակցություն ունի շանս ավագանի անցնելու։ Այս մասին վկայում են «GALLUP International association»-ի անցկացրած հարցումները, որոնք անցկացվել են սեպտեմբերի 12-13–ը` 802 երևանցիների շրջանում։Ներկայացնելով հարցման արդյունքները` «GALLUP International association»-ի հայաստանյան ներկայացուցչության տնօրեն Արամ Նավասարդյանը նշեց, որ հարցված քաղաքացիների 22.5%–ը ասել է, որ սեպտեմբերի 17–ին ձայնը տալու է «Քաղաքացիական պայմանագիր» կուսակցությանը` Տիգրան Ավինյանին, 14.3%–ը` Հայկ Մարությանի կուսակցությանը`«Ազգային առաջընթացին», 7.8% –ը «Մայր Հայաստան» դաշինքին` Անդրանիկ Թևանյանին։Երևանի ավագանու կազմ կանցնեն չորս կամ հինգ ուժ. Վիգեն Հակոբյանը վերլուծում է ընտրապայքարըՈւշագրավ է, որ հարցման այս փուլում «Հանրային ձայն» կուսակցությունը (6.7%) առաջ է անցել «Ապրելու երկիր» կուսակցությունից (5.7 %)։ Նրանք համապատասխանաբար չորրորդ և հինգերորդ տեղերում են։Մնացած տոկոսները բաշխվել են մասնակից մյուս ուժերի միջև։«Ում կտան իրենց քվեն հարցին դժվարացել է պատասխանել 9.9 %–ը, և 11. 6 %–ը հրաժարվել է այս հարցին պատասխանել։ Եթե նախորդ փուլի հետ նայենք, համեմատենք տվյալները, մենք տեսնում ենք, որ գրեթե բոլոր կուսակցությունները աճ են գրանցել, բայց առավել աճը գրանցած կուսակցությունը ՔՊ–ն է, որը 6 % բարելավել է ցուցանիշները»,–ասաց Նավասարդյանը։Հարցված երևանցիների 55 %–ը նշել է, որ միանշանակ մասնակցելու է ընտրությանը, իսկ միանշանակ չմասնակցելու որոշում է կայացրել 20.7 %–ը։Եթե այս իրավիճակը պահպանվի, և եթե մասնակցությունը քաղաքացիների լինի 55 տոկոս, ըստ նավասարդյանի`շանսեր կան, որ գրեթե 7 կուսակցություն կունենա ներկայություն ավագանիում։Բացի առաջին եռյակից, «Հանրային ձայն» «Ապրելու երկիր» և «Հանրապետություն» կուսկացություներն ունեն հնարավորություն անցնելու ավագանի։ Շանսեր ունեն նաև «Լուսավոր Հայաստան» (3.8%) և «Հաղթանակ» (3.6%) կուսակցությունները։Ընտրությունը Երևանի ու «Էրիվանի», խաղաղության ու պատերազմի միջև է. Անդրանիկ ԹևանյանՆավասարդյանը նշեց, որ եթե ապրիլին հրապարկված տվյալներով հարցվածների 58,3–ը կարծում էր, որԵրևանի քաղաքապետի պաշտոնը կառավարչի պաշտոն է, իսկ 37,2-ը` քաղաքական, այս հարցումներով 43.1 տոկոսն է մտածում, որ քաղաքապետի պաշտոնը կառավարչի պաշտոն է։ Այժմ 39.4 տոկոսը մտածում է, որ այն քաղաքական պաշտոն է։Հիշեցնենք` Երևանի ավագանու ընտրությունները տեղի կունենան սեպտեմբերի 17-ին:Երևանի ավագանու ընտրություններին մասնակցելու հայտ է ներկայացրել 13 կուսակցություն և 1 դաշինք.
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ավագանի, երևանի ավագանի, տիմ ընտրություններ, ընտրություններ
ավագանի, երևանի ավագանի, տիմ ընտրություններ, ընտրություններ
7 կուսակցություն շանս ունի Երևանի ավագանի անցնելու, ովքե՞ր են 1–ին եռյակում. GALLUP
13:17 15.09.2023 (Թարմացված է: 13:26 15.09.2023) Հարցված երևանցիների 55 % –ը նշել է, որ միանշանակ մասնակցելու է ընտրությանը, իսկ միանշանակ չմասնակցելու որոշում են կայացրել 20.7 %–ը։
ԵՐԵՎԱՆ, 15 սեպտեմբերի – Sputnik. Երևանի ավագանու ընտրություններում ֆավորիտ թեկնածուների եռյակում են Տիգրան Ավինյանը, Հայկ Մարությանը և Անդրանիկ Թևանյանը, սակայն 7 կուսակցություն ունի շանս ավագանի անցնելու։ Այս մասին վկայում են «GALLUP International association»-ի անցկացրած հարցումները, որոնք անցկացվել են սեպտեմբերի 12-13–ը` 802 երևանցիների շրջանում։
Ներկայացնելով հարցման արդյունքները` «GALLUP International association»-ի հայաստանյան ներկայացուցչության տնօրեն Արամ Նավասարդյանը նշեց, որ հարցված քաղաքացիների 22.5%–ը ասել է, որ սեպտեմբերի 17–ին ձայնը տալու է «Քաղաքացիական պայմանագիր» կուսակցությանը` Տիգրան Ավինյանին, 14.3%–ը` Հայկ Մարությանի կուսակցությանը`«Ազգային առաջընթացին», 7.8% –ը «Մայր Հայաստան» դաշինքին` Անդրանիկ Թևանյանին։
Ուշագրավ է, որ հարցման այս փուլում «Հանրային ձայն» կուսակցությունը (6.7%) առաջ է անցել «Ապրելու երկիր» կուսակցությունից (5.7 %)։ Նրանք համապատասխանաբար չորրորդ և հինգերորդ տեղերում են։
Մնացած տոկոսները բաշխվել են մասնակից մյուս ուժերի միջև։
«Ում կտան իրենց քվեն հարցին դժվարացել է պատասխանել 9.9 %–ը, և 11. 6 %–ը հրաժարվել է այս հարցին պատասխանել։ Եթե նախորդ փուլի հետ նայենք, համեմատենք տվյալները, մենք տեսնում ենք, որ գրեթե բոլոր կուսակցությունները աճ են գրանցել, բայց առավել աճը գրանցած կուսակցությունը ՔՊ–ն է, որը 6 % բարելավել է ցուցանիշները»,–ասաց Նավասարդյանը։
Հարցված երևանցիների 55 %–ը նշել է, որ միանշանակ մասնակցելու է ընտրությանը, իսկ միանշանակ չմասնակցելու որոշում է կայացրել 20.7 %–ը։
«Դա եթե համեմատենք նախորդ ընտրությունների հետ, ավելի լավ ցուցանիշ է, և եթե անգամ այդ 55 %–ը պահպանվի, մենք կունենանք բավականին ճիշտ բաշխվածություն այն տվյալների, որը ստացել ենք։ Իսկ հերթականության բաշխվածության առումով կարծում եմ, որ պետք է սյուրպրիզներ չլինեն»,–ասաց նա։
Եթե այս իրավիճակը պահպանվի, և եթե մասնակցությունը քաղաքացիների լինի 55 տոկոս, ըստ նավասարդյանի`շանսեր կան, որ գրեթե 7 կուսակցություն կունենա ներկայություն ավագանիում։
Բացի առաջին եռյակից, «Հանրային ձայն» «Ապրելու երկիր» և «Հանրապետություն» կուսկացություներն ունեն հնարավորություն անցնելու ավագանի։ Շանսեր ունեն նաև «Լուսավոր Հայաստան» (3.8%) և «Հաղթանակ» (3.6%) կուսակցությունները։
Նավասարդյանը նշեց, որ եթե ապրիլին հրապարկված տվյալներով հարցվածների 58,3–ը կարծում էր, որԵրևանի քաղաքապետի պաշտոնը կառավարչի պաշտոն է, իսկ 37,2-ը` քաղաքական, այս հարցումներով 43.1 տոկոսն է մտածում, որ քաղաքապետի պաշտոնը կառավարչի պաշտոն է։ Այժմ 39.4 տոկոսը մտածում է, որ այն քաղաքական պաշտոն է։
Հիշեցնենք` Երևանի ավագանու ընտրությունները տեղի կունենան սեպտեմբերի 17-ին:
Երևանի ավագանու ընտրություններին մասնակցելու հայտ է ներկայացրել 13 կուսակցություն և 1 դաշինք.
1.
«Հայաստանի եվրոպական» կուսակցություն,
2.
«Ժողովրդավարական համախմբում» կուսակցություն,
3.
«Քաղաքացիական պայմանագիր» կուսակցություն,
4.
«Հանուն սոցիալական արդարության» կուսակցություն,
5.
«Ուժը հայրենյաց» կուսակցություն,
6.
«Հանրային ձայն» կուսակցություն,
7.
«Ազգային առաջընթաց» կուսակցություն,
8.
«Հաղթանակ» կուսակցություն,
9.
«Ապրելու երկիր» կուսակցություն,
10.
«Հանրապետություն» կուսակցություն,
11.
«Միացյալ Հայաստան» կուսակցություն,
12.
«Արդար Հայաստան» կուսակցություն,
13.
«Լուսավոր Հայաստան» կուսակցություն,
14.
«Մայր Հայաստան» դաշինք («Երկիր ծիրանի» և «Ինտելեկտուալ Հայաստան կուսակցություններ)։
